ЯҢАЛЫКЛАР

Татарстан Республикасында быел 42 фельдшер-акушерлык пункты (ФАП), 4 табиб амбулаториясе, 1 гомуми практика табибы офисы төзелергә тиеш. Әлеге программа буенча эшләр башлангыч этапта. Бүген бу хакта Татарстан Республикасы Хөкүмәте Йортында узган республика киңәшмәсендә Татарстан Республикасы төзелеш, архитектура һәм ТКХ министрының беренче урынбасары Алексей Фролов хәбәр итте.

Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Киңәшмәдә ТР Премьер-министры Алексей Песошин да катнашты.

Алексей Фролов хәбәр иткәнчә, бүгенге көндә сәламәтлек саклау линиясе буенча подрядчылар 17 ФАП төзиләр. Алар буенча үтәлеш – 2%, амбулаторияләр буенча эшләр башкару – 3%.

Чистай РҮХ бинасын (бина медицина стационарларын төзү республика программасы кысаларында төзелә) төзү эшләре 35%ка башкарылган.

Авыл җирлекләре башкарма комитетлары (Советлары) биналарын (урыннарын) төзү программасы буенча объектларда төзү-монтаж эшләре 34%ка башкарылган (барлыгы шундый 13 объектны тапшыру каралган).

Блоклы модульле чаңгы базаларын төзү программасы буенча быел 2 объектны тапшырырга кирәк, шуларның берсе инде (Апас районы) тәмамланган. Әлеге программа буенча безнең планда каралган төзелеш-монтаж эшләре 62%ка үтәлгән.

Быел планлаштырылган 9 универсаль спорт мәйданчыгының 8е төзелә. Эшләр күләме 13%ка башкарылган.

Моннан тыш, каркас-тасмалы һәм административ биналы (Әлмәт, Бөгелмә, Зәй, Чистай районнары) ябык 4 футбол манежын төзү башланган. Биредә әлегә башкарылган эшләр күләме 7%тан артмый.

Шулай итеп, спорт объектларын төзү программасы кысаларында барлыгы 15 корылма төзелергә тиеш.

Авыл хуҗалыгында гамәлгә ашырыла торган программалар турында сөйләгәндә, Алексей Фролов түбәндәгеләрне хәбәр итте: сыер абзарлары һәм сарык фермалары төзү программасы кысаларында төзелә торган 7 объектның икесендә эшләр алып барыла. Башланган объектлар Ютазы һәм Кукмара районнарында урнашкан.

Силос-сенаж траншеяларын төзү программасына 2021 елда 67 объект кертелгән. Төзү-монтаж эшләре планның 22,68%ында башкарылган. Шул ук вакытта 10 объект төзелә, 4 объект инде төгәлләнгән (Актаныш районында –  3, Тукай районында – бер объект).

Илкүләм проектларга килгәндә, объектлар 11 федераль программа кысаларында төзелә яки реконструкцияләнә.

«Торак» федераль проекты буенча төзелә торган 1,5 мең урынга исәпләнгән мәктәпкә җиһазлар кайтарыла.

«Торак» һәм «Хатын-кызлар мәшгульлегенә ярдәм итү» федераль проекты буенча республикада 16 балалар бакчасы төзелә. Эшләрне башкару 36% тәшкил итә.

«Спорт – тормыш нормасы» федераль проекты буенча Кукмара шәһәрендә спорт залы төзелә. Эшләр күләме 63,05%ка башкарылган.

Бүгенге көндә 2 млн 670 мең кв.метр торак төзелеше планы 40%ка диярлек үтәлгән.

Коммерциячел торак линиясе буенча гомуми мәйданы 1 млн 265 мең кв. метр булган 164 йорт файдалануга тапшыру планлаштырыла. 60 күп фатирлы торак йорт төзү тәмамланган, бу планның 25,0%ын тәшкил итә.

Калган 104 коммерция йортының әзерлек дәрәҗәсе түбәндәгечә: 49 йорт әзер диярлек; 35 йорт уртача әзерлектә (30% -70%); 20 йортта әзерлек өчтән бер (0% -30%) күләмендә.

