Нурлат районының Егоркино авылында фельдшер-акушерлык пункты ремонтланды
Гомуми мәйданы 85,6 кв. м булган ФАП мәктәп бинасында урнашкан. Бинада күзәтү, процедура һәм кабул итү бүлекләре бар. Төзүчеләр электр, аз агымлы һәм канализация челтәрләрен тулысынча яңарттылар. Шулай ук идәннәр, түшәмнәр һәм стеналар ремонтланган, тәрәзәләр һәм ишекләр алыштырылган, керү урыннарында аз хәрәкәтләнүчәннәр өчен пандуслар урнаштырганнар.
Моннан тыш, медицина учреждениесе өчен яңа җиһазлар сатып алынды.
Авылда хәзер меңнән артык кеше яши. Ремонтланган ФАП уңайлы шартларда халыкка медицина-санитария ярдәме күрсәтергә мөмкинлек бирәчәк.
Элегрәк Татарстан Республикасы Төзелеш министрлыгы башлыгы Марат Айзатуллин хәбәр иткәнчә, агымдагы елда капремонт буенча республика программасына Татарстанның 16 муниципаль берәмлегендә 33 фельдшер-акушерлык пункты кертелгән. 25 объектта эшләр тәмамланган, программаның гомуми үтәлеше 95% ка җиткән.
ТР ГИСУ фотосы