ЯҢАЛЫКЛАР
2020 ел нәтиҗәләре буенча Татарстан алданган өлешчеләргә ярдәм күләме буенча лидерлар рәтендә. Бу хакта ТР Хөкүмәте йортында брифингта Татарстан Премьер-министрының беренче урынбасары Рөстәм Нигъмәтуллин сөйләде.
Беренче вице-премьер билгеләгәнчә, Татарстан Президенты ярдәмендә республикада алданган өлешчеләр проблемасын хәл итү буенча планлы эшләр алып барыла. “2020 елда бу эш дәвам итте. Республика программасы буенча 398 алданган өлешченең хокуклары кире кайтарылды, 990 млн сумга 7 проблемалы йорт тапшырылды”, - дип хәбәр итте ул.
Рөстәм Нигъмәтуллин сүзләренчә, эшләрнең төп күләме берничә төзүче оешма өлешчеләре тирәсендә барды. Сүз “Свей”, “Фон”, “Стройком” компанияләре турында бара. 2021 елда әлеге фирмаларның өлешчеләре проблемасы тулысынча хәл ителәчәк, дип ышандырды ул.
Ул ел азагына Татарстандагы барлык проблемалы объектларны төзеп бетерү бурычы куелуына басым ясады.
Россиядә алданган өлешчеләргә дәүләт ярдәме белән фатир бирүне чикләү ихтималы федераль дәрәҗәдә карала.
Бу турыда Татарстанның Алданган өлешчеләргә ярдәм фонды директоры Иван Новиков белдерде.
“Билгеле булганча, проблемалы объектларда еш кына күп фатирлар инвесторларныкы. Алар я юридик затлар, я алга таба сату өчен торак алган кешеләр”, - диде спикер.
“Проблемалы объектларны төзеп бетерү өчен бюджет акчасы тотылу сәбәпле, гамәлдәге законга үзгәрешләр кертү һәм өлешчеләргә чикләнгән күләмдә фатир бирү варианты федераль дәрәҗәдә карала”, - дип өстәде Иван Новиков.
Аның фикеренчә, әлеге мәсьәлә кертемнәрне иминләштерү схемасы кебек эшләргә тиеш. Ягъни, ул өлешчегә ярдәм нигезендә тапшырылырга тиешле мәйданны билгеләп, калган өлешен эшмәкәрлек рискы буларак бәяләүне күздә тота.
Бүгенге көндә республикада күп фатирлы йортларның 41%ы эскроу-счетларсыз төзелә.
Бу хакта Татарстанның төзелеш, архитектура һәм торак-коммуналь хуҗалык министры урынбасары Илшат Гыймаев хәбәр итте.
“Бездә төзелеш мәйданының 41%ы иске кагыйдәләр буенча төзелә. Бу – 800 мең кв. метр тирәсе. Калган 59%ы эскроу-счетлар белән проект финанславы аша төзелә”, - дип билгеләде ул.
Министр урынбасары сүзләренчә, проект финанславыннан башка төзелгән биналар да республика хакимияте контролендә тора. Ул Татарстанда киләчәктә алданган өлешчеләр проблемасы килеп чыкмас дип ышандырды.
Татарстан Республикасында агымдагы 2021 елда 2 млн. 670 мең кв. метр торак төзү планлаштырыла. 2021 елның 16 гыйнварына 105 мең кв.м (планның 3,9%ы) файдалануга тапшырылган. Бүген бу хакта Татарстан Республикасы Хөкүмәте Йортында узган республика киңәшмәсендә Татарстан Республикасы төзелеш, архитектура һәм ТКХ министры Марат Айзатуллин хәбәр итте. Ул шулай ук искә төшергәнчә, иң мөһим юнәлеш, бигрәк тә республикага ун еллык перспективага куелган бурычлар буенча – торак төзелеше.
Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Киңәшмәдә ТР Премьер-министры Алексей Песошин та катнашты.
Татарстан Республикасы Төзелеш министрлыгы башлыгы хәбәр иткәнчә, социаль ипотека программасы буенча Татарстан Республикасы Президенты каршындагы Дәүләт торак фонды тарафыннан 280,5 мең кв. метрга инвестиция программасы алдан формалаштырылган.
Бүгенге көндә 49 мең кв. метр мәйданда 6 йорт файдалануга тапшырылган.
