ЯҢАЛЫКЛАР
Быел Татарстанда 1098 күпфатирлы йортка 6,26 млрд сумлык капиталь ремонт ясалачак. Бу хакта «Татар-информ» мәгълүмат агентлыгына ТР Төзелеш, архитектура һәм торак-коммуналь хуҗалык министрлыгында хәбәр иттеләр.
«Быел гомуми мәйданы 4,5 млн кв.метр булган 788 күпфатирлы йортка ремонт ясау планлаштырыла. Бу программада Әлки, Әтнә, Чүпрәле һәм Кайбыч районнарыннан кала, 40 муниципаль берәмлек катнаша. Эре шәһәрләр объектлары белән бергә 1098 йортны 6,26 млрд сумга ремонтлау планлаштырыла», — дип сөйләделәр министрлыкның матбугат хезмәтендә.
Йортларның нигезе, түбәсе, лифтлар, салкын һәм кайнар су белән тәэмин итү системасы ремонтланачак.
«Йортларга кирәк булган барлык эш төрләре дә башкарылачак. Без комплекслы рәвештә карыйбыз», — диделәр ведомствода.
«Татар-информ» мәгълүмат агентлыгы хәбәр иткәнчә, Казан йортларын капиталь ремонтлау чыгымнары өч елга 6 млрд сумга кадәр арткан.
2020 елның маенда Яшьләр проектларына һәм идеяләренә ярдәм итүгә юнәлдерелгән «Безнең Татарстан» X Республика яшьләр форумы финалы узачак.
Форумда 14-30 яшьләрдәге (35 яшькә кадәрге галимнәр), ТР Югары һәм урта махсус уку йортлары студентлары, ТР балалар һәм яшьләр иҗтимагый берләшмәләре активистлары катнаша ала.
Теркәлү һәм тулырак мәгълүмат рәсми сайтта www.forumtatarstan.com
Республикада ишегалларын төзекләндерү программасына аналоглар беркайчан да юк иде, дип ассызыклады Татарстанның төзелеш, архитектура һәм торак-коммуналь хуҗалык министры Фәрит Хәнифов.
«Безнең ишегалды» республика программасы ярдәмендә Татарстанда яшәүче 2,5 млн лап кеше күп еллар хыялланганына ирешәчәк. Татарстанның төзелеш, архитектура һәм торак-коммуналь хуҗалык министры Фәрит Хәнифов журналистларга брифингта шулай дип белдерде. Бу программа һәркемгә барып җитәчәк. Бу дәүләтнең үзенә күрә халкына бурычы кебек тә булыр. Моңарчы лимит яки норма кысаларында гына гел төзек ишегалларын булдырып булмый иде», — ди министр.
Ул билгеләп үткәнчә, республикада программаның аналоглары беркайчан да булмады. Исегезгә төшерәбез, «Безнең ишегалды» программасын гамәлгә ашыру өч ел дәвам итәчәк.
30 гыйнварда «Ривьера» күңел ачу комплексында «Green» торак комплексының икенче йорты («4012») өлешчеләр җыелышы булды. Әлеге йорт Казан шәһәре, архитектор Гайнетдинов ур., 22 адресы буенча төзелгән. Йорт вакытыннан алда 2019 елның 30 декабрендә тапшырылган иде. Җыелышта ТР Төзелеш, архитектура һәм торак-коммуналь хуҗалык министры урынбасары Илшат Гыймаев, "Казан шәһәре Башкарма комитетының Совет районы администрациясе" МКУ башлыгының беренче урынбасары Андрей Яковлев, ТР ЮИТ җитәкчесе Владимир Сорокин катнашты. Яңа йортка күчүчеләрне йортны вакытыннан алда тапшыру белән котладылар һәм ачкычларны тапшыру һәм милек хокукын теркәү ничек узачагы турында хәбәр иттеләр. 17 катлы йортта төрле һәм уңайлы планировкалар булган 170 фатир бар. Фатирлар бер бүлмәлеләрдән алып өч бүлмәгә кадәр, классик, шулай ук заманча европланировкалар булган. Барлык фатирлар да пыяла балконлы. Йорт мөмкинлекләре чикләнгән кешеләр өчен күтәрткеч белән җиһазландырылган. Бина төп элементларын башкарган вакытта, шул исәптән каркас, лифт шахталары һәм каплау плитәләре монолит технологияләр кулланылган.
