ТР Төзелеш министрлыгы муниципалитетларның шәһәр төзелеше сәясәтендә тапшырылган 12 вәкаләтен гамәлгә ашыра
Татарстанның шәһәр төзелеше сәясәтенең төп элементларыннан берсе булып агломерацияләрне үстерү аша комплекслы планлаштыру тора, диде бүген Татарстан Республикасы Төзелеш министрлыгы башлыгы Марат Айзатуллин йомгаклау коллегиясе утырышында.
Татарстанның 2030 елга кадәр Үсеш стратегиясе нигезендә, республика территориясендә 3 агломерация бүлеп бирелгән. Алар 3,3 млн кешене колачлый һәм төбәкнең пространство һәм социаль-икътисадый үсеш терәге булып хезмәт итә.
Казан агломерациясе мастер-планының төп нигезләмәләре расланды; чиратта – аны гамәлгә ашыру чаралары исемлеген раслау.
Кама агломерациясенең мастер-планын эшләү төгәлләнде. Хәзерге вакытта комплекслы схеманы эшләү төгәлләнү этабында һәм 2026 елның беренче кварталында раслау планлаштырыла.
Һәм 2026 ел ахырына кадәр Әлмәт агломерациясенең комплекслы схемасын раслау планлаштырылган, аның социаль-икътисадый һәм пространство үсешенең төп юнәлешләре безнең тарафтан эшләнгән инде.
«Республика территориясендә бердәм шәһәр төзелеше сәясәтен формалаштыру өчен 2024 елның 1 гыйнварыннан министрлык 43 муниципаль район территориясендә бу өлкәдә муниципалитетларның тапшырылган 12 вәкаләтен гамәлгә ашыра. Ә 2026 елның 1 гыйнварыннан Чаллы шәһәр округы территориясендә эш башланды, хәзерге вакытта аларның 6сы дәүләт хезмәте булып тора», – дип хәбәр итте Марат Айзатуллин. – Узган ел нәтиҗәләре буенча Төзелеш министрлыгына 37 меңнән артык мөрәҗәгать кергән, бу 2024 ел белән чагыштырганда 49% ка күбрәк.»