Коммерция төзүчеләре быел күп фатирлы 164 йорт тапшырырга тиеш, аларның гомуми мәйданы 1 миллион 265,3 мең кв. м. тәшкил итә.
157 объектның төзелеш стадиясе түбәндәгечә: 40 йорт әзер диярлек (70% -100%), уртача әзерлектә - 49 йорт (30% -70%), 68 йортта (0% -30%) эшләр күп әле.
Шәхси торак төзелеше программасы буенча 2021 елда 1 миллион 124 мең кв. метр мәйданда 8 мең 330 йорт төзү һәм файдалануга тапшыру планлаштырыла.
Марат Айзатуллин аерым категория гражданнарны торак белән тәэмин итү программаларын гамәлгә ашыру турында сөйләде. Әлеге программалар кысаларында 738 гаилә торак алачак. Бу шул исәптән 636 ятим бала, 45 күп балалы гаилә, 48 яшь гаилә, шулай ук мәҗбүри күченүчеләр, Ерак Төньяктан күчеп килүчеләр һәм чернобыльчеләр арасыннан 9 граждан.
«Татарстан Республикасы ТКХ сферасында иҗтимагый контроль региональ үзәге» КП күпфатирлы йортларның милекчеләре һәм советлары өчен торак-коммуналь хуҗалык мәсьәләләре буенча бушлай укыту курслары башлап җибәрә. Курсларның төп темалары: 1. 2021 елда законнарны үзгәртү. 2. Күпфатирлы йорт белән идарә итү. 3. КФЙда гомуми милек. 4. ТКХ өчен тарифлар. 5. Торак милекчеләре җыелышы. 6. КФЙ капиталь һәм агымдагы ремонт. 7. КФЙда энергияне саклау. 8. ТКХ өлкәсендә кулланучылар хокукларын яклау. Курсларга язылу 8 (843) 236-29-97 телефоны буенча яки электрон почта аша башкарыла: obcontrolrt@mail.ru
Гаризаны РФ архитекторлар сайтында 11 гыйнварның Мәскәү вакыты белән 11:00дән 25 гыйнварның 23:59 сәгатькә кадәр тапшырырга мөмкин. Архитекторы.рф - архитектура һәм шәһәр төзелеше өлкәсендә белгечләр өчен профессиональ үсешнең түләүсез лидерлык программасы. Программада катнашу өчен архитекторлар, проектлаучылар, шәһәр төзүчеләре һәм шәһәр йөзе өчен җавап бирүче дәүләт хезмәткәрләре чакырыла. Гаризаны 45 яшькә кадәр белгечләр, югары профильле белем һәм тармак белгече яки дәүләт хезмәткәрләренең бер елдан да ким булмаган эш тәҗрибәсе булган белгечләр, шулай ук дәүләт өлкәсендә агымдагы эш шартларында кимендә ике ел дәвамында тәмамланган югары профильле белемсез дәүләт хезмәткәрләре тапшыра ала. Эксперт жюри сайлаган 100 финалистның исемнәре март уртасында билгеле булачак. Архитекторы.рф һәм «Шәһәр практикасы» программалары һәм гаризалар бирү шартлары турында тулырак мәгълүматны Архитекторы.рф сайтында табарга мөмкин.
Татарстан Республикасында күп фатирлы 198 йорт төзелә, бу – 2 млн кв. метр инвестицион торак. Шул ук вакытта, әлеге күләмнең төп өлеше (59%) эскроу-счетлар кулланып сафка бастырыла.
Бу хакта ТР Хөкүмәте йортында узган республика киңәшмәсендә ТР төзелеш, архитектура һәм ТКХ министры Марат Айзатуллин хәбәр итте.
Хөрмәтле хезмәттәшләр!
Сезне чын күңелдән якынлашып килүче яңа 2021 ел белән котлыйм.
