Ирек Фәйзуллин “Татар-информ” мәгълүмат агентлыгында пресс-конференциядә ел нәтиҗәләрен йомгаклады

 “Татар-информ” мәгълүмат агентлыгында "2014 елның Татарстан Республиканың төзелеш комплекс эшчәнлекнең нәтиҗәләре һәм 2015 елга бурычлары" темасы буенча пресс-конференция үтте.
Пресс-конференциядә ТР төзелеш, архитектура һәм торак-коммуналь хуҗалык министры Ирек Фәйзуллин катнашты.
Ирек Фәйзуллин министрлыкның 2014 елдагы эшчәнлеге нәтиҗәләре һәм агымдагы елга планнары белән таныштырды.Ул республиканың бөтен программаларның , шулай үк торак кертү программаның - 2,4 млн.кв.м. уңышлы итеп башкаруны ассызыклады.
Күп фатирлы торак йортларны капиталь төзекләндерү программасы буенча былтыр 816 йорт рәткә китерелгән. Быел бу программада 42 муниципаль берәмлек (Әтнә, Кайбыч, Чүпрәле районнарыннан тыш) катнаша. Барлыгы 5,9 млн. кв.м гомуми мәйданлы күп фатирлы 999 йортта төзекләндерү эшләре башкарылачак. 241,5 мең кешенең торак шартларын яхшырту планлаштырыла.
Былтыр ветераннарның торак шартларын яхшырту программасы буенча Бөек Ватан сугышы ветеранының 281е фатирлы булган. Быел исә 530 ветеранны торак белән тәэмин итү планлаштырыла.
ТР төзелеш, архитектура һәм торак-коммуналь хуҗалык министры Ирек Фәйзуллин Татарстан проектларының Россия шәһәр төзелеше конкурсында җиңүендә туктап калды.РФ Төзелеш һәм торак-коммуналь хуҗалык министрлыгының шәһәр төзелеше конкурсы җиңүчеләрен бүләкләү тантанасы Мәскәүдә IV Россия инвестицион-төзелеш форумы кысаларында булган. Ирек Фәйзуллин сөйләвенчә, әлеге конкурста Татарстанның 13 проекты катнашкан, көндәшлек бик көчле булган. “Җирдән файдалану һәм күпләп йортлар салуның иң яхшы кагыйдәләре” номинациясендә Татарстанның Бөгелмә районы көч сынашкан. “Социаль инфраструктураның тормышка ашырылган иң яхшы төзелеш проекты” номинациясендә 38 эшнең 7се финалга үткән. Алар арасында “Әкият” Татар дәүләт курчак театры да булган. Территорияләрне комплекслы үзләштерү юнәлешендәге иң яхшы проект исеме өчен Казанның “Дубрава экопаркы” көч сынашкан.Конкурста Татарстан Республикасы 2 номинациядә махсус призга лаек булган. Аның берсе – территорияләрне комплекслы үзләштерү буенча проект – Казанның Бишбалта бистәсе үсеше өчен бирелгән. Икенче призга республиканың шәһәр мохитен архитектур-сәнгати яктан формалаштыруның мәгълүмати мониторингы проекты лаек дип табылган.

Фоторепортаж