Яшел Үзән районының Әйшә авылында мәктәп ремонтланган
Республика программасы буенча Яшел Үзән районының Әйшә авылында урта белем бирү мәктәбенә капиталь ремонт ясалган.
Гомуми мәйданы 4085 кв. м булган бинада шактый күләмле эшләр башкарылган: инженер системалары алыштырылган, яңа тәрәзәләр куелган, биналар бизәлгән. Проект буенча мәктәп яңа җиһазлар, инвентарь белән тәэмин ителгән. Подряд оешмасы шулай ук тирә-як территорияне төзекләндерде.
2026 елда федераль һәм республика программалары кысаларында Татарстанда 6,8 млрд сумнан артык гомуми суммага 63 гомуми белем бирү учреждениесе ремонтланачак. Шул исәптән 18 муниципаль берәмлектә 36 мәктәп – «Яшьләр һәм балалар» илкүләм проектының «Балаларга иң яхшысы» федераль программасы буенча, 6 объект – «Авыл территорияләрен комплекслы үстерү» дәүләт программасы буенча һәм 21 объект республика программасы буенча.
ТР ГИСУ фотосы