Татарстан башкаласында 340 урынга исәпләнгән ике балалар бакчасы төзелешен төгәлләделәр. Яңа мәктәпкәчә учреждениеләр Серов-Баруди урамында һәм Константиновка авылында («Светлая долина» ТК) урнашкан. Казан шәһәре буенча территориаль орган инспекторлары мәгариф объектларында тикшерү чаралары комплексын төгәлләделәр. Күзәтчелек органы белгечләре тарафыннан янгын куркынычсызлыгы таләпләрен, санитар-эпидемиологик нормаларны үтәү, төзелеш-монтаж эшләрен башкару, инженерлык челтәрләрен монтажлау һәм янәшәдәге территорияне төзекләндерү буенча мәктәпкәчә учреждениеләр мониторингы үткәрелде. Йомгаклау тикшерүләре нәтиҗәләре буенча мәктәпкәчә учреждениеләр Татарстан Республикасы Дәүләт төзелешен күзәтү инспекциясенең Проект документлары таләпләренә туры килү-килмәү турындагы уңай бәяләмәсен алдылар. Территориядә уен мәйданчыклары, күләгә түтәлләре урнашкан, төзекләндерү эшләре башкарылган. Төзелеш «Демография» милли проекты кысаларында башкарылды.
Тәмамланып килүче елда республикада 9 тармакта 50 дәүләт программасы гамәлгә ашырылган. Аларның гомуми күләме - 54 млрд. сумнан артык. Бүген бу хакта Татарстан Республикасы Хөкүмәте Йортында узган республика киңәшмәсендә Татарстан Республикасы төзелеш, архитектура һәм ТКХ министрының беренче урынбасары Алексей Фролов хәбәр итте. Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Киңәшмәдә ТР Премьер-министры Алексей Песошин катнашты
Торак тапшыру мәсьәләсе буенча Алексей Фролов хәбәр иткәнчә, 2020 елда Россия Төзелеш Министрлыгының төзәтелгән күрсәткечләре кысаларында 2 млн 680 мең 100 квадрат метр торак төзелгән. Бу, узган ел белән чагыштырганда, 4 мең 600 кв.метрга күбрәк.
Аерым категория гражданнарны торак белән тәэмин итү программасы кысаларында 605 гаилә торак шартларын яхшыртты. 2020 елга план буенча барлыгы 716 гаилә исәпләнә. Ятим балаларга торак бирү буенча барлык 600 торак бина Дәүләт торак фонды тарафыннан җир һәм мөлкәт мөнәсәбәтләре министрлыгына тапшырылды. Программаның 489 катнашучысы найм килешүе төзегән инде. Калган 111 торак алучы аларны ел ахырына кадәр төзиячәкләр.
Алексей Фролов социаль-мәдәни өлкә объектларын төзү һәм капиталь ремонтлау программаларын гамәлгә ашыру турында аерым сөйләде. Татарстанлыларның социаль иминлеге ягыннан иң мөһимнәрдән берсе - "Мәгариф" тармагында тормышка ашырыла торган программалар. 2020 елда мондый программалар бишәү булган. Узып баручы елда 463 мәгариф объекты капиталь ремонтланды һәм 22 яңа балалар бакчасы төзелде.
Сәламәтлек саклау өлкәсендә ике программа тормышка ашырылган. 43 ФАП һәм 7 табиб амбулаториясе төзелде, Биектау районында гомуми практика табибы офисы төзелеп килә. 14 медицина стационары ремонтланды. Программалар белән барлыгы 85 сәламәтлек саклау объекты колачланган.
«Яшьләр сәясәте» өлкәсендә гамәлгә ашырыла торган өч программага 35 объект кертелгән. Бүгенге көндә 13 балалар сәламәтләндерү лагере төзелде, реконструкцияләнде һәм ремонтланды. 5 яшьләр үзәге һәм 15 яшүсмерләр клубы капиталь ремонтланды.
«Спорт» тармагында ике программа тәмамланган. 86 универсаль спорт мәйданчыгы, 6 модульле чаңгы базасы һәм ябык футбол манежы төзелде. Капиталь ремонт программасы буенча аңа кертелгән 23 объект тулысынча ремонтланган.
Авыл хуҗалыгында 9 программа тормышка ашырылган - ике төзелеш һәм 7 капиталь ремонт программасы. Барлыгы-502 объект.
«Мәдәният» тармагында 3 программа гамәлгә ашырылган. 12 авыл клубы төзелде. Капиталь ремонт программасы кысаларында мәдәни билгеләнештәге 37 объект һәм 8 мәдәният учреждениесе ремонтланды.
Моннан тыш, 140 объект башка социаль программалар кысаларында төзелгән яки ремонтланган. Аерым алганда, халыкка комплекслы хезмәт күрсәтү буенча 21 блок-модуль пункты һәм 11 җирлек советлары бинасы төзелде. Авыл җирлекләре Советларының 21 бинасы, 7 муниципаль архив, 14 урманчылык бинасы, 37 социаль хезмәт күрсәтү бинасы, Нацгвардия гаскәрләре федераль хезмәтенең республика идарәсе 14 объекты һәм ТР буенча Эчке эшләр министрлыгы карамагындагы 2 бина капиталь ремонтланды.
