ЯҢАЛЫКЛАР

Халыкара балаларны яклау көне алдыннан, традиция буенча, ТР Төзелеш, архитектура һәм ТКХ Министрлыгында рәсем конкурсы булды. Ведомство хезмәткәрләренең балалары актив катнаштылар, рәсемнәр күргәзмәсе матур һәм кызыклы килеп чыкты. Барыгызга да ныклы сәламәтлек, тынычлык һәм иминлек телибез! Сезнең йортларда көн саен күңелле балалар көлүе яңгырасын! Бәйрәм белән!

Татарстан Республикасында 2018 елда җылылык бирү чоры 2019 елның 21 сентябрендә башланды һәм 13 майда төгәлләнде. Барлыгы 235 көн. Бүген бу хакта Татарстан Республикасы төзелеш, архитектура һәм ТКХ министры Ирек Фәйзуллин Татарстан Республикасы Министрлар Кабинетының 2018/2019 ел җылылык бирү чорына Татарстан Республикасының җылылык-энергетика һәм торак-коммуналь оешмаларының һәм комплексларының эш йомгаклары һәм 2019/2020 ел җылылык бирү чорына әзерлек бурычларына багышланган утырышында хәбәр итте.   

Утырышны Татарстан Республикасы Премьер-министры Алексей Песошин уздырды.

Утырышта Татарстан Республикасы Президенты Рөстәм Миңнеханов, Татарстан Республикасы Президенты, Татарстан Республикасы Дәүләт Советы, Татарстан Республикасы Министрлар Кабинеты аппаратлары хезмәткәрләре,  республика министрлыклары һәм ведомстволары, федераль дәүләт хакимияте структураларының территориаль органнары җитәкчеләре, шулай ук республика муниципаль берәмлекләре башлыклары, торак-коммуналь комплекс оешмалары җитәкчеләре катнашты.

Ирек Фәйзуллин билгеләп үткәнчә, җылы иң беренче чиратта социаль өлкә  объектларына (балалар бакчаларына, мәктәпләргә, сырхауханәләргә, поликлиникаларга) һәм торак фондына бирелде.  

Республикада җылы бирү чоры башланганчы торак фондын һәм коммуналь өлкә объектларын әзерләү буенча зур эш башкарылды, бу энергия ресурслары белән өзлексез тәэмин итәргә ярдәм итте, диде Ирек Фәйзуллин.

Ирек Фәйзуллин хәбәр иткәнчә, җылылык бирү чоры эре аварияләрдән башка узды, әмма вакытлыча туктатып тору очраклары булды, шулай да кешеләр җылысыз калмады. 

2018/2019 еллар чорында коммуналь челтәрләрдә 246 авариягә бәйле туктатып тору булды, бу 2017/2018 еллар чорына караганда 8гә артык.

Ирек Фәйзуллин хәбәр иткәнчә, республикада 13 мең 697 газлаштырылган күп фатирлы йорт бар, бу күп фатирлы йортларның 80,3%ын тәшкил итә.

2018 елда республикада торак йортларда газ җайланмаларын кулланган вакытта 22 гадәттән тыш очрак булды - 11 кеше һәлак булды, 41 кеше зыян күрде. 2019 елда яну газы белән 26 агулану очрагы булды, 7 кеше һәлак булды (шул исәптән 3 бала), 54 кеше зыян күрде (шул исәптән 21 бала).

2019/2020 ел җылылык бирү сезонына әзерлекнең төп бурычларыннан берсе – социаль-мәдәни объектларның 2019 елның 15 сентябренә кадәр әзерлек паспортларын рәсмиләштерүне, кулланылган энергия ресурслары өчен вакытында түләүне һәм сезон башланганчы кредит бурычларын түләүне тәэмин итү.

Татарстан Республикасы Президенты Рөстәм Миңнеханов утырыш барышында яңа җылылык бирү сезонына әзерлеккә аерым игътибар бирергә кушты. Аеруча сәнәгать объектларының кышкы чорга әзерлеген тәэмин итү мөһим, диде ул. «Энергетика хуҗалыгы, торак фонды, газ белән тәэмин итү системаларының торышы – барлык бу хезмәтләр эшенең нормаларга туры килүе, - дип белдерде Рөстәм Миңнеханов. – Яну газы белән агулану очраклары күпме! Без җитди бәя бирергә тиеш боларга».

