Казанда бетон җитештерү һәм куллану мәсьәләләре буенча фикер алыштылар
Бүген КДАТУда «Бетон һәм тимер-бетон җитештерү һәм куллану проблемалары (инженер кадрлары, инновацион материаллар һәм технологияләр)» фәнни-җитештерү конференциясе ачылды. Анда фән эшлеклеләре, төзелеш предприятиеләре һәм проект оешмалары җитәкчеләре катнашты.
Кереш сүзендә ТР Төзелеш, архитектура һәм торак-коммуналь хуҗалык министры урынбасары, ТР Төзүчеләр берлеге президенты Илшат Гыймаев ассызыклаганча, бүген Татарстан төзелеш комплексы – икътисадның иң эре секторы, тулай төбәк продуктының 7 проценты аңа карый.
«Торак төзелеше төзелеш тармагының төп драйверы булып тора. Өченче ел рәттән без 3 млн кв. м планканы арттырабыз – 2024 елда 3,45 млн кв.м торак файдалануга тапшырылган. 2025 елда 3,26 млн кв.м. файдалануга тапшыру планлаштырылган, – диде И. Гыймаев. – Республикада бетон, һәм тимер-бетон әйберләр һәм конструкцияләр җитештерү 80нән артык цех һәм линияне үз эченә ала. Шулардан Казанда товар бетоны һәм эремәләр җитештерү буенча гомуми куәте елына 3 млн. куб. метрдан артык булган 30 производство һәм елына тимер-бетон һәм бетон җитештерү буенча 750 мең куб метрдан артык җитештерү урнашкан».
Министр урынбасары фикеренчә, Татарстанда төзелеш тармагы үсешенә Россиядә иң эре төзелеш материаллары сәнәгатенең үз базасы ярдәм итә.
«Безнең җитештерү куәтләре барлык төп төзелеш материалларын чыгарырга һәм республиканың төзелеш комплексын продукция белән тулысынча тәэмин итәргә мөмкинлек бирә. Бу тармакта барлыгы 400дән артык республика предприятиесе бар, – дип хәбәр итте Татарстан Республикасы Төзелеш министрлыгы башлыгы урынбасары. – Соңгы 5 елда гына да төзелеш продукциясе җитештерү буенча 48 предприятие барлыкка килде, агымдагы елда тагын 2 предприятие кертүне планлаштырабыз».
Конференциядә катнашучылар «Алабуга» «МИЗда суга ихтыяҗы түбән булган цементлар җитештерү», «ТР елга чыганакларыннан бетон өчен тутыргычлар», «Югары чыдамлы бетон һәм транспорт инфраструктурасы өчен махсуслаштырылган химик өстәмәләр», «Төзелеш индустриясе өчен машиналар төзү», «Тимер-бетон конструкцияләрдә нык чыдамлы бетоннар куллану», «Төзелеш материалларын маркировкалау» һәм башкалар.