ТР Төзелеш министрлыгында коррупциягә каршы диктантка нәтиҗә ясадылар
ТР Төзелеш, архитектура һәм торак-коммуналь хуҗалык министрлыгында традицион коррупциягә каршы диктант булды.
Анда министрлыкның дәүләт граждан хезмәткәрләре һәм «Татлизинг» ТР ДУП, «Баш инвестицион-төзелеш идарәсе» ТР ДКУ, «Инженерлык челтәрләренең баш идарәсе» ТР ДКУ, «Дәүләт экспертизасы һәм бәяләр кую идарәсе» ТР ДАУ, «Татарстан Республикасының тирә-юньне планлаштыру институты» ТР ДБУ хезмәткәрләре катнашты.
Катнашучыларга мөрәҗәгать итеп, Татарстан Республикасы Төзелеш министрлыгының дәүләт хезмәте һәм кадрлар бүлеге башлыгы Татьяна Титова коррупция куркынычы шартларында дәүләт хезмәткәрләренең дә, җәмгыятьнең һәр әгъзасының да хокукый грамоталылыгын даими арттыру әһәмиятен билгеләп үтте.
Диктант барышында коррупциягә каршы законнар өлкәсендәге тест сорауларына җавап бирергә һәм кроссвордны чишәргә тәкъдим ителде.
Иң югары нәтиҗәләрне ТР Төзелеш министрлыгының шәһәр төзелеше эшчәнлеген контрольдә тоту бүлегенең әйдәп баручы киңәшчесе Илфат Гарәфетдинов, ТР ГИСУ баш белгече Артур Вәлиев, ТР ГУИС баш белгече Ләйсән Гыймадиева, ТР ГУИС консультанты Екатерина Мөхәммәтшина, юридик бүлек башлыгы Гөлназ Ильясова һәм ТР УГЭЦның әйдәп баручы белгече Ләйлә Мөбәрәкова күрсәттеләр һәм җиңүчеләр булып танылдылар. Икенче урыннар ТР Төзелеш министрлыгының җыелма-аналитика бүлегенең әйдәп баручы консультанты Диана Әхмәдовага, Төзелеш министрлыгының төзелеш-мәдәни объектлар төзелеше бүлегенең әйдәп баручы консультанты Ләйлә Муллаевага һәм ТР ГИСУ баш белгече Эльмира Садриевага бирелде. Призлы, өченче урынны Татарстан Республикасы тирә-юньне планлаштыру институтының әйдәп баручы белгече Игорь Воронин алды.