Төзекләндерү объектлары өчен Бөтенроссия тавыш бирүендә 395 меңнән артык татарстанлы катнашты
2027 елда төзекләндерү өчен объектларны сайлау өчен Бөтенроссия тавыш бирү дәвам итә.
2 нче июньгә булган мәгълүматларга караганда, Татарстанда 395 600 кеше үз сайлауларын ясаган – бу узган атнага караганда 16 200гә күбрәк.
Тавыш бирү өчен республикада яшәүчеләргә һәр муниципаль районда һәм шәһәр округында 178 җәмәгать урыны тәкъдим ителде. Исемлеккә шулай ук дәүләт хезмәтләре порталында уздырылган сораштыру нәтиҗәләре буенча 20 объект кертелгән.
Республиканың теләсә кайсы районында бер җәмәгать урынын сайларга мөмкин: zagorodsreda.gosuslugi.ru.
Исегезгә төшерәбез, Бөтенроссия онлайн-тавыш бирү 21 апрельдән 12 июньгә кадәр «Тормыш өчен инфраструктура» илкүләм проектының «Уңайлы шәһәр мохитен формалаштыру» федераль программасын гамәлгә ашыру кысаларында уза.
Фотода: Менделеевскида 2025 елда төзекләндерелгән «Камашево» пейзаж паркы