Бүген Республика штабында аммиак, метанол һәм бөртекләндерелгән карбамид җитештерә торган Комплекс төзелеше буенча 2013 елга нәтиҗәләр чыгардылар

Бүген "Менделеевск шәһәрендә аммиак, метанол һәм бөртекләндерелгән карбамид җитештерә торган Комплекс" төзелеше штабында ТР Төзелеш, архитектура һәм торак-коммуналь хуҗалык министры урынбасары Ю.Л.Аляшев җитәкчелегендә эшләрнең бүгенге халәте һәм төзелеш графикларын үтәү сораулары каралды һәм 2013 елга нәтиҗәләр чыгарылды.

АМК Комплексы төзелешендә металлоконструкцияләрне беркетү, технологик җаһазландыру, каралты түбәләре, дивар корылмалары һәм инженер челтәрләрен үткәрү буенча эшләр бара. Россия подрядчылары тарафыннан тапшырылган корылмаларда чит ил подрядчылары технологик җиһазландыруны гамәлгә ашыра. 2013 елның 27 декабренә төзелеш башыннан бирле CNCEC чит ил подрядчысы тарафыннан 3,95 миллиард сумлык, Россия подрядчысы "НИИК" ААҖ тарафыннан - 2,315 миллиард сумлык эшләр башкарылган. Барлык подряд оешмаларга Ростехнадзор кисәтүләрен төзәтергә һәм үтәү-техник документацияне вакытында тапшырырга куштылар.

 Киңәшмәдә шулай ук төзелеш-монтаж эшләрендә подряд оешмалар тарафыннан куркынычсызлык техникасын һәм хезмәтне саклау таләпләрен үтәү сораулары, ТР Президентының 06.12.2013 кабул ителгән "Татарстан Республиксы җирлегендә янгынга каршы махсус тәртип урнаштыру" турындагы 1186нчы боерыгы таләпләрен үтәү сораулары каралды.