Хезмәтне саклау нормаларын бозган өчен 190 төзелеш оешмасы дисциплинар җаваплылыкка тартылды
Бүген ТР Хөкүмәте Йортында узган киңәшмәдә ТР Төзелеш, архитектура һәм торак-коммуналь хуҗалык министры Марат Айзатуллин төзелеш оешмалары җитәкчеләренә хезмәтне саклау кагыйдәләрен һәм нормаларын үтәүне таләп итеп мөрәҗәгать итте. Киңәшмәне барлык муниципаль районнар белән видеоконференцэлемтә режимында Татарстан Рәисе Рөстәм Миңнеханов уздырды.
«Контроль-күзәтчелек органнары тикшерүләр үткәрүне дәвам итәләр. Үзеннән-үзе җайга салынган оешмалар төзелеш объектларына 360 тапкыр чыкканнар. Дисциплинар җаваплылыкка 190 оешма тартылган, – дип хәбәр итте Татарстан Республикасы Төзелеш министрлыгы башлыгы. – Административ җаваплылык турында 101 Карар Дәүләт төзелеше күзәтчелеге инспекциясе белгечләре тарафыннан чыгарылды. Гомумән алганда, ел башыннан ведомство 146 тикшерү оештырды».
Ел башыннан Баш инвестиция-төзелеш идарәсе 246 контроль-күзәтчелек чарасы уздырган. Төзелеш тармагында хезмәтне саклау буенча ачыкланган 499 хокук бозуның 375е бүгенге көнгә бетерелгән.
Марат Айзатуллин искә төшергәнчә, хезмәтне саклау буенча эшне активлаштыру өчен Татарстан Республикасы Төзелеш министрлыгы ел саен «Төзелеш тармагында хезмәтне саклау буенча иң яхшы оешма» Республика конкурсы үткәрә.