Рәссәй Төзелеш министрлыгы «Биекле биналар һәм комплекслар. Янгын куркынычсызлыгы таләпләре» кагыйдәләре җыелмасын раслады, ул биек биналарны һәм комплексларны проектлаганда һәм төзегәндә янгын куркынычсызлыгы таләпләрен бер норматив техник документта билгели, дип хәбәр итте Рәссәй Төзелеш министрлыгы башлыгы Владимир Якушев. Ведомство башлыгы ассызыклаганча, ике министрлыкның уртак эше нәтиҗәсендә кагыйдәләр җыелмасын эшли алдык, ул үз эченә тар махсус техник шартлар буенча таләпләрне ала, һәм ике ведомствоның норматив җайга салу эшендә алга таба тыгыз хезмәттәшлегенә өмет белдерде. Кагыйдәләрнең җыентыгында янгын куркынычсызлыгы таләпләрен үз эченә ала: күләмле-планлаштыру һәм конструктив карарларга, кешеләрне куркынычсыз эвакуацияләүне тәэмин итүгә, биналарның инженер системаларына һәм янгын саклау системаларына, янгын сүндерү бүлекчәләренең эшчәнлеген тәэмин итүгә, биек биналарның һәм комплексларның оештыру-техник чараларына.
Рәссәй Президенты Владимир Путин ил алдына торак төзелеше темпларын арттыру бурычын куйды. Татарстанда агымдагы елда 2,979 млн.кв. метр торак төзү планлаштырыла, 2024 елга күрсәткечне 3,648 млн. кв. метрга кадәр арттыру планлаштырыла. Соңгы 10 елда республикада ел саен 2,4 млн.кв. метр торак файдалануга тапшырылган. Узган ел торак төзелешенең яңа дәрәҗәсенә чыгарга һәм 2 млн. 675 мең кв. м. торак файдалануга тапшырырга мөмкин булды. Шулай итеп, бер ел эчендә 37 мең гаилә торак шартларын яхшырткан. ТР Төзелеш, архитектура һәм торак-коммуналь хуҗалык министры Фәрит Хәнифов ведомствоның йомгаклау коллегиясе барышында: «Без «Торак һәм шәһәр мохите» милли проектын тормышка ашыру буенча башка төбәкләр өчен үрнәк булырга тиеш»,- дип ассызыклады. Безгә мәсьәләләрне комплекслы хәл итәргә, инженерлык, юл-транспорт инфраструктурасы төзелешенә, ипотека ставкасына игътибар итәргә кирәк. Ел нәтиҗәләре буенча республикада ипотека ставкасы 9,12% ка кадәр кимүгә карамастан, ул шактый югары кала. Иң мөһим бурычларның берсе - аны киметү, гражданнарның ипотека кредитларына үтемлелеген киңәйтергә кирәк».
Бүгенге көндә республиканың төзелеш продукциясен җитештерүче 410 предприятиесе республиканың төзелеш комплексын тәэмин итә. 2019 елда төзелеш материаллары сәнәгате предприятиеләре тарафыннан төяп җибәрелгән продукция күләме 40,5 млрд. сум тәшкил иткән (2018 ел дәрәҗәсенә карата 101,7%). Бүген бу хакта Татарстан Республикасы төзелеш, архитектура һәм ТКХ министры Ирек Фәйзуллин ведомствоның коллегия утырышында хәбәр итте. Чарада Татарстан Республикасы Президенты Рөстәм Миңнеханов, Рәссәй Федерациясе Төзелеш һәм ТКХ министры урынбасары Максим Егоров катнашты.
ТР Төзелеш, архитектура һәм торак-коммуналь хуҗалык министрлыгының йомгаклау коллегиясендә ТКХ тармагы эшенә йомгак ясап, ведомство җитәкчесе Фәрит Хәнифов 2020 елның 1 гыйнварына коммуналь өлкәдә 20 муниципаль берәмлектә 151 концессион килешү төзелүен, алар буенча коммуналь инфраструктура объектларының 106сы тапшырылуын, бу коммуналь инфраструктураның теркәлгән объектларының 8,7% ын тәшкил итүен билгеләп үтте. «Әлеге концессион килешүләр буенча 1 млрд 208,35 млн.сум шәхси инвестицияләр җәлеп итү планлаштырыла», - диде Фәрит Хәнифов.
