Агымдагы елда Казанда ләм кырларын рекультивацияләүгә «Экологик иминлек» илкүләм проекты буенча 1 млрд сумнан артык акча бүлеп бирелгән
Казанда ләм кырларын рекультивацияләү – 2025 елда ТР Төзелеш, архитектура һәм ТКХ министрлыгы гамәлгә ашыра торган экология өлкәсендәге бердәнбер объект. Ул «Экологик иминлек» илкүләм проектына кертелгән һәм күчмә булып тора.
Казан шәһәр чистарту корылмаларының ләм кырлары 1974 елдан бирле эшли һәм Куйбышев сусаклагычының су саклау зонасында 100 гектарга якын мәйданны били. Алар явым-төшемнәрне киптерү һәм Казандагы чистарту корылмаларының агып төшкән суларын тотрыклыландыру өчен каралган. Гамәлдә булган чорда ләм кырларын тулыландыру проект куәтеннән артып китте. 2020 елда үткәрелгән экспертиза мәгълүматлары буенча, ләм утырымында куркыныч авыру китереп чыгара торган микроорганизмнарның югары булуы, ә кайбер карталарда – авыр металларның рөхсәт ителгән концентрациясе артуы күзәтелә. Сусаклагычның якынлыгын исәпкә алып, бу елга өчен дә, тулаем әйләнә-тирә мохит өчен дә реаль куркыныч.
Рекультивация 2021 елның ноябрендә башланды. Хәзерге вакытта 13 млн куб.м сыекландырылган ләм утырмасының 8 млн куб. м дан артыгы эре үлчәмле контейнерларга (геотубларга) салынган, бу гомуми планның 62% нан артып китә. 85% ка даими һәм вакытлыча фильтрлауга каршы саклану җайланмасы ясалган. Барлык төр эшләрне оператив башкару 89% ка җитте.
Проектны финанслау тулаем алганда 8 млрд сумнан артык тәшкил итә. Агымдагы елда эшләр башкаруга 1 млрд 54 млн 93 мең сум бүлеп бирелгән, шул исәптән республика бюджетыннан – 221 млн 359 мең сум.
Эшләрнең заказчысы - «ТР ГИСУ» ДКУ, генераль подрядчысы – «ЯДРАН-СТРОЙ»ҖЧҖ. Казанда ләм кырларын рекультивацияләүне 2025 елның декабрендә тәмамлау планлаштырыла.
Проектны гамәлгә ашыру экологик хәлне яхшыртуга зур өлеш кертәчәк һәм 1,5 миллионнан артык татарстанлыга кагылачак.
Исегезгә төшерәбез, «Экологик иминлек» илкүләм проекты әйләнә-тирә мохитне кешеләр тормышы өчен уңайлы итүгә юнәлдерелгән.