Социаль ипотека программасы кысаларында 280 мең кв. метр мәйданда 161 йорт планлаштырылган. 76 мең кв. метр мәйданлы 39 йорт хәзерге вакытта төзелгән (планның 27,0%ы). Шул ук вакытта 75 соципотека оешмасы 75%тан артык әзер.

Шәхси торак төзелеше буенча план 60%ка диярлек үтәлгән: план буенча 8 330 объектта 4 940 индивидуаль торак йорт тапшырылган.

Хезмәтне саклауга килгәндә, ТР Дәүләт төзелеш күзәтчелеге ел башыннан бирле 616 тикшерү үткәргән. Аларның нәтиҗәләре буенча чыгарылган карарларның гомуми суммасы 3 млн 555 мең сум тәшкил итә. Үзлегеннән җайга салынучы оешмалар көче белән 686 тикшерү үткәрелгән.

Дәүләт программалары кысаларында төзелә торган объектларда аларның төп заказчысы  – «Главинвестстрой " ДКУ ел башыннан бирле 450 тикшерү уздырган.

Санитар-экологик ике айлык тәмамланырга ике атнадан артык вакыт калып бара (2021 елның 1 апреленнән 31 маена кадәр үткәрелә), аның кысаларында «Чиста төзелеш» тармак чарасы үткәрелә. 1 апрельдән башлап, ТР Дәүләт төзелеш күзәтчелеге белгечләре объектларга 406 тапкыр чыкканнар. Тикшерүчеләр тарафыннан 39 хокук бозу очрагы ачыкланган, 41 беркетмә төзелгән, 29 юридик һәм вазыйфаи зат административ җаваплылыкка тартылган, штрафларның гомуми суммасы 1 млн 631 мең сум тәшкил иткән.

Бүген Татарстан Республикасы Хөкүмәте Йортында узган киңәшмәдә Татарстан Республикасы төзелеш, архитектура һәм ТКХ министры Марат Айзатуллин социаль объектларны һәм ведомство карамагындагы учреждениеләр биналарын капиталь ремонтлау буенча республика программаларын гамәлгә ашыру турында сөйләде.

Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Киңәшмәдә шулай ук Татарстан Республикасы Премьер-министры Алексей Песошин да катнашты.

Авыл хуҗалыгы һәм азык-төлек идарәләре биналарын капиталь ремонтлау программасы. 13 объектның 3се генә эштә калган әле. Биредә план үтәлеше – 96%.

Ветеринария идарәсенә караган учреждениеләрне капиталь ремонтлау программасы буенча 10 объект әзер, эшләр икесендә дәвам итә.

Авыл җирлекләре башкарма комитетларының (советларының) биналарын (урыннарын) капиталь ремонтлау программасы паспортында каралган 15 объектның 5се тапшыруга әзер һәм 10сы тәмамланып килә. Төзелеш-монтаж эшләре (СМР) 82%ка башкарылган.

Урман хуҗалыгы министрлыгы карамагындагы биналарны капиталь ремонтлау программасы 77%ка үтәлгән. Барлыгы 27 объект ремонтланырга тиеш. Әлегә эшләр 15ендә дәвам итә, 12се әзер инде.

Стационар социаль хезмәт күрсәтү оешмаларында капиталь ремонт программасына быел 29 объект кертелгән. Тулаем алганда, төзелеш-монтаж эшләре 61%ка башкарылган, 7 объект тәмамланган. 22сендә эшләр бара.

Муниципаль архивларны капиталь ремонтлау программасы буенча 2021 елгы 8 объектның икесендә эшләр тәмамланган. Ремонтлана торган 6 объектта башкарылган эшләр күләме 55%тан артып киткән.

Белем бирү оешмаларын капиталь ремонтлау һәм реконструкцияләү программасы. Аңа барлыгы 213 объект кертелгән: 53 балалар бакчасы, 148 гомуми белем бирү һәм 12 коррекцион мәктәп. Ике гомуми белем бирү мәктәбендә капиталь ремонт тәмамланган. 19да ул әлегә дәвам итә.

