Алексеевск районының Коры Көрнәле авылындагы мәдәният йортына капиталь ремонт 95 процентка башкарылган

2026 елның 3 марты, сишәмбе

Алексеевск муниципаль районының Коры Көрнәле авылында мәдәният йортына капиталь ремонт ясау төгәлләнеп килә.

Ике катлы мәдәният учреждениесендә фасад һәм түбә ябу, инженерлык челтәрләрен ремонтлау, биналарны бизәү каралган. Программага шулай ук территорияне төзекләндерү, яңа җиһазлар китерү дә кертелгән.

Объектның оператив әзерлеге 95 процентка җиткән. Төзүчеләргә түбә киртәләрен урнаштыруны, керү урыннарын, вентиляция һәм кондиционер системаларын төзүне төгәлләргә калды.

ТР ГИСУ материаллары буенча