Рөстәм Миңнеханов шулай ук хәбәр иткәнчә, республикада Татарстан Республикасы Иминлек советы утырышына әзерлек бара, анда бу барлык мәсьәләләр каралачак. Барлык җылылык-, энергия-, газ белән тәэмин итү системаларының яңа җылылык бирү чорына әзерлеге мәсьәләләрен комплекслы карарга кирәк. 

Утырышка йомгак ясап, Рөстәм Миңнеханов хәбәр иткәнчә, барлык әйтелгән тәкъдимнәрне әйбәтләп карарга кирәк. Төп бурыч – 15 сентябрьгә әзерлек  паспортын алырга. Без җылылык бирү чорына әзерлекнең барлык программаларын да игътибар белән карарга тиеш, диде Татарстан Республикасы Президенты.

Бүген Татарстан Республикасы Министрлар Кабинеты утырышында 2018/2019 ел җылылык бирү чорына Татарстан Республикасының җылылык-энергетика һәм торак-коммуналь оешмаларының һәм комплексларының эш йомгаклары һәм 2019/2020 ел җылылык бирү чорына әзерлек бурычлары турында фикер алыштылар.  

Утырышны Татарстан Республикасы Премьер-министры Алексей Песошин уздырды.

Утырышта Татарстан Республикасы Президенты Рөстәм Миңнеханов, Татарстан Республикасы Президенты, Татарстан Республикасы Дәүләт Советы, Татарстан Республикасы Министрлар Кабинеты аппаратлары хезмәткәрләре,  республика министрлыклары һәм ведомстволары, федераль дәүләт хакимияте структураларының территориаль органнары җитәкчеләре, шулай ук республика муниципаль берәмлекләре башлыклары, торак-коммуналь комплекс оешмалары җитәкчеләре катнашты.

Утырышны ачып, Алексей Песошин хәбәр иткәнчә: соңгы елларда көзге-кышкы чорның нормаль эш режимында узуы – муниципаль районнар җитәкчеләренең дә, шулай ук җылылык-энергетика станцияләренең, казаннарның һәм барлык торак-коммуналь комплексның әзерлеге өчен җааплы предприятиеләрнең һәм оешмаларның бу эшкә тулысынча җаваплы мөнәсәбәтләре нәтиҗәсе. 

Тулаем муниципаль берәмлекләр торак һәм социаль өлкә объектларына җылылык бирүне үз вакытында гамәлгә ашырдылар.  

Татарстан Республикасы бюджетыннан авария-техник запасны тулыландыруга авария-техник фондына 80,4 млн. сум акча кергән. Шул чорда 32,5 млн. сум тотылган.

Коммуналь хуҗалык системасын гадәттән тыш хәлләрдә электр энергиясе белән өзлексез тәэмин итү өчен, шулай ук бу очракларда мөһим объектларда электр энергиясе бирүне торгызу өчен Татарстан Республикасы Төзелеш, архитектура һәм ТКХ министрлыгы ТКХ предприятиеләре базасында 4 зона склады булдырган – Казан, Чистай, Нурлат шәһәрләрендә, Әлки авылында.

Дәүләт торак инспекциясе бу чорда 1 626 торак-коммуналь хуҗалык объектын тикшергән, 1 128 күрсәтмә бирелгән.

45 муниципаль берәмлектән 37се әзерлек паспорты алган. Казан шәһәре, Алькеевск, Аксубай, Зеленодольск, Тәтеш, Нурлат, Югары Ослан, Әлмәт  муниципаль районнары бу паспортларны билгеләнгән вакытта ала алмаганнар.

Төп нотык белән Татарстан Республикасы төзелеш, архитектура һәм ТКХ министры Ирек Фәйзуллин чыгыш ясады.

Утырышта тагын Федераль экологик, технологик һәм атом күзәтчелеге хезмәтенең Идел буе идарәсе җитәкчесе Борис Петров, «Татэнерго» АҖ генераль директоры Рәүзил Хаҗиев, «Сетевая компания» ААҖ генераль директоры Илшат Фәрдиев, Казан шәһәре Башкарма комитеты җитәкчесе Денис Калинкин чыгыш ясады.