Түбән Кама районында капиталь ремонт программасына кертелгән Сухарево урта гомуми белем бирү мәктәбе реконструкцияләнә. Хәзерге вакытта эшләр 20%ка үтәлгән.

Бер коррекцион мәктәп тәмамланды. Тагын бер эш 54% ка башкарылган.

Балалар бакчаларын капиталь ремонтлау буенча 27 объектның өчесе тәмамланган. 21 балалар бакчасы актив ремонтлана.

2021 елгы план нигезендә шулай ук гомуми белем бирү оешмаларында 116 функциональ зоналарны ремонтлау каралган. 37 объект тәмамланган. 33 районда урнашкан 79 объект эшләнә. Тулаем алганда, төзелеш-монтаж эшләре 61%ка үтәлгән.

Стационарларны капиталь ремонтлау программасы буенча 2021 елда 20 объект тапшырылырга тиеш. 12 объектта эшләр 38%ка башкарылган.

Яшелчә саклагычларын капиталь ремонтлау программасына кертелгән 5 объектның 1сендә эшләр 20%ка гамәлгә ашырылган.

Спорт объектларын капиталь ремонтлау программасына 10 объект кертелгән. Шуларның 8ендә эшләр 45% ка үтәлгән.

Милли гвардия гаскәрләренең федераль хезмәте идарәсе объектларын капиталь ремонтлау программасы буенча тапшырылырга тиешле 11 объект буенча 4 объект тәмамланган. Калган объектларда эшләр 39% тәшкил итә.

«Чистарту корылмаларын модернизацияләү һәм канализация челтәрләрен капиталь ремонтлау» программасы буенча 8 объектның 2сендә эшләр тулысынча тәмамланган, өч объектта эшләр бара.

"Халыкны эчәр сулар белән тәэмин итү" программасы буенча 127 объект ремонтланырга тиеш. 2021 елда аны тормышка ашыруда 45 муниципаль берәмлек катнаша. 28 муниципалитет эшкә керешкән.

Шулай ук министр күп фатирлы йортларны капиталь ремонтлау программасын гамәлгә ашыруның барышы турында кыскача хәбәр итте, аңа быел 948 объект кертелгән. «Торак фонды мониторингы» системасы мәгълүматлары буенча, 8 майга 971 млн. сумлык эшләр башкарылган. Бу программа лимитының 15%тан артыгы дигән сүз. Шул ук вакытта 13 муниципаль берәмлектә дә эшләр башланмаган. Башлыкларга мөрәҗәгать итеп, министр ремонт эшләре срокларын үтәргә өндәде.

Татарстан Республикасында өлешләп төзүнең проблемалы объектлары 164 күп фатирлы торак йорт исәбенә керә, алар быел коммерциячел торак төзелеше линиясе буенча тапшырылырга тиеш. Әлеге объектларны төзү республикада хәзер актив алып барыла. Бу йортларның гомуми мәйданы 1 млн. 265 мең кв. м тәшкил итә.

Бүгенге көндә 59 күп фатирлы торак йорт төзелгән (мәйданы 309 мең кв.м, бу планның 24%ы). Шул исәптән Әлмәттә – 3, Югары Осланда – 3, Биектау районында – 2, Алабугада – 1, Зеленодольскта – 2, Лаешта – 1, Чаллыда – 15, Питрәчтә – 25, Казанда – 7.

Тагын 105 йортның әзерлек дәрәҗәсе түбәндәгечә: 46 йорт әзер диярлек; 37 йорт уртача әзерлектә (30% -70%); 22 йортның өчтән бер өлеше  әзер (0% -30%).

