Татарстан Республикасы Министрлыклары Татарстан Республикасы Төзелеш, архитектура һәм торак-коммуналь хуҗалык министрлыгы

Казанда М-14 микрорайон төзелеш җирлегендә күчмә киңәшмә узды

2015 елның 21 октябре, чәршәмбе

Казанның Идел буе районында урнашкан М-14 микрорайонында социаль ипотека программасы буенча йортлар һәм балалар бакчасы төзелү дәвам итә.

Эшлекле киңәшмәдә Татарстан Республикасы төзелеш, архитектура һәм торак-коммуналь хуҗалыгы министры урынбасары Владимир Кудряшев, ТР Президенты каршындагы Дәүләт торак фонды башкарма директоры Тәлгать Абдуллин, Казан Мэры Илсур Метшин, Башкарма комитет җитәкчесе Денис Калинкин, Башкарма комитет җитәкчесенең шәһәр төзелеше сәясәте мәсьәләләре буенча урынбасары Азат Нигъмәтҗанов, Вахитов һәм Идел буе районнары администрациясе башлыгы Андрей Лобов, “Ак Таш” җаваплылыгы чикләнгән җәмгыяте директоры Газинур Әхмәтов, подрядчы һ.б оешма вәкилләре катнашты.

М-14 микрорайоны – Казанда социаль ипотека программасы буенча торак төзелеше өлкәсендә иң зур проектларның берсе. Биредә барлыгы 3800 фатирга исәпләнгән 17 йорт төзелергә тиеш. Шулай итеп, микрорайон төзелеп беткәннән соң, ташламалы шартлар буенча 10478 казанлы торак белән тәэмин ителәчәк. 10 меңнән артык шәһәр халкы торак шартларын яхшырту белән бергә социаль инфраструктура объектлары белән тәэмин ителәчәк. Чөнки биредә 5 балалар бакчасы, 2 мәктәп һәм күпкатлы 5 парковка ачылачак.

Хәзерге вакытта 45 гектар мәйдандагы микрорайон территориясендә социаль ипотека буенча 4 торак йорт - 255 фатирга исәпләнгән 3 объект һәм 89 фатирдан торган 1 йорт төзелә. 4 йортның гомуми мәйданы 50,5 мең кв.м тәшкил итә. Моннан тыш, йортлар төзелү белән бергә биредә шулай ук социаль инфраструктура объектлары да торгызыла. “Юл картасы” буенча 260 урынга исәпләнгән балалар бакчасы инде төзелеп беткән диярлек.

Казан Мэры Илсур Метшин киңәшмәдә катнашучыларга ТР Президенты Рөстәм Миңнехановның М-14 мәйданындагы объектларны вакытында кулланылышка тапшырырга кирәклеге турындагы катгый йөкләмәсен искә төшерде. “Бу ел ахырына, ким дигәндә, бер йорт һәм бер балалар бакчасы кулланылышка тапшырылырга тиеш”, - диде шәһәр башлыгы.

Казан мэриясенең рәсми порталы материаллары буенча

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

апрель, 2026 ел

Рөстәм Миңнеханов: Бүген төзелеш комплексы илнең икътисади үсеше драйверларының берсе

Бүген Мәскәүдә Россия Федерациясе Дәүләт Советының «Яшәү өчен инфраструктура» юнәлеше буенча комиссиясенең һәм Россия Төзелеш һәм торак-коммуналь хуҗалык министрлыгы коллегиясенең уртак утырышы булды. Анда Россия Федерациясе Хөкүмәте Рәисе урынбасары Марат Хөснуллин, Россия Федерациясе Төзелеш һәм торак-коммуналь хуҗалык министры Ирек Фәйзуллин, Татарстан Республикасы Рәисе, Россия Федерациясе Дәүләт Советының «Яшәү өчен инфраструктура» юнәлеше буенча комиссиясе рәисе Рөстәм Миңнеханов, Татарстан Төзелеш министрлыгы башлыгы Марат Айзатуллин һәм башка рәсми затлар катнашты. Чарада 2025 елга йомгак ясалды һәм 2030 елга кадәр бурычлар билгеләнде.

Илкүләм проект буенча Түбән Камада төзүчеләр 8 нче мәктәпне ремонтлый

«Яшьләр һәм балалар» илкүләм проектының «Балаларга иң яхшысы» федераль программасы кысаларында Түбән Камада 8 нче урта гомуми белем бирү мәктәбе бинасы капиталь ремонтлана. Ике катлы бина Яшьлек урамында урнашкан.

апрель, 2026 ел

ТР Төзелеш министрлыгында республика кирпеч продукциясен куллануны киңәйтү турында фикер алыштылар

Татарстан Республикасы Төзелеш, архитектура һәм ТКХ министрлыгында республика кирпеч продукциясен куллануны киңәйтү мәсьәләсе буенча киңәшмә узды. Анда Татарстанның кирпеч заводлары, проект институтлары һәм төзелеш компанияләре вәкилләре катнашты, бу төзелеш базарының барлык звенолары арасында туры диалог булдырырга мөмкинлек бирде.

«Цифрлы ликбез»: укучылар өчен яңа укыту материаллары әзерләнде

Россия Цифрлар министрлыгы Россия Мәгариф министрлыгы һәм «Цифрлы икътисад» АНО белән берлектә «Касперский лабораториясе» ярдәмендә «Цифрлы ликбез» Бөтенроссия мәгърифәтчелек проектын үткәрә.

ЯҢАЛЫКЛАРГА ЯЗЫЛУ