Алексеевск бистәсендә суүткәргеч челтәрләренең 3,5 км озынлыктагы икенче участогы яңартылды
«Яшәү өчен инфраструктура» илкүләм проекты программасы чараларын өстәмә финанслау буенча Алексеевск районының Алексеевск поселогында коммуналь инфраструктураның икенче объекты ремонтланды. Болар – Горький, Куйбышев, Демьян бедный, Подлесная һәм Халев урамнарындагы 3,5 км озынлыктагы суүткәргеч челтәрләр.
Реконструкция барышында участокта суүткәргеч торбалар алыштырылган, 79 кое урнаштырылган. Эшләр 45 млн сумга башкарылган.
«ТР инженерлык челтәрләренең баш идарәсе» ДКУ мәгълүматлары буенча, Алексеевск бистәсендә су белән тәэмин итү челтәрләре 1975 елда төзелгән. Яңарганчы аларның тузганлыгы 85% тан артып киткән иде. Моннан тыш, нәтиҗәле хезмәт күрсәтү һәм эксплуатацияләү өчен биредә бикләү арматурасы булган коелар каралмаган. Челтәрләрнең искерүе еш авария хәлләренә китерде.
Реконструкция су югалтуны булдырмаска һәм бистәдә яшәүче 800 кешегә хезмәт күрсәтү сыйфатын яхшыртырга ярдәм итә.
Исегезгә төшерәбез, Россия Федерациясе Төзелеш министрлыгы һәм Татарстан Республикасы Хөкүмәте арасында өстәмә килешү имзалану нәтиҗәсендә «Тормыш өчен инфраструктура» илкүләм проекты чараларын гамәлгә ашыру өчен республикага өстәмә 519,6 млн сум бүлеп бирелгән. Әлеге акчаларга гомуми озынлыгы 42 км булган 11 коммуналь инфраструктура объекты яңартылды. Шул исәптән 290,6 млн сум 8 яңа объектка тотылды. Аларның икесе Алексеевск районында урнашкан.