2020 елда «Уңайлы мохит» программасын гамәлгә ашыру дәвам итте. 12 мәгариф объекты җайлаштырылган, шул исәптән 5 мәктәп, 5 балалар бакчасы һәм ике өстәмә белем бирү объекты.
2020 елда торак-коммуналь хуҗалык тармагын камилләштерү буенча системалы эш дәвам ителде. Биредә 8 программа тормышка ашырылган. Алар арасында иң зурысы-күп фатирлы йортларны капиталь ремонтлау программасы. Аның финанс күләме 6 млрд 473 млн сум тәшкил итә. 2020 ел программасына 1 мең 63 йорт кертелгән. Дәүләт торак инспекциясе тарафыннан барлык йортлар да кабул ителде.
2020 елда республикада инженерлык системаларын модернизацияләүнең 5 программасы гамәлдә, алар кысаларында 153,5 км суүткәргеч челтәр, 28 су башнясы, 21 артезиан скважинасы, 14 км газүткәргеч төзелгән. 65 социаль билгеләнештәге объектларда 138 Казан, 537 торак пунктта 12 мең 715 яктырткыч, 252 км үзлегеннән изоляцияләнгән үткәргеч алмаштырылган. 1 мең 353 фатир индивидуаль җылытуга күчерелгән. 26 су бүлү объекты һәм канализация челтәрләре ремонтланды.
Шулай ук 2020 елда Татарстанда уңайлы шәһәр мохитен формалаштыру буенча масштаблы чараларны гамәлгә ашыру дәвам итте. 61 иҗтимагый киңлек объекты төзекләндерелде. Программа төгәлләнде.
2019 һәм 2020 елларда кече шәһәрләрдә җиңүчеләр конкурсы кысаларында Мамадыш, Баулы, Зәй һәм Лаеш шәһәрләрендә 4 объект төзекләндерелде.
Бүген Казанда «Чулпан» (Җиңү проспекты, 48а) яңа мәдәни үзәк ачылды. Тантаналы чарада Татарстан Республикасы Президенты Рөстәм Миңнеханов һәм Казан мэры Илсур Метшин катнашты.
Бина 1992 елда кинотеатр буларак төзелгән. Өч елдан соң ул мәдәни үзәк итеп үзгәртелә. Масштаблы реконструкция узган елның апрелендә башланды. Төзелеш-монтаж эшләре тәмамланганнан соң, мәдәният үзәгендә уңайлы һәм заманча репетиция зоналары барлыкка килгән, кирәкле җиһазлар белән җиһазландырылган, 450 кешегә исәпләнгән заманча тамаша залы, идәндә махсус амортизация өслеге булган 4 хореография сыйныфы һәм башкалар бар.
Рөстәм Миңнеханов яңартылган үзәк бүлмәләрен карап чыкты һәм башкарылган эшләрнең сыйфатын югары бәяләде. «Әлеге мәдәни үзәкне ачу ТАССР оешуга 100 ел тулуга багышланган. Объектны реконструкцияләүдән тыш, якындагы территорияне төзекләндерүгә аерым игътибар бирелде. Бу үзәк җирле халыкның яраткан ял итү урынына әверелер, ә иҗат коллективлары безне үз чыгышлары белән куандырыр дип ышанам», - дип билгеләп үтте ТР Президенты.
Элек мәдәни үзәктә 2 репетиция залы гына булган иде, биредә 350 кеше шөгыльлгән. Реконструкциядән соң учреждениенең үткәрү сәләте ике тапкыр – 700 кешегә кадәр артты.
Аннары Рөстәм Миңнеханов Идел буе районының «Чулпан» үзәге белән янәшә урнашкан Яңа ел мәйданчыгын карады. Татарстан Президенты казанлыларны якынлашып килүче 2021 ел белән котлады һәм яңа объектларга сакчыл карарга өндәде. «Быел без Казанда берничә яңа мәдәният объектын ачтык. Без аларның барысына да халык арасында ихтыяҗ булуына бик шат", - дип өстәде Татарстан Президенты.
Конкурс 2007 елдан башлап ел саен җиде категориядә үткәрелә.