Татарстанда торак төзелеше буенча гомуми план 63 процентка үтәлгән
Торак өлкәсендәге вәзгыять турында бүген ТР Хөкүмәте Йортында узган киңәшмәдә ТР Төзелеш министрлыгы башлыгының беренче урынбасары Дамир Шәйдуллин хәбәр итте.
Киңәшмәне Татарстан Премьер-министры Алексей Песошин уздырды.
«27 июньгә торак төзелеше буенча гомуми план 63 процентка үтәлгән, 2 млн кв. метрдан артык торак файдалануга тапшырылган», – диде Дамир Шәйдуллин.
Шулардан коммерцияле төзелеш линиясе буенча гомуми мәйданы 777 мең кв. м булган 84 күпфатирлы йорт тапшырылган, бу планлаштырылган күләмнең 74 процентын тәшкил итә.
Социаль ипотека программасы 55 процентка гамәлгә ашырылган: гомуми мәйданы 82 мең кв. метрдан артык булган 32 йорт төзелгән.
Хосусый торак төзелеше программасы буенча 1,142 млн кв.м торак тапшырылган, бу планның 58 процентын тәшкил итә.