Социаль ипотека программасы буенча 280 мең кв. м. га исәпләнгән 161 йорт тапшырылырга тиеш. Шул исәптән Арчада – 1, Актанышта – 4, Алексеевскида – 2, Әлки районында – 1, Балтачта – 1, Бөгелмәдә – 1, Югары Осланда – 1, Зеленодольскта – 1, Казанда – 2, Менделеевскда – 1, Чаллыда – 1, Түбән Камада – 2, Яңа Чишмәдә – 4, Нурлатта – 3, Сабада – 13, Тәтештә – 1 йорт.

Тагын 75 йорт (мәйданы 71,3 мең кв. м) әзер диярлек.

Шәхси торак төзелеше линиясе буенча 8 330 йортны тапшырырга кирәк. Биредә еллык план яртылаштан артык үтәлгән: 4 721 йорт (планның 57%ы) тапшырылган.

Шулай итеп, 2021 елда 2 млн. 670 мең кв. м торак төзелергә тиеш. Тулаем план 38,3%ка үтәлгән (1 022,2 мең кв. м). Бу узган ел белән чагыштырганда 112% тәшкил итә.

Аерым категория гражданнарны торак белән тәэмин итү программаларын гамәлгә ашыру дәвам итә. 2021 елда шундый 4 категориягә 741 гаилә керә.

Ятим балаларга 636 торак урын тапшырылырга тиеш.

ТР Дәүләт торак фонды белән электрон сату нәтиҗәләре буенча 10 муниципаль берәмлектә (Әлмәт - 18, Актаныш районы - 4, Әтнә районы - 1, Балтач районы - 4, Югары Ослан районы - 6, Түбән Кама - 28, Яңа Чишмә районы - 4, Сарман районы - 1, Ютазы районы - 1, Казан - 73) 140 торак бина сатып алу өчен ике дәүләт контрактына кул куелган.

Инде бу айда 49 яшь гаилә торак өчен субсидия алырга тиеш. Әлеге категория вәкилләре яшәгән муниципалитетларга төзелгән килешүләр кысаларында гаиләләргә субсидияләр түләү өчен бюджет акчалары күчерелгән.

Биш һәм аннан күбрәк бала тәрбияләүче күп балалы гаиләләрне торак белән тәэмин итү программасы буенча финанслау лимиты тулысынча бүленгән. Муниципалитетларга кыска вакыт эчендә Дәүләт торак фонды базасына алучыларның мәгълүматларын йөкләргә кирәк. Быел программада 47 күп балалы гаилә катнаша.

Ниһаять, быел торак алучының 9ы мәҗбүри күченүчеләр, чернобыльчеләр һәм Ерак Төньяктан күченүчеләр категориясенә керә. Хәзерге вакытта 4 сертификат рәсмиләштерелгән инде.

Нотыкчы шулай ук быел дәүләт программалары һәм илкүләм проектлар кысаларында тапшырыла торган социаль-мәдәни өлкә төзелеше буенча чараларны гамәлгә ашыру турында да хәбәр итте. Шулай итеп, авыл җирлекләре башкарма комитетларының (советларының) биналарын (урыннарын) төзү программасы буенча төзелә торган объектларда төзү-монтаж эшләре 24%ка башкарылган. Быел программа кысаларында барлыгы 13 объект тапшырыла. Чистай РҮХ бинасы 31% ка әзер – бу быел медицина стационарларын төзү программасына кертелгән бердәнбер объект (2 атна эчендә динамика – 6,51 %).

Республикада сәламәтлек саклауның беренчел звеносын камилләштерү буенча масштаблы эш дәвам итә. Быел 42 блоклы фельдшер-акушерлык пункты төзелеше планлаштырылган. Шуларның 8ендә (Лениногорск, Нурлат, Чирмешән, Азнакай, Баулы, Бөгелмә, Зәй, Ютазы районнары) эшкә керешкәннәр.

Шулай ук 4 табиб амбулаториясе төзелергә тиеш. Аларның икесе эшләнә инде.

Спорт корылмаларын төзү программасы 15 объектны үз эченә ала. Шул исәптән, бу – 9 универсаль спорт мәйданчыгы, шуларның 4се төзелә инде.

