Татарстан Республикасы Министрлыклары Татарстан Республикасы Төзелеш, архитектура һәм торак-коммуналь хуҗалык министрлыгы

Татарстан Республикасында күп фатирлы йортларга капремонт буенча эшләр 793 йортның 483ендә башланган

2014 елның 5 апреле, шимбә

2014 елда күп фатирлы йортларны капиталь ремонтлау программасында Татарстанның 40 муниципаль берәмлеге катнаша. Бу гомуми мәйданы 4,8 млн. кв. метрлы күп фатирлы 793 торак йорт. 202,2 мең гражданның торак шартларын яхшырту планлаштырыла.
Быелгы программага Әлки, Әтнә, Кайбыч, Чүпрәле һәм Чирмешән районнары кермәгән.

Бу хакта бүген ТР Хөкүмәте йортында узган республика киңәшмәсендә ТР төзелеш, архитектура һәм торак-коммуналь хуҗалык министрының беренче урынбасары Фәрит Хәнифов белдерде. Дәүләт торак инспекциясе мәгълүматларына караганда, 38 муниципаль берәмлектә 483 йортта капремонт эшләре башланган. 2 атнада 51 йортта ремонт ясалган.

Киңәшмәне барлык муниципаль районнар белән видеоконференцэлемтә режимында Татарстан Республикасы Премьер-министры Илдар Халиков уздырды.

Фәрит Хәнифов искәртүенчә, 2014 елда капремонт программасын финанслау күләме 4,683,7 млрд. сум тәшкил итә. 2014 елның 4 апреленә булган мәгълүматларга караганда, 2014 елгы республика программасы кысаларында, Татарстанның 157 мәктәбендә капремонт башланган. Казанның ике мәктәбе бу эшкә керешмәгән.

Фәрит Хәнифов шулай ук балалар сәламәтләндерү лагерларын капремонтлау программасы турында белдерде. Бу программаны финанслау күләме 100 млн сум тәшкил итә, дип искәртте ул. 2014 елда 13 лагерьны ремонтлау планлаштырылган.
4 апрельгә булган мәгълүматларга караганда, 11 объектта капремонт эше башланган, бу максатларга бүлеп бирелгән акчаның 43,8%ы үзләштерелгән. Казанның “Заречье” һәм Түбән Каманың “Кама” объектларында эшләр башланмаган.

2014 елда Татарстанда “Уңай мохит” программасын финанслау күләме 539,6 млн. сум тәшкил итә, шул исәптән Россия Федерациясе бюджетыннан - 215,8 млн. сум, Татарстан бюджетыннан - 323,8 млн. сум.
2014 елда 135 социаль объектны җайлаштыру ниятләнә. Бу - физкультура һәм спорт, социаль яклау һәм социаль хезмәт күрсәтү, инвалидларны тернәкләндерү, сәламәтлек саклау, мәдәният һәм урта-махсус белем бирү учреждениеләре. ТРның 40 муниципаль берәмлеге объектлары программага кертелгән. Программада республиканың Әгерҗе, Зәй, Кама Тамагы, Балык Бистәсе һәм Ютазы районнары катнашмый.

2014 елда мәктәпләрне уңайлы итү өчен 271,9 млн. сум акча каралган, шул исәптән РФ бюджетыннан – 113,5 млн. сум, Татарстан бюджетыннан – 158,4 млн. сум. 104 мәктәпне физик мөмкинлекләре чикләнгән гражданнар өчен җайлаштыру планлаштырыла.

“Ачык Татарстан” системасының 4 апрельгә булган мәгълүматларына караганда, 33 муниципаль берәмлектә эш бара. Әгерҗе, Алексеевск, Әтнә, Баулы, Кама Тамагы, Менделеевск, Саба, Тәтеш һәм Ютазы районнарында бу эшкә керешмәгәннәр әле.

Фәрит Хәнифов, ТР Президентының Коррупциягә каршы көрәш советы карары буенча, “Уңай мохит” дәүләт программасында катнашучыларга бу программаны гамәлгә ашыру барышын һәм сыйфатын катгый контрольгә алу зарурлыгын искә төшерде.

2014 елда ТР авыл торак пунктларын яктыртуны яңадан торгызу программасын финанслау күләме 225 млн. сум тәшкил итә. Программа ТР Министрлар Кабинеты тарафыннан 2013 елның 30 ноябрендәге 2420 күрсәтмәсе белән расланган.
Фәрит Хәнифов, Лаеш районында бу максатларга бүлеп бирелгән акчага эш тулысынча башкарылган, дип хәбәр итте. Түбән Кама һәм Ютазы районнарында эш башланган. Лаеш районы Столбище авылында “Ферекс” фирмасының 80 Вт егәрлекле светодиодлы яктырткычлары куелган.

Участок ветеринария пунктлары төзелеше һәм ветеринария берләшмәләре һәм авыл хуҗалыгы идарәләренә капремонт программасы буенча Татарстан районнарында 2014 елда 35 объектта эш алып барыла. 15 ветеринария берләшмәсендә һәм 20 авыл хуҗалыгы идарәсендә капремонт бара.

ТР Президенты Матбугат хезмәте

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

март, 2025 ел

Казанда торак-коммуналь хуҗалык өчен диаметры 2 м дан артык булган полимер торбалар чыгара башлаячаклар

Казанда диаметры 1,6 м булган полимер торбалар җитештерү башланды, 2,4 м. линия эшләтеп җибәрүгә әзерләнә. Полимер торбалар, искергән челтәрләрне масштаблы яңарту кысаларында кирәк дип билгеләп үтте хакимият вәкилләре һәм эксперт.

ТР Төзелеш министрлыгында Үзбәкстаннан Хезмәт мигрантларын Татарстанның төзелеш мәйданчыкларына җәлеп итү мәсьәләләре буенча фикер алыштылар

ТР Төзелеш, архитектура һәм ТКХ Министрлыгында Үзбәкстан Республикасы делегациясе белән эшлекле очрашу узды. Министр урынбасары Илшат Гыймаев рәислегендә узган киңәшмәдә ТР Хезмәт, мәшгульлек һәм социаль яклау министры Эльмира Зарипова, Татарстанның әйдәп баручы төзелеш оешмалары җитәкчеләре катнашты.

март, 2025 ел

ТР Төзелеш министрлыгында Иҗтимагый советның чираттагы утырышы узды

Бүген ТР Төзелеш, архитектура һәм торак-коммуналь хуҗалык министрлыгында Иҗтимагый советның чираттагы утырышында 2024 елда коррупциягә каршы сәясәтне гамәлгә ашыру мәсьәләләрен карадылар. Утырышны Иҗтимагый совет рәисе Ринат Абдуллин үткәрде.

«Төзелеш тармагы лидерлары» V Бөтенроссия идарәчеләр конкурсына теркәү дәвам итә

27 февральдә «ТАСС» мәгълүмат агентлыгы мәйданчыгында «Төзелеш тармагы лидерлары» идарәчеләренең V Бөтенроссия конкурсында катнашучыларны теркәү рәсми рәвештә башлану буенча матбугат конференциясе узды.

ЯҢАЛЫКЛАРГА ЯЗЫЛУ