Татарстанда 14 спорт объекты төзеләчәк
Татарстанда 6,7 млрд сумнан артык суммага 14 спорт объекты төзү буенча программа чаралары гамәлгә ашырыла.
Бу хакта бүген ТР Хөкүмәте Йортында узган республика киңәшмәсендә ТР Төзелеш, архитектура һәм торак-коммуналь хуҗалык министры Марат Айзатуллин хәбәр итте.
Традицион шимбә киңәшмәсен Татарстан Рәисе Рөстәм Миңнеханов үткәрде.
Аерым алганда, «Физик культура һәм массакүләм спортны үстерү» федераль программасы буенча Казанда 2024 елда башланган зур спорт объекты – футболны үстерү үзәге төзелеше дәвам итә. Эшләрне финанслау 4,3 млрд сумнан артып китә. Объектның әзерлеге 62% тәшкил итә.
Республика программасы буенча 4 ябык футбол манежы һәм 686 млн сумлык 6 универсаль спорт мәйданчыгы төзү планлаштырыла. Лениногорскида, Алексеевск районының Лебяжье, Чүпрәле районының Иске Чүпрәле һәм Теләче районының Теләче авылларында ябык футбол манежлары төзүгә керештеләр. Агымдагы датага үтәлеш 5% ка җитте.
Шулай ук республика программасы буенча Яңа Чишмә районының Яңа Чишмә авылында, Аксубай районының Аксубай поселогында һәм Тукай районының түгәрәк кырында ясалма бозлы 3 ябык боз шугалагы барлыкка киләчәк. Бу максатларга 1,78 млрд руль бүлеп бирелгән. Барлык өч боз аренасы да подрядчыларда эшли. Гомуми үтәлеш 5% тәшкил итә.