2025 елның 6 августыннан 8 августына кадәр Мәскәүдә «Россиянең киләчәген төзибез» форумы узачак
2025 елның 6-8 августында Мәскәүдә төзүчеләр көненең 70 еллыгына багышланган «Россиянең киләчәген төзибез» форумы узачак. Истәлекле дата хөрмәтенә форум илнең барлык төбәкләрендә туры эфирда узачак, трансляция төп төзелеш ведомстволары – Россия Төзелеш министрлыгы, Россия төзүчеләр форумы сайтларында урнаштырылачак.
Бу төп тармак вакыйгасы бер мәйданчыкта Россия төзелеш комплексының әйдәп баручы экспертларын, төп дәүләт ведомстволары вәкилләрен, эшлекле бергәлек лидерларын һәм абруйлы медиаспециалистларны берләштерәчәк.
Форумны «Иминлек һәм сыйфат» ассоциациясе оештыра. Чара РФ төзелеш һәм торак-коммуналь хуҗалык министрлыгы, Россия төзүчеләр берлеге (РСС) һәм Россия төзүчеләр профсоюзы ярдәмендә уза.
Форум программасында – эшлекле сессияләр һәм семинарлар уздыру. Оештыручылар уйлавынча, бу вакыйга тармак профессионаллары өчен динамик дискуссия мәйданчыгы булырга, тәҗрибә уртаклашырга, партнерлар эзләргә һәм юбилей елында Россия икътисадының төп тармакларының берсен үстерүнең берләштерелгән көн тәртибен формалаштырырга ярдәм итәчәк.