Татарстанда 2026 елга «Безнең ишегалды» программасын әзерләү башланды
Татарстанда «Безнең ишегалды» программасы кысаларында 677 ишегалды территориясеннән 663 кабул ителгән. Муниципаль берәмлекләрдә кабул итү төгәлләнде диярлек. Бу хакта узган шимбәдә ТР Хөкүмәте Йортында узган киңәшмәдә «ТР шәһәрләрен үстерү институты» фонды директоры Наилә Зиннәтуллина хәбәр итте.
Наилә Зиннәтуллина сүзләре буенча, 2025 ел объектлары буенча йомгаклау һәм башкару документларын, шулай ук башкарылган эшләр күләмен тапшыру калачак. Яктырту һәм җиһазлау буенча 100% документлар тапшырылган, юл өлеше буенча – 58%.
Хәзер Татарстанда 2026 елга «Безнең ишегалды» программасына әзерлек бара. Хәзерге вакытта төзекләндерүнең 562 башлангыч схемасы йөкләнгән, шуларның 550се инде кабул ителгән.
Исегезгә төшерәбез, «Безнең ишегалды» программасы Татарстан Республикасы Рәисе Рөстәм Миңнеханов инициативасы белән эшләнде. Аны гамәлгә ашыруның алты елында республикада 5851 ишегалды яңартылган.