Татарстан энергетиклары Саратов тәҗрибәсе белән таныша

Татарстан энергетиклары бу көннәрдә саратов шәһәренең "Контакт" фәнни-җитештерү оешмасында булып кайтты. Делегация составында станцияләрнең электр цехы җитәкчеләре, "Тудыручы компания" (Генерирующая компания") ачык акционерлык җәмгыятенең алдынгы белгечләре һәм "Татнефть" ачык акционерлык җәмгыяте нефть-газ чыгару идарәләренең баш энергетиклары барды, дип хәбәр итә "Татэнерго" ачык акционрелык җәмгыятенең матбугат хезмәте.
 Визит вакытында "Контакт" фәнни-җитештерү оешмасында вакуумлы сүндергечләр җитештерүнең үзенчәлекләре. 10 киловатт сериясендә эшләнгән ВБП, ВБМ, ВБЭ сүндергечләрен төзекләндерү, аларны куллану тәртибе. Шулай ук 40 килоамперлы, 20 киловаттлы һәм 35 киловаттлы сүндергечләр эшләүнең перспективасы" дигән темага семинар үткәрелде. Татарстанлылыр Саратов оешмасында җитештерлгән продукцияләр белән дә танышты.
 Әйтергә кирәк, "Контакт" - Россиядә көчле вакуум электрон приборлары чыгаручы иң эре оешмаларның берсе. Соңгы 11 ел дәвамында компаниядә 15 төрле көчәнешкә туры килә торган вакуумлы коммутация аппаратлары эшләнгән. Биредә чыгарыла торган коммутация аппаратлары Россия һәм чит илләрдә җитештерлгән комлекслы бүлгеч җайланмаларының теләсә кайсына туры килә.
 Семинарның беренче өлешендә катнашучылар оешманың җитештерү бүлекләрен карап үтте. Калган вакытта продукция төрләре, вакуумлы коммутация аппартлары турында чыгышлар тыңланды.
  "Татэнерго" оешмасында ике меңнән артык вакуумлы сүндергечләр кулланыла. Шулай да Саратовтан кайтарылган сүндергечләр озакка чыдамлыгы белән башкалардан аерылып тора. Шуңа күрә дә Татарстан энергетиклары "Контакт" оешмасына 110 киловаттлы вакуум сүндергечләрен, 10-20 киловаттлы вакуумлы генератор сүндергечләрен эшәлүне тизләштерергә тәкъдим итте. Чөнки бүгенге көндә "Татнерго"да искергән сүндергечләрне вакуумлы һәм элегазлы сүндергечләргә алмаштыру эше бара. Хәзерге вакытка инде коммутация апапратлырынң 20 проценты яңартылган.