Бер атна эчендә 47 мең татарстанлы 2027 елда төзекләндерү объектлары өчен тавыш бирде
2027 елда төзекләндереләчәк объектларны сайлау өчен Бөтенроссия тавыш бирү дәвам итә.
19 майга булган мәгълүматларга караганда, Татарстанда 355 мең кеше үз сайлауларын ясаган – бу бер атна элек булганнан 47 меңгә күбрәк.
Исегезгә төшерәбез, республика халкы һәр муниципаль районда һәм шәһәр округында тәкъдим ителгән 178 җәмәгать урынының берсе өчен тавыш бирә ала. Бу исемлеккә шулай ук дәүләт хезмәтләре порталында үткәрелгән сораштыру нәтиҗәләре буенча 20 объект кергән.
Республиканың теләсә кайсы районында бер җәмәгать урынын сайларга мөмкин zagorodsreda.gosuslugi.ru.
Бөтенроссия онлайн-тавыш бирү «Яшәү өчен инфраструктура» илкүләм проектының «Уңайлы шәһәр мохитен булдыру» федераль программасын гамәлгә ашыру кысаларында 21 апрельдән 12 июньгә кадәр уза.
Фотода: 2025 елда «Яшәү өчен инфраструктура» илкүләм проекты буенча Казанның Серов урамындагы бульварны төзекләндерүнең икенче чираты