Татарстанда күп фатирлы торак йортларга капремонт 42 муниципаль берәмлекнең барлык 999 объектында башланган

2015 елның 11 июле, шимбә
Татарстан Республикасында күп фатирлы торак йортларга капремонт 42 муниципаль берәмлекнең барлык 999 объектында башланган. Ремонт эшләре 319 күп фатирлы йортта төгәлләнгән.
2015 елның 9 июленә торак фонд мониторингы мәгълүматлары буенча ремонт эшләре 3 млрд. 930 млн. 314 мең сумга башкарылган, бу 83,43% тәшкил итә.
Бу хакта бүген ТР Хөкүмәте йортында узган киңәшмәдә ТР төзелеш, архитектура һәм ТКХ министры Ирек Фәйзуллин хәбәр итте.

Киңәшмәне барлык муниципаль районнар белән видеоконференцэлемтә режимында Татарстан Республикасы Премьер-министры Илдар Халиков уздырды.

Мәктәпләргә капремонт программасы буенча республикада 23 мәктәптә ремонт эшләре тулысынча төгәлләнгән, 96 объектта эш дәвам итә.

Ирек Фәйзуллин кышкы җылылык чорына әзерлек турында хәбәр итте. Татарстан Республикасы буенча торак фондның әзерлеге 28,1%, социаль –мәдәни өлкәдәге объектларның әзерлеге 56%, коммуналь инфраструктура уртача 50% тәшкил итә.

Республикада сыер абзарлары ,бәрәңге саклау урыннарына һәм силос-сенаж траншеяларына капремонт эшләре дәвам итә. 40 районда 224 сыер абзарына, 36 районда 134 силос-сенаж траншеяларына,15 районда 32 бәрәңге саклау урыннарына капремонт эшләре башланган.

Ирек Фәйзуллин шулай ук мәдәният объектларына, көллиятләргә, яшүсмерләр клубларына капремонт эшләре турында сөйләде.

ТР Президенты Матбугат хезмәте
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Гражданнарны кабул итү
Адрес: 420111 Казан, Дзержинский урамы, 10
Телефон: +7 (843) 231-14-10, кайнар линия телефоны: +7 (843) 231-14-10
Факс: +7 (843) 231-15-55
E-Mail: msagkh@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International