ЯҢАЛЫКЛАР

Инспекциягә беркетелгән Зәй, Түбән Кама һәм Яңа Чишмә районнарында үткәрелә торган планлы һәм планнан тыш тикшерүләр Түбән Кама зонасы торак инспекциясе тарафыннан "Дәүләт контролен (күзәтчелеген) һәм муниципаль контрольне гамәлгә ашырганда юридик затларның һәм шәхси эшкуарларның хокукларын яклау турында" 2008 елның 26 декабрендәге 294 номерлы Федераль законны үтәү кысаларында гамәлгә ашырыла.

2019 елның беренче яртыеллыгында Түбән Кама зонасы торак инспекциясе тарафыннан гомуми мәйданы 5016,31 мең кв. м булган 298 күпфатирлы йорт тикшерелде, шул исәптән план буенча тикшерүләрдә – 29 йорт (гомуми мәйданы 312,014 мең кв.м.), планнан тыш тикшерүләрдә 4704,296 мең кв. м. булган 264 йорт каралды.

Барлыгы 834 бозу очрагы ачыкланды, шул исәптән торак фондын техник эксплуатацияләү һәм ремонтлау кагыйдәләре буенча – 704, торак биналардан файдалану кагыйдәләре буенча – 102, халыкны коммуналь хезмәтләр белән тәэмин итү дәрәҗәсе һәм режимы нормалары буенча – 28.

Ачыкланган җитешсезлекләрне бетерү өчен идарәче компанияләр һәм ТМШ адресына инспекция тарафыннан 332 күрсәтмә бирелде. Административ хокук бозулар турында 105 беркетмә төзелде, шул исәптән юридик затларга – 29, вазыйфаи затларга – 22, физик затларга – 54. Административ хокук бозулар турында Россия Федерациясе кодексының 19.5 ст. буенча күрсәтмәләрне билгеләнгән вакытта үтәмәгән өчен 11 беркетмә төзелде.

Гомуми суммасы 1 041 000 сумлык штраф салынды, шулардан ТКЗТИ тарафыннан салынганы – 387 000 сум, җәмәгать суды тарафыннан – 645 000 сум. 534 000 сумлык штраф түләнгән (салынган штрафлар суммасының 51,3%ы).

 2019 елның 1 яртыеллыгында Түбән Кама зонасы торак инспекциясе тарафыннан зарури норматив таләпләр бозылуны профилактикалауга юнәлдерелгән чараларны гамәлгә ашыру кысаларында идарәче компанияләр һәм ТМШ адресына зарури таләпләрне бозуга юл куймау турында 406 кисәтү кертелде, беренчел тикшерү уздыру кысаларында планнан тыш 74 тикшерү үткәрелде, юридик зат белән үзара бәйләнешкә кермичә 11 чара үткәрелде.

2019 елның 6 аенда идарәче компанияләр һәм ТМШлар тарафыннан Түбән Кама зонасы торак инспекциясе күрсәтмәләре буенча гомуми йорт милкен ремонтлау буенча 2 997, 590 мең сумлык эшләр башкарылган.

Бөгелмә зонасы торак инспекциясенә беркетелгән Азнакай, Бөгелмә, Баулы, Лениногорск, Ютазы районнарында 2019 елның 1 ярты елында инспекция инспекторлары тарафыннан торак фонды буенча уздырылган планнан тыш тикшерүләр барышында 3168,99 мең кв. м. мәйданлы 475 торак йорт каралды. Тикшерүләр барышында торак фондын техник эксплуатацияләү һәм ремонтлау кагыйдәләре, халыкны коммуналь хезмәтләр белән тәэмин итү дәрәҗәсе һәм режимы бозылуның 720 очрагы ачыкланды. Үткәрелгән тикшерүләр нәтиҗәсендә идарәче компанияләргә һәм физик затлар адресына 491 күрсәтмә бирелде, административ хокук бозулар турында 132 беркетмә төзелде, шул исәптән: юридик затларга – 3, вазыйфаи затларга – 20, физик затларга – 109. Гомуми 32 000 сумлык штраф санкцияләре белдерелде. Фактта штрафларның 334300 сумы түләнгән.

