Аксубай бистәсендә район үзәк хастаханәсенең терапия корпусы ремонтланды
Аксубай бистәсендә Үзәк район хастаханәсенең терапия корпусына капиталь ремонт ясалган.
1707 кв. м мәйданда тулы бер комплекслы эшләр башкарылган: биналарны бизәү, эчке инженерлык челтәрләрен – җылыту, су белән тәэмин итү, канализация системаларын алыштыру. Саклау һәм янгын сүндерү сигнализациясе, структуралаштырылган кабель системасы яңартылган, тәрәзә уемнары һәм керү төркемнәре ремонтланган.Проект кысаларында шулай ук җиһазлар сатып алынган һәм территория төзекләндерелгән.
Элегрәк ТР Төзелеш министрлыгы башлыгы Татарстанның 16 муниципаль берәмлегендә стационарларның кабул итү-диагностика бүлекләренең 26 бинасына капиталь ремонт ясалуы турында хәбәр иткән иде, гомуми финанслау 2,8 млрд сумнан артык. 9 объект төгәлләнгән, программа 84% ка гамәлгә ашырылган.