Кышкы чорда күп фатирлы йортларны эксплуатацияләүгә әзерлек турында Татарстан Республикасы Дәүләт торак инспекциясе башлыгы Сергей Крайнов сөйләде.

Бүген Татарстан Республикасы Президенты, эш төркеме җитәкчесе Рөстәм Миңнеханов «Россия Федерациясендә торак төзелешен һәм уңайлы шәһәр тирәлеген үстерү турында»гы мәсьәлә буенча Россия Федерациясе Дәүләт Советының эш төркеме нең чираттагы утырышын уздырды.  

Утырыш Мәскәүдә узды.

Утырышны ачып, Рөстәм Миңнеханов искәрткәнчә, эш төркеме бу мәсьәләне шул исәптән Россия Президенты Владимир Путинның Россия Федерациясе Дәүләт Советы президиумының 2019 елның февралендә Казанда узган «Россия Федерациясе субъектлары башкарма хакимият органнарының халыкның тормыш шартларын яхшыртуга һәм уңайлы шәһәр тирәлеген формалаштыруга юнәлгән эше турында»гы мәсьәлә буенча киңәйтелгән утырышы нәтиҗәләре  буенча бирелгән йөкләмәләрен үтәү йөзеннән дә карый.

Бүген эш төркеме әгъзалары быел 1 июльдән торак төзелешендә катнашучыларның, эскроу-счетлар кулланып, проект финанславы системасына күчү мәсьәләсен карады.

Экспертлар фикеренчә, эскроу-счетлар ачып, төзелеш алып баручыларны проект финанславы системасына күчерү темасы бик актуаль.  

Рөстәм Миңнеханов фикеренчә, бүген проект финанславы системасына күчүне оптимальләштерү өчен әлеге ситуация буенча Россия Федерациясе Төзелеш министрлыгы, Россия Федерациясе субъектлары башлыклары белән бергә фикер алышырга кирәк. 

Рөстәм Миңнеханов шулай ук искәрткәнчә, Россия Федерациясе Президенты В.В.Путинның җәмәгатьчелек вәкилләре белән очрашуы йомгаклары буенча (2019 елның феврале) эш төркеменә фикер алышу өчен берничә йөкләмә бирелгән (Пр-754 от 30.04.2019). Аерым алганда, йөкләмәләрнең берсе – экспертлар берлеге вәкилләрен җәлеп итеп, гражданнарның шәһәр тирәлеген үстерүдә катнашулары мөмкинлеген арттыру.   

«Җәмәгать киңлекләрен үстерү темасы бик мөһим», - диде Рөстәм Миңнеханов. Ул хәбәр иткәнчә, Татарстан Республикасында җаваплы ведомстволарга җәмәгать киңлекләрен барлау йөкләмәсе бирелгән. Оптималь форманы билгеләргә, чыгымнарны исәпләп чыгарырга кирәк, диде Рөстәм Миңнеханов.

Моннан тыш, Рөстәм Миңнеханов билгеләп үткәнчә, бүген шулай ук гражданнарга җәмәгать киңлекләрен үстерү өлешендә аңлату эшләре дә алып бару мөһим.

Утырышта Россия Төзелеш һәм торак-коммуналь хуҗалыгы министры урынбасары Максим Егоров, «Банк ДОМ.РФ» АҖ идарәсе рәисе, «ДОМ.РФ» АҖ генераль директоры урынбасары Артём Федорко, Россия Төзелеш һәм торак-коммуналь хуҗалыгы министры урынбасары Никита Стасишин да чыгыш ясады.

