Кукмара муниципаль районында универсаль спорт мәйданчыгы ачылды
2015 елның 8 сентябре, сишәмбе
Бүген Лубянда күптән көтелгән сөенечле вакыйга булды. Мәктәп территориясендә заман таләпләренә туры китереп эшләнгән спорт һәм балалар мәйданчыклары ачылды. Ясалма чирәм түшәлгән спорт мәйданчыгында баскетбол, волейбол уйнау өчен мөмкинлекләр тудырылган булса, балалар мәйданчыгында атынгычлардан тыш, хәтта теннис өстәле дә бар.
Төзелеш эшләрен “Строй-Гарант” оешмасы хезмәткәрләре алып барган. Тантанада район җитәкчесе Сергей Димитриев, авыл җирлеге башлыгы Рим Фәхрәзиев, “Строй-Гарант” оешмасы җитәкчесе Илсур Шәрипов һәм башкалар чыгыш ясады.
2015 елда Татарстан Республикасында 163 спорт мәйданчыгы ачылуы планлаштырылган,133 объект 45 районда өзелгән,18 - Казанда,11 - Яр Чаллыда.
Татарстанда бүгенге көнгә 126 меңнән артык кеше төзекләндерү объектларын сайлау буенча Бөтенроссия онлайн-тавыш бирүдә катнашкан. Бу хакта Татарстан Республикасы Төзелеш, архитектура һәм ТКХ министрлыгы башлыгы Марат Айзатуллин Татарстан Республикасы Хөкүмәте йортында узган брифингта хәбәр итте.