«Гаилә» илкүләм проекты буенча Балтачта балалар сәнгать мәктәбе төзелә
Балтач бистәсендә балалар сәнгать мәктәбе төзелә. Объект агымдагы елда 126 млн сум финанслау белән «Гаилә» илкүләм проектының «Гаилә кыйммәтләре һәм мәдәният инфраструктурасы» федераль программасына кертелгән. Аны төзү 2027 елда да дәвам итәчәк.
Проект буенча учреждениедә концерт һәм хореография заллары, костюмнар бүлмәсе, фортепианода, баянда, курайда, флейтада уйнау өчен класслар җиһазландырылачак. Биредә шулай ук рәсем һәм вокал кабинетлары да планлаштырылган.
Хәзерге вакытта төзүчеләр котлован куенын кире күмеп куя, беренче катта тәрәзәләр куя. Икенче катның бүлгеләрен салалар, керү группасын, вентиляция системаларын, аз агымлы һәм электр челтәрләрен монтажлыйлар. Объектның гомуми әзерлеге 19% тәшкил итә.
Элегрәк Татарстан Республикасы Төзелеш министрлыгы башлыгы Марат Айзатуллин хәбәр иткәнчә, 2026 елда «Гаилә» илкүләм проекты буенча Балтач, Арча, Кама Тамагы, Яшел Үзән районнарында 4 балалар сәнгать мәктәбе төзеләчәк, Аксубай, Лениногорск районнарында 2 мәктәпкә капиталь ремонт ясалачак.
ТР ГИСУ фотосы