Илкүләм проект буенча Түбән Камада төзүчеләр 8 нче мәктәпне ремонтлый
«Яшьләр һәм балалар» илкүләм проектының «Балаларга иң яхшысы» федераль программасы кысаларында Түбән Камада 8 нче урта гомуми белем бирү мәктәбе бинасы капиталь ремонтлана. Ике катлы бина Яшьлек урамында урнашкан.
ТР ГИСУ мәгълүматлары буенча, ишекләрне, тәрәзәләрне алыштыру, җылыту, вентиляция, су белән тәэмин итү, канализация системаларын яңарту планлаштырылган. Төзүчеләр электр кертәчәк һәм аз агымлы челтәрләрне ремонтлаячак, биналарны бизәүне башкарачак. Шулай ук программа кысаларында уку йорты өчен яңа җиһазлар куелачак. Бу максатларга 146 млн сумнан артык акча бүлеп бирелгән.
Оператив үтәлеш 55% тәшкил итә.
Исегезгә төшерәбез, агымдагы елда «Яшьләр һәм балалар» илкүләм проекты буенча Татарстанда 18 муниципаль берәмлектә 36 мәктәпкә капиталь ремонт ясалачак. Финанслауның гомуми суммасы 3,1 млрд сумнан артып китә.