ТР Төзелеш министрлыгында Казанда Республика кирпеч заводлары продукциясен куллану буенча системалы чаралар турында фикер алыштылар
ТР Төзелеш министрлыгында Казанда Республика кирпеч заводлары продукциясен куллануны киңәйтү буенча системалы чаралар эшләү буенча эшлекле очрашу узды.
Очрашуны ТР Төзелеш, архитектура һәм ТКХ министры урынбасары Илшат Гыймаев үткәрде. Бу мәсьәлә буенча фикер алышуда Казанның баш архитекторы Илсөяр Төхвәтуллина, Арча районының «АСПК» ҖЧҖ, Вернеуслон заводының «Алексеевск керамикасы» ҖЧҖ, «Инвестторг» ҖЧҖ, Питрәч районының «Керамик» АҖ, Яшел Үзән районының «Выбор Поволжье» ҖЧҖ җитәкчеләре, шулай ук кайбер проект оешмаларының архитекторлары катнашты.
Илшат Гыймаев сүзләренчә, Татарстан территориясендә 14 кирпеч заводы эшли, алар елына 657 млн. данә кирпеч җитештерә. Шул рәвешле алар республиканың төзелеш тармагы үсешенә зур өлеш кертә.
Очрашу барышында җитештерүчеләр җитештерелә торган кирпеч үрнәкләрен күрсәтте. Һәм тәкъдим ителгән продукцияне яхшырту өчен тәкъдимнәр ишетте.