Ирек Фәйзуллин: Татарстан Республикасында 40 муниципаль берәмлек капиталь ремонтка керешкән

21 мартка булган мәгълүматларга караганда, 15400 йортның 482 се капиталь ремонт фондын формалаштыру ысулын сайлаган. Бу хакта бүген Татарстан республикасы төзелеш, архитектура һәм торак-коммуналь хуҗалык министры Ирек Фәйзуллин ТР Хөкүмәт йортында республика киңәшмәсендә белдерде. Киңәшмәне ТР Премьер-министры Илдар Халиков алып барды.

Төп докладны ТР төзелеш, архитектура һәм торак-коммуналь хуҗалык министры Ирек Фәйзуллин ясады.
Ул хәбәр иткәнчә, 19 мартка булган мәгълүматларга караганда, Татарстанның 40 муниципаль районында күп фатирлы 432 йортны капиталь ремонтлау эшләренә керештеләр.

4 март көнне күпфатирлы йортларны капиталь ремонтлау программасы "Республика Татарстан" газетында бастырылган иде. Әлеге исемлек белән ТР Хөкүмәте сайтында яки Төзелеш, архитектура һәм торак-коммуналь хуҗалык министрлыгы сайтында танышырга була.  Ирек Фәйзуллин капиталь ремонт фондын региональ оператор исәбендә формалаштыруның өстенлекле якларын санап китте:
- акчаларны казна тәртибендә исәпләү барлык чыганаклардан акчаларның күчүен һәм аларны подряд оешмага җибәрелүен дәүләт тарафыннан контрольдә тоту мөмкинлеге;
- капиталь ремонт үткәрү өчен материалларны сатып алуны электор мәйданда ашыру. Бу материалларның бәясе үсешен контрольдә тотарга ярдәм итәчәк;
- подряд оешмаларны сайлау критерийлары намуссыз, финанс яктан стабиль булмаган подряд оешмаларның катнашуын булдырмауны тәэмин итә.

Ирек Фәйзуллин 2013 ел өчен мәктәпләрне капиталь ремонтлау программасы нәтиҗәләре турында да әйтеп китте. Әлеге программа буенча 167 мәктәптә эшләр тәмамланган. 21 март мәгълүматлары буенча, эшләр 151 мәктәптә башланган. Бу программа буенча 2014 елда 159 гомуми белем бирү учреждениесенә, 2,55 млрд сумга ремонт ясалачак.

Ирек Фәйзуллин 2014 елда балалар сәламәтләндерү лагерьларында капиталь ремонт программасы турында белдерде. Программаны финанслау күләме 100 млн сум тәшкил итә. “Уңай мохит” программасы кысаларында, 2014 елда 135 социаль өлкә объектлары төзекләндереләчәк.