Байлар Сабасы бистәсендә Вәлиуллиннар исемендәге балалар сәнгать мәктәбенә капиталь ремонт бара
Саба районының Байлар Сабасы бистәсендә Хөснулла һәм Аллаһияр Вәлиуллиннар исемендәге балалар сәнгать мәктәбенә капиталь ремонт ясау дәвам итә. Объект «Авыл территорияләрен комплекслы үстерү» дәүләт программасына кертелгән, финанслау якынча 143 млн сум тәшкил итә.
Төзүчеләр демонтаж эшләрен төгәлли, бүлгеләр куя, җылыту, суүткәргеч һәм канализация системаларын, электр һәм аз агымлы челтәрләрне, тәрәзәләрне алыштыруны дәвам итә. Параллель рәвештә бүлмәләрне бизәүгә, идәннәрне, ишек уемнарын һәм вентиляция системасын ремонтлауга керештеләр.
Программа буенча шулай ук җиһазлар һәм инвентарь сатып алу планлаштырыла. Оператив башкару 22% дип бәяләнә.
2026 елда Татарстанда 4 балалар сәнгать мәктәбе яңартылачак. Шул исәптән «Гаилә» илкүләм проектының «Гаилә кыйммәтләре һәм мәдәният инфраструктурасы» федераль программасы буенча Аксубайда һәм Лениногорскида 2 объект, «Авыл территорияләрен комплекслы үстерү» дәүләт программасы һәм «Мәдәният тармагының мәгариф учреждениеләрен капиталь ремонтлау» республика программасы уңаеннан берәр объект.