2019 елның 1 ярты елында Бөгелмә зонасы торак инспекциясенә караган Азнакай, Бөгелмә, Баулы, Лениногорск һәм Ютазы муниципаль районнарындагы гражданнардан торак фондын карап тотуның канәгатьләндерерлек булмавына һәм торак-коммуналь хезмәтләренең сыйфатсыз күрсәтелүе буенча 783 мәсьәләгә кагылышлы 716 мөрәҗәгать алынды. Карап тикшерү нәтиҗәләре хакында мөрәҗәгать итүчеләргә законнарда билгеләнгән тәртиптә хәбәр ителде, калган мөрәҗәгатьләр инспекция контролендә кала бирә.

Шулай ук "Дәүләт контролен (күзәтчелеген) һәм муниципаль контрольне гамәлгә ашырганда юридик затларның һәм шәхси эшкуарларның хокукларын яклау турында" 2008 елның 26 декабрендәге 294-ФЗ номерлы федераль закон нигезләмәләрен тормышка ашыру кысаларында, Бөгелмә зонасы торак инспекциясе тарафыннан юридик затлар белән бәйләнешкә кермичә 94 контрольлек чарасы уздырылды, законнардагы зарури таләпләрне бозуның ярамаганлыгы турында 66 кисәтү бирелде.

Идарәче оешмалар тарафыннан Бөгелмә зонасы торак инспекциясе күрсәтмәләре нигезендә 281,096 мең сумлык эшләр башкарылган.

Татарстан Республикасында 2019 елга күп фатирлы йортларга капиталь ремонт программасы буенча эшләр 2,7 млрд. сумга үтәлгән, бу 47,4% тәшкил итә. Барлыгы гомуми мәйданы 5,6 млн. кв. метр булган 942 күп фатирлы йортка капремонт ясау карала. Программаны финанслау күләме 5,8 млрд. сум.

Татарстанда Уңайлы шәһәр мохитен төзекләндерү югары дәрәҗәдә. Бу хакта КФУда «Уңайлы шәһәр мохите формалаштыру» темасына түгәрәк өстәл барышында шәһәр тирәлеген төзекләндерү мониторингы үзәге координаторы Павел Жбанов сөйләде. "Татарстанда Уңайлы шәһәр тирәлеген булдыру һәм төзекләндерү бурычларын хәл итү бик югары дәрәҗәдә тора дип әйтә алам. Республикада бу мәсьәләләр белән беренче генә көн шөгыльләнмиләр - бу стартап түгел", - дип билгеләп үтте Мәскәү архитектура институты проректоры. Шәһәр тирәлеген төзекләндерү буенча республика программасы «Торак һәм шәһәр тирәлеге» федераль илкүләм проектыннан иртәрәк башланды, һәм бу Татарстан шәһәрләренең инде тулаем төзекләндерелүе факторы булды, дип өстәде ул.

Бу ел Рәссәй өчен милли проектларны гамәлгә ашыру билгесе астында уза. Төбәкләр өчен илкүләм проектларны үтәү үсеш өчен җитди этәргеч булачак. Татарстан Республикасы өстенлекле тармакларга кагылышлы 49 федераль проектны гамәлгә ашыруда катнаша. Төбәк халкының тормыш сыйфатын яхшыртуга ярдәм итүче төп юнәлешләрнең берсе-төзелеш. Татарстанда 2011 елдан башлап 2 млн.400 мең кв. метрдан артык торак файдалануга тапшырыла, республика РФ һәм Идел буе федераль округы субъектлары арасында алдынгы урыннарны били.  2018 ел нәтиҗәләре буенча төбәктә 2 409,9 мең кв.м. торак файдалануга тапшырылган. Бу төзелеш оешмаларын эш белән тәэмин итәргә һәм төзүчеләр арасында конкуренцияне сакларга мөмкинлек бирде. 

үген Татарстан Республикасы Президенты Рөстәм Миңнеханов Татарстан Республикасы территориясендә эшләүче торак төзүче компанияләрне, эскроу счетлар кулланып, проектлы финанслауга күчерүгә багышланган киңәшмә уздырды. 

Киңәшмә ТР Хөкүмәте Йортында бөтен муниципаль районнар белән видеоконференция режимында узды. 

Рөстәм Миңнеханов искәрткәнчә, федераль дәрәҗәдә кабул ителгән карарлар буенча өлешләп күп фатирлы торак төзүгә гражданнар акчаларын 1 июнь көненнән бары эскроу счетлар кулланып кына җәлеп итәргә мөмкин. 

