Татарстан Республикасы Төзелеш, архитектура һәм торак-коммуналь хуҗалык министрлыгы

Татарстанда 2015 елгы программа буенча капремонт 41 муниципаль берәмлекнең 999 күп фатирлы торак йортларның 477сендә башланган

2015 елның 21 феврале, шимбә

Татарстан Республикасында төзелеш өлкәсендәге программаны гамәлгә ашыруның барышы турында бүген республика киңәшмәсендә ТР төзелеш, архитектура һәм ТКХ министры Ирек Фәйзуллин хәбәр итте.
Киңәшмәне республиканың барлык муниципаль районнары белән видеоконференцэлемтә режимында ТР Премьер-министры Илдар Халиков уздырды.

2015 елгы программа буенча капремонт 41 муниципаль берәмлекнең 999 күп фатирлы торак йортларның 477сендә башланган.

Ирек Фәйзуллин мәктәпләрне, җәйге балалар сәламәтләндерү лагерьлары, мәдәният объектларын һәм яшүсмерләр клубларын капиталь ремонтлау буенча программаның барышы турында сөйләде.

2015 елда 3828 фатирны индивидуаль җылылык системасына күчерү планлаштырыла.

Пар казаннарын алыштыру программасы кысаларында социаль-мәдәни өлкәдә финанслау 2015 елда 69,9 млн сум тәшкил итә.

“Авылда су белән тәэмин итү” программасы буенча 2015 елда 301,3 км суүткәргеч челтәрләр төзү, 38 артезиан скважинасын бораулау һәм 45 су бирү башнясы урнаштыру планлаштырыла.

Ирек Фәйзулллин шулай ук 2015 елның Татарстанда Парклар һәм скверлар елы дип игълан ителүен искә төшерде. “Парклар һәм скверлар” программасын финанслауга муниципаль берәмлекләргә республика бюджетыннан 1 млрд сум бүлеп бирелгән.

ТР төзелеш, архитектура һәм ТКХ министры республиканың муниципаль берәмлекләрендә спорт инфраструктурасының берничә объектында башкарылган эшләрнең күләме турында хәбәр итте. Болгар, Лаеш, Тәтеш, Чистай, Түбән Кама, Чаллы, Азнакай һәм Аксубайда спорт объектларында төзелеш һәм ремонт эшләре бара.

ТР Президенты Матбугат хезмәте

БАРЛЫК ЯҢАЛЫКЛАРНЫ УКУ