Блоклы модульле чаңгы базаларын төзү буенча эшләр 53%ка башкарылган. Быел шундый 2 база гына тапшырылырга тиеш, шуларның берсе инде төгәлләнгән (Апас районы).

Подрядчылар 2021 ел программасына кертелгән барлык 4 ябык футбол манежын төзүгә керештеләр (Әлмәт, Бөгелмә, Зәй, Чистай районнары). Әлегә планлаштырылган эш күләменең 3%ы үтәлгән.

Сыер абзарлары һәм сарык фермалары төзү программасы шулай ук республикада тормышка ашырыла. Программага кертелгән 7 объектның 2сендә – Ютазы һәм Кукмара районнарында эшләр бара. Ютазыда эшләр 70%ка үтәлгән, Кукмара районында объект буенча - 4%, 2 атна эчендә динамика 2,10% тәшкил итә.

Силос-сенаж траншеяларын төзү программасы буенча 67 объектны тапшыру каралган, шуларның 4се инде тәмамланган (3 объект Актаныш районында, 1се - Тукай районында). Тагын 10 объектта эшләр актив алып барыла (Саба, Тукай, Ютазы, Актаныш районнары). Программа кысаларында төзелеш-монтаж эшләренең гомуми күләме 22%ка бәяләнә.

«Торак» федераль проекты («Арт-Сити» торак комплексында, Казан) буенча 1,5 мең урынга исәпләнгән мәктәп 96,7%ка әзер.

«Торак» һәм «Хатын-кызлар мәшгульлегенә ярдәм итү» проектлары кысаларында 16 балалар бакчасы төзелә. Эшләр 31%ка башкарылган (2 атна эчендә динамика 4,04%).

«Балалар сәламәтлеген үстерү» федераль проекты буенча Балалар Республика клиник хастаханәсе территориясендә балалар онкологиясе, гематология һәм хирургия үзәген төзү дәвам итә. Объектның әзерлек дәрәҗәсе 72%ка бәяләнә.

«Спорт – тормыш нормасы» федераль проекты буенча Кукмара шәһәрендә универсаль спорт залы төзелә, эшләр күләме 53,8%ка үтәлгән.

ТР Дәүләт төзелеш күзәтчелеге ел башыннан бирле 488 тикшерү үткәргән. Аларның нәтиҗәләре буенча 2 млн.740 мең сумлык карарлар чыгарылган. Үз көчләре белән 648 тикшерү үткәрелгән. Ел башыннан алып 4 ай эчендә ДТКИ 437 тикшерү үткәргән.

Нотыкчы 28 апрельдә Бөтендөнья хезмәтне саклау көне билгеләп үтелүен искә төшерде. Хезмәтне саклау өлкәсендә белгечләр, линия хезмәткәрләре, һөнәри берлекләр комитетлары рәисләре катнашында имгәнүләрне профилактикалауга юнәлдерелгән тематик чаралар барлык муниципаль районнарда да узган.

Республикада 2021 елның 1 апреленнән 31 маена кадәр үткәрелә торган санитар-экологик ике айлык кысаларында тикшерүләр үткәрелә. Апрель аенда ТР Дәүләт төзелеш күзәтчелеге инспекциясе тарафыннан 196 тикшерү уздырылган, аларның нәтиҗәләре буенча 30 хокук бозу очрагы ачыкланган. 33 беркетмә төзелгән; 17 юридик һәм вазыйфаи зат административ җаваплылыкка тартылган, штрафларның гомуми суммасы 666 мең сум тәшкил итә.

Бүген Казанда Россия Федерациясе Хөкүмәте Рәисе урынбасары Марат Хөснуллин һәм Татарстан Республикасы Президенты Рөстәм Миңнеханов озак вакыт дәвамында тапшырылмыйча торган һәм, ниһаять, сафка кертелгән күпфатирлы йортларны карадылар.

Башта Зур Урамдагы күп фатирлы торак йортларн карадылар («МЧС " ТК йортлары).

