Соңгы 5 елда республикада 550 мең квадрат метр мәйданда медицина оешмасы төзекләндерелгән
2017 елда сәламәтлек саклау тармагында беренчел звеноны үстерү дәвам иттерелә. Бу максатларга 330 миллион сум акча бүлеп бирелгән. Бу хакта бүген "Татар-информ"да узган матбугат конференциясендә Татарстанның төзелеш, архитектура һәм торак-коммуналь хуҗалык министры урынбасары Илшат Гыймаев хәбәр итте. Татарстанда быел 42 фельдшер-акушерлык пункты, 6 табиб амбулаториясе, модульле технология буенча 5 патологоанатомия бүлеге төзелеше, 8 табиб амбулаториясенә, 6 сәламәтлек саклау объектында капиталь ремонт көтелә. 10 объектны медицина җиһазлары белән тәэмин итү ниятләнә.
Белешмә:
2012 елдан башлап Татарстанда 367 фельдшер-акушерлык пункты, табиб амбулаториясе, 19 патологоанатомия бүлекләре төзелгәнен әйтте. 17 участок хастаханәсендә, 83 табиб амбулаториясендә, 25 амбулатор-сырхауханә оешмасында, 1331 фельдшер-акушерлык пунктында капиталь төзекләндерү эше башкарылган.