Торак төзү программалары буенча 31 гыйнвар көненә республикада 207,2 мең кв. метр торак сафка кертелгән, ягъни планнан 7 %. Бу хакта бүген ТР Хөкүмәте Йортында ТР төзелеш, архитектура һәм ТКХ министры Фәрит Хәнифов хәбәр итте.
Киңәшмәне бөтен муниципаль районнар белән виеоконференцэлемтә режимында Татарстан Республикасы Президенты Рөстәм Миңнеханов үткәрде. Киңәшмә эшендә Татарстан Премьер-министры вазифаларын башкаручы Рөстәм Нигъмәтуллин катнашты.
Социаль ипотека программасы буенча 2020 елда 4 мең 970 фатирлык 273,6 мең кв. метр күләмендә 130 йортны сафка кертү планлаштырыла. 31 гыйнвар көненә статистику органнарына 5,2 мең кв. метрлы 108 фатирлык 10 йорт буенча мәгълүмат тапшырылган. Калган 120 объекттан 12 объект әзерлеге югары дәрәҗәдә, 61 объектта - уртача әзерлек, 47 объектта эшләр башланган гына.
Күп фатирлы инвестицион торак программасы буенча быел 177 күп фатирлы йортны сафка кертү көтелә. Гомуми мәйданнары - 1 млн. 317,2 мең кв. метр. 131,8 мең вк. метрлык 22 торак сафка кертелгән. Калган объектларның 69 якын арада сафка кертелә, 63 йортта төзелеш эшләре уртача дәрәҗәдә, 23 объектта түбән дәрәҗәдә.
Шәхси торак төзелеше өлкәсендә 2020 елда 1 млн. 388,2 мең кв. метрлык 10 мең 680 йортны сафка кертү планлаштырыла. 31 гыйнварга 540 йорт сафка кертелгән.
Гражданнарны торак белән тәэмин итүдә ярдәм программалары буенча 728 гаиләгә ярдәм каралган. Шуларның 600 - ятим балалар, алар саны 2019 елдагыдан икеләтә артык. Шулай ук 46 күп балалалы гаилә һәм башкаларны торак белән тәэмин итү көтелә.
Рөстәм Миңнеханов билгеләгәнчә, РФ Президенты билгеләгән бурычларны үтәү өчен бөтен резервларны кулланырга кирәк. Беренче чиратта комплекслы төзелешне үстерергә кирәк. ТР Президенты ассызыклаганча, бу юнәлештә юл төзелеше һәм әлеге территорияләрне кирәкле социаль инфраструктура белән тәэмин итү мәсьәләләрен дә алдан уйларга кирәк.
"Шәхси төзелеш өлкәсенең потенциалы зур, бу өлкәдә ничек күләмнәрне арттырып булуны уйларга кирәк. Моннан тыш, республикада тиешенчә теркәлмәгән шәхси торак йортлар бар. Хуҗаларына теркәү эшендә ярдәм итәргә кирәк һәм гомумән процедураны гадиләштерергә кирәк", - диде ТР Президенты.
Фәрит Хәнифов сүзләренчә, бу максаттан республикада ведомствоара эш төркемен оештыру карала.
Шулай ук 2020 елда 4,5 млн. кв. метрлык 788 күп фатирлы йортны капиталь ремонтлау планлаштырыла. Программада 40 муниципаль берәмлек катнаша.
Рәссәй Төзелеш министры урынбасары Максим Егоров ТКХ бердәм түләү системасын Татарстанның барлык регионнарына кертү темпларын югары бәяләде. «Татарстан бердәм түләү документын кертү өлешендә лидерларның берсе булып тора. Гомумән алганда, законнарга үзгәрешләр кертмичә эшләде, республика дәрәҗәсендә карар кабул ителде», — дип билгеләп үтте Егоров. Егоров Казанда «Татэнергосбыт» клиент офисының эше белән танышты, анда аңа Татарстанда ТКХ буенча бердәм түләүләрне гамәлгә кертүне тәкъдим иттеләр. «Без 1 мартта бөтен республика буенча ТКХ буенча бердәм түләү куячакбыз. Гыйнвар аенда без Саба районында, февраль аенда — Алабуга һәм Менделеевскида, март аенда — бөтен Татарстан буенча чыгарачакбыз», — дип белдерде компания директоры. Ул билгеләп үткәнчә, ТКХ өчен барлык түләүләр бер квитанция белән киләчәк, бу клиентларның вакытын да, кәгазьне дә янга калдырырга мөмкинлек бирәчәк.