Әлеге торак комплексын төзүче "ФОН" ҖЧҖ  иде. Өлешләп катнашу буенча беренче килешүләр 2011 елда төзелгән булган. Сафка кертүне 2014 елның 3 кварталына планлаштырган булганнар. 2019 елда төзүче "ФОН" ҖЧҖ банкрот дип танылды.

2020 елның июнендә өлешләп төзүдә катнашучы гражданнар хокукларын яклау буенча Татарстан Республикасы фондына "ФОН" ҖЧҖнең төзелеп бетмәгән өч йортына төзүче хокуклары тапшырылды. Төзелеш-монтаж эшләре башланды. Объектта подрядчы булып "Ак Таш" СМК" ҖЧҖ  эшкә кереште. Фондка "МЧС" ТКның икенче йорты буенча, объектны файдалануга тапшырганнан соң, алданган өлешчеләргә тапшыру буенча йөкләмәләр бирелде

Бүгенге көндә 2 нче номерлы торак йорт (бу 522 фатир, шулай ук әйбер саклау бүлмәләре, парковка) файдалануга тапшырылган. Төзелешне тәмамлау Өлешләп төзүдә катнашучы гражданнарның хокукларын яклау фонды белән төзелгән килешүләр кысаларында өлешчеләргә ярдәм итү федераль программасы буенча башкарылды. Төзелешне финанслау Татарстан Республикасы һәм федераль бюджет акчалары хисабына гамәлгә ашырылды.

Рөстәм Миңнеханов, Марат Хөснуллин, Татарстан Республикасы төзелеш, архитектура һәм торак-коммуналь хуҗалык министры Марат Айзатуллин, шулай ук Казан мэры Илсур Метшин файдалануга тапшырылган йортны карап чыктылар, яңа фатирларга керделәр, шулай ук өлеш кертеп фатир алучылар белән аралаштылар. Фатир алучылар республика җитәкчелегенә һәм федераль үзәккә объектларны төзеп бетерүдә ярдәм итүләре өчен рәхмәт белдерделәр. Өлешчеләр арасында күп балалы гаилә дә бар.

Моннан тыш, "МЧС" торак комплексында тагын 2 проблемалы объект кала, аларны 2021 елның 2 кварталы ахырында файдалануга тапшыру планлаштырыла. "МЧС" ТК 3 һәм 4 номерлы йортларны тапшырганнан соң, 451 һәм 253 гражданның хокуклары торгызылачак.

Аннары Марат Хөснуллин һәм Рөстәм Миңнеханов Достоевский ур., 57 адресы буенча урнашкан күпфатирлы торак йортны (подрядчы – «БРИЗ»компанияләр төркеме) карап чыктылар. Казанда бу объект - республиканың иң озак төзелүче. Гражданнар белән өлешләп катнашу буенча беренче шартнамәләр 2003 елда төзелгән булган. Йортны төзүче - Рәшид Аитовның "Фирма Свей" ҖЧҖ. Йорт  2005 елның 1 нче кварталында сафка кертелергә тиешле булган. Әмма төзелеш эшләре туктатыла, ә 2011 елда төзүче компания банкрот дип таныла.

Объекттагы төзелеш эшләре 2020 елның июнендә, Өлешләп төзүдә катнашучы гражданнарның хокукларын яклау буенча Татарстан Республикасы фондына 2020 елның маенда "Фирма Свей" ҖЧҖ төзүчесенә хокук тапшырылганнан соң, яңадан торгызыла.

Төзелеш эшләре «Сәдака» подрядчы оешмасы («Бриз»компанияләр төркеменә керә) тарафыннан башкарыла. Достоевский ур., 57 адресы буенча торак йорт төзелешен тәмамлау буенча эшләрне финанслау Татарстан Республикасы һәм федераль бюджет акчалары хисабына башкарыла.

Достоевский урамындагы күп катлы йортта Рөстәм Миңнеханов һәм Марат Хөснуллин шулай ук фатирларны карадылар, төзелешнең сыйфатын бәяләделәр. Бу объект якын арада файдалануга тапшырылачак.