Бөгелмәдә полиция участковыйлары өчен 2 йорт ачылды
Мондый административ-торак пунктлары – участок полиция хезмәткәренә тәүлек әйләнәсенә авыл халкының аларга мөрәҗәгать итә алуын тәэмин итә торган җир. Бер типтагы проектлар ТР Президентының Дәүләт торак фонды тарафыннан һәм төзелеш эшләренең ике чыганагыннан (республика һәм җирле бюджетлардан) финанслана.
Йортларны 9 август көнне эксплуатациягә тапшырдылар. Аларны ачу тантанасында ТР эчке эшләр министры урынбасары Владимир Изаак, Бөгелмә муниципаль районы башлыгы, шәһәр мэры Линар Закиров, Бөгелмә районының эчке эшләр бүлеге начальнигы Илдар Билалов һәм төзүчеләр катнашты. Бәйрәмдә төзүчеләргә полиция уполномоченныйлары эшчәнлеге нәтиҗәлелеген күтәрүгә, эчке эшләр органнары хезмәткәрләренең социаль хокукый якланганлыгын тәэмин итүгә, тормыш шартларын яхшыртуга өлеш керткәннәре өчен рәхмәт сүзләре әйтелде, аларга Рәхмәт хатлары тапшырылды.