Татарстан Республикасы Төзелеш, архитектура һәм торак-коммуналь хуҗалык министрлыгы

Фәрит Хәнифов ТР Президентының Татарстан Республикасыннан Россия Федерациясе Федераль Собраниесе Дәүләт Думасы депутатлары һәм Федерация Советы әгъзалары белән очрашуында катнашты

2014 елның 30 гыйнвары, пәнҗешәмбе

Очрашу ТР Хөкүмәт йортында узды, биредә ТР Дәүләт Советы рәисе Фәрид Мөхәммәтшин, ТР Президенты аппараты җитәкчесе Әсгать Сәфәров, республика министрлары, тармак җитәкчеләре катнашты. Очрашуда ТР Төзелеш министрлыгыннан министрның беренче урынбасары Фәрит Хәнифов катнашты.

Фәрид Мөхәммәтшин хәбәр иткәнчә, бүгенге чара гадәткә керде инде, 2013 елда ТРннан РФ Дәүләт Думасында депутатларның эшчәнлегенә нәтиҗәләр ясарга һәм яңа елдагы бурычлары турында сөйләшергә кирәк.

Төп нотык белән ТР икътисад министры Мидхәт Шаһиәхмәтов чыгыш ясады. Аерым алганда, 2013 елда бөтен чыганаклардан да җәлеп ителгән федераль акчалар күләме 75,8 млрд. сум тәшкил итте (2012 елда– 72,4 млрд. сум). Федераль максатчан программалар һәм дәүләт программалары кысаларында 27,9 млрд. сум тәшкил итте. ТР икътисад министры билгеләп үткәнчә, ФМП һәм ДП буенча җәлеп ителгән акчалар күләме 2013 елда кимегән. Татарстан Республиксы үткән елда мөмкин булган 40 ФМП һәм ДПннан 27сендә катнашты. Федераль адреслы инвестицион программаларда катнашу буенча (ФАИП) Татарстан федерация субъектлары арасында 12 урында тора. 2014 елда Татарстан мөмкин булган 39 ФМП һәм ДПннан 21ндә катнашу теләген белдерде.

Бу мәсьәлә буенча Татарстан республикасы Президенты Рөстәм Миңнеханов бүгенге көндә республикада яңа стратегик проектлар кирәклеген белдерде, алар федераль адреслы инвестицион программаларада катнашырга мөмкинлек бирәчәк. Ул шулай ук берничә мәсьәләне билгеләде - алар закон чыгару дәрәҗәсендә дә эшне таләп итәләр. Алар арасында - ТКХ өлкәсен реформалаштыру, коммуналь хезмәт күрсәтүгә тарифлар, юл хәрәкәте куркынычсызлыгын тәэмин итү, урында полиция участогы вәкилләре эшчәнлеген оештыру һәм башкалар.

Рөстәм Миңнеханов шулай ук индустриаль мәйданчыклар инфраструктурасын булдыруга регион биргән акчаларны кайтару буенча эшне алып бару кирәклеге турында да искәртте. Әгәр дә регион индустриаль мәйданчыкларны булдыруга акча бирә икән, өч ел дәвамында анда урнашкан предприятиеләрдән кергән федераль салымнар бюджетара трансфертлар рәвешендә федерация субъектына кайтырга тиеш. Бу хакта Россия Президенты Владимир Путин 2013 елның 12 декаберендәге Федераль Җыелышның еллык Юлламасында әйтте.

ТР Президенты Матбугат хезмәте, Елена Бритвина

БАРЛЫК ЯҢАЛЫКЛАРНЫ УКУ