Республикада бу өлкәдәге вәзгыять турында ТР төзелеш, архитектура һәм ТКХ министры Ирек Фәйзуллин хәбәр итте. 

«2019 елның 1 июленнән күп фатирлы йортларны өлешкә кереп төзү өчен гражданнарның акчалары бары тик эскроу счетларны кулланып яки объект һәм төзелеш компаниясе РФ Хөкүмәте карары белән билгеләнгән критерийларга туры килгән очракта гына җәлеп ителә», - диде Ирек Фәйзуллин.

Министр хәбәр иткәнчә, 2019 елның 1 июленә республикада 87 төзелеш компаниясе теркәлгән, алар 230 күп фатирлы торак йорт сафка бастыра. Республикада 18 банкка эскроу счетлар кулланып проект финанславы буенча эшчәнлек алып бару хокукы бирелгән. Хәзерге вакытта эшне ун банк алып бара. 

Киңәшмә ахырында Рөстәм Миңнеханов төзелеш компанияләренең эскроу счетлар белән эшләүгә күчүенә бәйле Россиядә булган тәҗрибәне гомумиләштерергә тәкъдим итте. «Бүген эскроу счетларны куллану инде яшәү рәвешенә әверелеп бара. Төзүчеләр эшләргә, торак йортлар төзелергә тиеш, шунлыктан әлеге процесс өчен кирәкле барлык эшләрне дә башкарырга кирәк», - диде Миңнеханов. Ул банк вәкилләренең проект финанславы буенча төзелеш компанияләре белән хезмәттәшлек регламентын булдырырга кушты.

Объектны тантаналы шартларда ачып, район башлыгы билгеләп үткәнчә, бу авыл җирлеге халкын көтә торган барлык яхшы үзгәрешләр түгел. Шулай ук юлны төзекләндерү планлаштырыла. Бу хакта Якушкинолылар көчле алкышлар белән каршы алдылар. Ел саен безнең районда 20гә якын яңа корылма һәм капиталь ремонттан соң ачыла. Әмма бу үзенчәлекле. Казанда шундый заманча мәйданчыклар төзелә. Хәзер, Президент программасы ярдәмендә, ул сезнең авылда да булачак, – диде Алмаз Сәлим улы.  Шул ук вакытта заманча, төзекләндерелгән, күп функцияле спорт комплексы үзләренә дистәләгән кызыклы балалар карашын тоткан. Мәктәп укучылары беренче сыйныф укучыларыннан чыгарылыш сыйныф укучыларына кадәр инде тренажерларда көч сынап карау, турникта тартылу яки яңа кәчелләрдә булу мизгелләрен генә көткәннәр иде. Һәм бу биредә урнаштырылган спорт һәм уен җиһазларының аз өлеше генә.

Бу аның халкы өчен зур һәм шатлыклы вакыйга. Элек фельдшер-акушерлык пункты җайлаштырылган бинада иде бит, яшьтәше аның мөдире Марина Гришина дисәк тә була. Хәзер аның пациентлары яхшы заманча шартларда һәм яңа җиһазларда беренче медицина ярдәмен алачаклар. Ә алар аз түгел инде, мең ярымга якын авыл кешесе, шуларның 74е – 18 яшькә кадәрге балалар. Тиздән бу исәп артачак: бүгенге көндә Аксумлы бер хатын-кыз йөклелек буенча исәптә тора. Узган ел биредә 5 бала туган. Мондый демографик күрсәткечләр район башлыгы Алмаз Әхмәтшинны сөендерми кала алмады. Пунктны җиһазландыру белән танышканда, ул авыл кешеләренең игътибарын сабыйларны үлчәү өчен электрон үлчәүләргә юкка гына юнәлтмәде. «Алар эшсез тормасыннар, һәрвакыт эштә булсын»,- дип изге теләкләрен җиткерде ул. Алмаз Сәлим улы шулай ук биредә пациентлар булу һәм белгечләрнең эше өчен уңайлы шартлар тудырылуын билгеләп үтте. Барысы да вак-төяккә, кайнар су белән тәэмин итүдән, санитария бүлмәләреннән аз хәрәкәт итүче гражданнар өчен уңайлы мохит нормасына кадәр уйланылган һәм гамәлгә кертелгән.

