Татарстан Республикасы Төзелеш, архитектура һәм торак-коммуналь хуҗалык министрлыгы

"Автоградбанк" ипотека кредитлары санын арттыра

2007 елның 19 феврале, дүшәмбе

"Автоградбанк" ябык акционерлык җәмгыяте узган ел 1,42 млрд. сумлык 2,6 мең иптека кредитлары биргән. Банкның матбугат хезмәте хәбәр иткәнчә, банкның "Ипотека һәркем өчен" программасы ярдәмендә 4,5 мең гаилә торак шартларын яхшырта алган.
2006 елның 9 аена алынган мәгълүматлар буенча Татарстан банклары тарафыннан бирелгән ипотека кредитларының 34 проценты "Авторадбанк" өлешенә туры килә. РосБизнесКонсалтинг мәгълүмат агентлыгы үткәргән рейтингта кредитларның саны буенча Россия банклары арасында "Автоградбанк" 16 урынны алып тора иде. Ә Чаллы шәһәрендә ипотека базарында банк 50 процент урынны били.
Хәзерге вакытта махсус программаны тормышка ашыру өлкәсендә банк ипотека кредитларын финаслауда катнашусы кайбер оешмалар белән дә хезмәттәшлек алып бара. Шундыйлар исәбенә "Совфинтрейд" коммерция банкы, "АТТА-ипотека" Ипотека агентлыгы керә. Әлеге оешмалар белән тыгыз элемтәләр ярдәмендә банк узган ел халык өчен ипотека кредитлары бирү шартларын яхшыртуга, процент ставкасын киметүгә һәм ипотека продуктларын төрләндерүгә ирешә алган.
Яңалык буларак, 2006 елда Авоградбанк булган торакны залогка алу хисабына кредитлар бирүне ачып җибәрде. Хәзер торагы булган кешеләр башлангыч түләүләрсез генә өлешләп түләү программасы буенча фатир ала, яки шушы ук фатирны төзекләндерә алачак.
Шулай ук 2006 ел нәтиҗәләре буенча Автоградбанкның "Ипотека һәркем өчен" программасы "Халыкка хезмәт күрсәтү өлкәсендә иң яхшы эшләнмә" Бөтенроссия конкурсында танылу алган иде. Бу уңайдан банкның идарә рәисе Венера Иванова: "Автоградбанкның ипотека кредитлары буенча планны 40 процентка арттырып үтәве шатлыклы хәл. Бу, нигездә, риэлторлар белән, күчемсез милек базарында катнашучы башка оешмалар белән тыгыз элемтәдә эшләү нәтиҗәсе. Без быел ипотека кредитлары алучы гаиләләр санын 5 мең гаиләгә җиткерергә уйлыйбыз",- диде.
"Авторгадбанк" ябык акционерлык җәмгыяте ваклап кредит бирү юнәлешендә эшләүче банк. Төп офисы Чаллы шәһәрендә урнашкан. Бакның филиаллары бүгенге көндә Казан, Әлмәт, Түбән Кама , Зәй һәм Лениногорск шәһәрләрендә эшли. 1999 елда Автоградбанк республика банклары арасында беренчеләрдән булып ипотека кредитлары бирүне башлап җибәрде.

БАРЛЫК ЯҢАЛЫКЛАРНЫ УКУ