Бүген Төзелеш министрлыгы кураторлыгы астында узган киңәйтелгән киңәшмәдә базарда катнашучылар төзелеш тармагын проектлы финанслауга күчүнең актуаль мәсьәләләре турында фикер алыштылар. Төзелеш министрлыгы аңлату эшчәнлегенә аерым игътибар бирә. Банклар, төзүчеләр һәм өлешләп төзү өлкәсендә контроль (күзәтчелек) буенча вәкаләтле органнар вәкилләре катнашында эшлекле очрашулар, киңәшмәләр даими үткәрелә. Быелгы утырыш мондый төрдәге исәп буенча өченче чара булды. Чыгыш барышында министр урынбасары Илшат Гимаев, төзүчеләргә мөрәҗәгать итеп: закон белән билгеләнгәнчә, 2019 елның 1 июленнән гражданнарның өлешле торак төзү өчен акча җәлеп итү бары тик эскроу счетларыннан файдаланып кына рөхсәт ителгәнен искә төшерде. Әлеге кагыйдәләрдән төшереп калдыру Хөкүмәт тарафыннан билгеләнгән критерийларга туры килә торган күп фатирлы йортлар өчен генә билгеләнгән. Очрашуга чакырылган Казан шәһәре Башкарма комитетының Торак сәясәте идарәсе башлыгы урынбасары Айрат Әхмәтханов җыелучыларга, квартал саен хисап кушып, төзелеш проектының әзерлеге турында гариза формалаштыру һәм бирү тәртибе турында сөйләде.

Бүген Чаллыда 403 фатирлы № 63/15 торак йортка күчү тантанасы узды. Чарада Татарстан Республикасы Президенты Рөстәм Миңнеханов, ТР төзелеш, архитектура һәм ТКХ министры урынбасары Юрий Аляшев, Чаллы шәһәре мэры Наил Мәһдиев, «Татарстан Республикасы Президенты каршындагы Дәүләт торак фонды» КБАО башкарма директоры Марат Зарипов һәм башкалар катнашты.  

Төзелеш ресурслары бәяләрен мониторинглау кагыйдәләренә үзгәрешләр кертелде.  Әлеге карарны кабул итү төзелеш тармагында бәя хасил итүне камилләштерүгә һәм төзелеш ресурслары бәяләренә дәүләт мониторингы нәтиҗәләренә нигезләнгән төзелешнең смета бәясен билгеләүнең ресурс методына күчүгә юнәлдерелгән ашыгыч чараларның берсе булып тора. Аерым алганда, карар белән, мониторинг нәтиҗәләре буенча Рәссәйнең Төзелеш министрлыгы тарафыннан билгеләнгән төзелештә бәя кую федераль дәүләт мәгълүмат системасына (ТБК ФДМС) сметалы бәяләр урнаштыру срогы 2019 елдан 2022 елга күчерелде. Төзелеш ресурслары бәяләрен мониторинглау кагыйдәләренә үзгәрешләр шулай ук төзелеш ресурсларының смета бәяләрен формалаштыру өчен кирәкле мәгълүмат чыганаклары исемлеген киңәйтүне һәм федераль башкарма хакимият органнарының, Рәссәй Федерациясе субъектларының башкарма хакимияте органнарының, дәүләт корпорацияләренең һәм компанияләрнең төзелеш смета бәясен билгеләү механизмында катнашуын күздә тота. Бу төзелешнең смета бәясен билгеләгәндә региональ һәм тармак үзенчәлеген исәпкә алырга һәм төзелешнең смета бәясен билгеләүнең дөреслеген арттырырга мөмкинлек бирәчәк.

Конкурс бөтенхалык дип санала, анда скульпторлар һәм архитекторлар профессиональ коллективларыннан тыш, 16 яшьтән дә яшьрәк булмаган барлык теләүчеләр дә катнаша ала! Ачык конкурс программасы һәм шартлары, һәйкәл өчен урын планы сайтта урнаштырылган: www.bulgarheritage.ru

Оешмалар (ведомстволар, берлекләр һәм берләшмәләр) җитәкчеләренә әлеге мәгълүматны үзләренең мәгълүмат порталларында конкурста катнашырга теләгән һәркем өчен урнаштыруларын үтенәм!!! Интернет эзләнүдә туплыйсыз: «Болгар мирасы». «Болгар мирасы» Казан продюсерлык компаниясе» юлына басыгыз. Төп биттә конкурс баннерына яисә түбәнрәк сылтамага басыгыз.

Казанда халыкара катнашу белән «Архитектура мирасы» Бөтенроссия фестивале смотр-конкурсы җиңүчеләрне бүләкләү белән тәмамланды. «Тарихи шәһәр: киңлекләрне яңадан торгызу» темасына багышланган масштаблы чарада өч көн эчендә Россиянең 49 регионы катнашты. Бу илнең төрле шәһәрләреннән меңнән артык архитектор һәм реставратор, шулай ук Белоруссия, Греция, Франция, Италия, Испания һәм Нидерланд белгечләре. Фестивальдә катнашучылар алдында 178 спикер чыгыш ясады.