Дәүләт төзелеш күзәтчелеге инспекциясе 2019 елның алты аенда 702 тикшерү үткәргән. Хокук һәм нормаларны бозу өчен 5 млн. 955 мең сумга 154 карар чыгарылган. Үзлегеннән җайга салынучы оешмалар тарафыннан 597 тикшерү үткәрелгән. 

Бүген бу хакта Татарстан Республикасы Хөкүмәте Йортында узган республика киңәшмәсендә ТР төзелеш, архитектура һәм ТКХ министры Ирек Фәйзуллин хәбәр итте.

Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Анда шулай ук Татарстан Республикасы Премьер-министры  Алексей Песошин да катнашты.

Министр хәбәр иткәнчә, 28 июнь көненә республикада 1  млн. 408,4 мең квадрат метр торак сафка кертелгән, бу планның 58 % тәшкил итә.

ТР Дәүләт торак фондының инвестиция программасы буенча 2019 елда 7 мең 838 фатирлы 165 йорт сафка бастыру күздә тотыла, аларның гомуми мәйданы 438,3 мең квадрат метр тәшкил итә. 28 июньгә статистика органнарына 46 йорт (2 мең 494 фатир) буенча хисап тапшырганнар. Төзелә торган 119 йортның 59ы – югары, 23е – уртача, 37се түбән әзерлек дәрәҗәсендә.

Бүгенге көндә программада катнашкан 33 күпбалалы гаиләнең (алар биш һәм аннан да күбрәк бала тәрбияли) барысына да аерым категория гражданнарның торак шартларын яхшырту өчен сертификатлар рәсмиләштерелгән. Сертификат рәсмиләштерелгән гражданнар арасында шулай ук 21 чернобыльче, Ерак Төньяктан күчеп кайткан бер кеше һәм күченергә мәҗбүр булган 18 кеше бар.

Хәзерге вакытта төзелә торган 59 күпфатирлы инвестицион торак йортның 30ы – югары, 26сы – уртача, 3се түбән әзерлек дәрәҗәсендә.

Татарстанда шәхси торак төзелеше өлкәсендә 2019 елда планлаштырылган 7 мең 325 объектның 4 мең 723е файдалануга тапшырылган.

Авыл клубларын төзү программасы буенча эшләр 21 объектта алып барыла. Өчесендә нигез салына, бишесендә диварлары төзелә, җидесендә түбә корыла, алтысында эчке төзекләндерү эшләре алып барыла. 

Башкарма комитетлар (Советлар) биналарын төзү программасы буенча 10 объектта эшләр дәвам ителә. Бер объект сафка кертелгән. 

Фельдшер-акушерлык пунктларын төзү программасы буенча 45 объекттан берсе сафка кертелгән. 9 табиблар амбулаториясе төзелә. Казандагы Константиновка авылында гомуми практика табибы офисы төзелә. 31 универсаль спорт мәйданчыгы 20 муниципаль районда төзелгән. Алты объект блок-модуль чаңгы базаларын төзү программасы буенча алып барыла. 

Яслиле балалар бакчаларын төзү кысаларында 2 объектта эшләр тәмамланган - Арча һәм Тукай районнарында. 27 объектта эш дәвам итә. 

18 катлы яңа бинада социаль ипотека программасында катнашучылар һәм Татарстан Президенты грантын алган табиблар яшәячәк.

Иртән Казанның “Салават күпере” торак комплексында Әлфия Авзалова урамы, 15 йорт адресы буенча яңа йорт файдалануга тапшырылды. Социаль ипотека программасында катнашучылар, 500 мең сум күләмендә  махсус грант алган табиблар, шулай ук Бөек Ватан сугышы ветераннары үз фатирларыннан ачкычлар алды.

18 катлы яңа йорт 5 подъездлы, аларның һәркайсы пассажир һәм йөк лифты белән җиһазландырылган. Бу бик мөһим, чөнки йортта күпбалалы гаиләләр яшәячәк. Күп катлы йортларда барлыгы 425 фатир бар, шуларның йөздән артыгы — өч бүлмәле.

Йортта шулай ук кечерәк мәйданлы фатирлар бар. Аларның 150дән артыгы ике бүлмәле һәм 170 фатир - бер бүлмәле. Барлык фатирлар да яшәргә тулысынча әзер.

“Салават күпере” торак комплексында 32 йорт файдалануга тапшырылган, тагын 12 йорт төзелә. Аларның күп өлешен ел ахырына кадәр файдалануга тапшыру планлаштырыла.