Фестивальдә катнашучыларны Татарстан Республикасы Премьер-министры урынбасары Ләйлә Фазлыева сәламләде.
Җиңүчеләр арасында Татарстан архитектура берләшмәсе вәкилләре берничә иде. «Балалар мирасы» смотр-конкурсында жюри «Казан Кремленең тавыш портреты» приинсталляциясе өчен гран-прины «ДАШКА» балалар архитектура-дизайн мәктәбен тәмамлаучылар һәм укучылар коллективының авторлык коллективын бирде.

«Тикшеренү» номинациясендә «Архитектор К. Л. Мюфке Казанда» эше Аделина Абдуллина җитәкчелегендәге, шулай ук «ДАШКА» мәктәбе коллективына тапшырылды. «Россия көллиятләре профильле факультетлары студентларының реставрацияләү проектлары» номинациясендә Казан шәһәренең Иске аэровокзалы бинасын реставрацияләү проекты дипломнар белән бүләкләнде. Казан дәүләт архитектура-төзелеш университетыннан Диләрә Садыйкованың Аносов утары флигелен реставрацияләү проекты, шулай ук Мәскәү урамындагы янгын каланчын реставрацияләү проекты Бөтенроссия фестивале смотр-конкурсы дипломнарына лаек булды.

«Иң яхшы басма» смотр-конкурсында Мәскәү, Казан, Владимир, Уфа, Екатеринбург, Томск, Красноярск, Түбән Новгородтан 25 эш катнашты.
«Иң яхшы китап» номинациясендә диплом белән Сергей Саначинның «совет Казанның архитектур тормышына Экскурс», ТР муниципаль районнарының тарихи-мәдәни атласлары сериясе бүләкләнде.

«Иң яхшы мәкалә/ мәкаләләр сериясе» номинациясендә көмеш дипломны XIX гасыр ахыры-XX гасыр башында Россия провинциясендә архитектура-шәһәр төзелеше процессы. Казан Идел Буе» мәкаләсе алды. «Иң яхшы альбом» номинациясендә шулай ук көмеш дипломга «XX гасыр башы Казан ХІХ агач йорты» дигән басма лаек булды. «Иң яхшы журнал» номинациясендә алтын диплом Халыкара антиквариат институты (ASG компаниясе) «Сәнгать дөньясы» басмасына тапшырылды.

 «Россия төбәкләре» смотр-конкурсында Россиянең 15 субъекты катнашты. Россия Архитекторлар берлеге президенты Николай Шумаков бу номинациядә Алтын дипломны Татарстан Республикасына тапшырды.

Казанның «ТСНРУ» оешмасы тарафыннан Боратынский музееның төп йортын реставрацияләү «Гражданнар архитектурасы объектлары» номинациясендә көмеш диплом белән бүләкләнде. Шул ук категориядә «Татинвестгражданпроект» Казан Мәрьям Ана иконасы соборы өчен алтын дипломга ия булды.

WorldSkills Russia VII Милли чемпионатына йомгак ясалды. Татарстан гомумкоманда зачетында беренче урынны алды, икенче урынны Мәскәү яулады, өченче урынны Мәскәү өлкәсе алды. Исегезгә төшерәбез, милли чемпионат ярышлары төзелеш өлкәсе, мәгълүмат һәм коммуникация технологияләре, иҗат һәм дизайн, җитештерү һәм инженерлык технологияләре, хезмәт күрсәтү өлкәсе, шулай ук транспорт һәм логистика өлкәләрендә алты һөнәр блогы компетенцияләре буенча узды.  Төзелеш өлкәсе гомуми санга 8 алтын, 9 көмеш һәм 8 бронза медаль алып килде.«Яшь профессионаллар (WorldSkills Russia)» VII Илкүләм чемпионаты финалы Казанда 20 майдан 24 майга кадәр узды. Анда 1,5 меңнән артык конкурсант катнашты, шуларның 363 - Юниор. Ярышлар мәйданчыгында 91 компетенция, шулай ук Future Skills блогының 23 компетенциясе тәкъдим ителде. 48 компетенция буенча WorldSkills Russia Juniors катнашучылары ярышты.