ЯҢАЛЫКЛАР

Гражданнарның мөрәҗәгатьләрен карау барышында үзәк инспекторлык бүлеге белгечләре Биектау районының Бөреле җәнлек совхозы последогындагы Гагарин урамы буенча 29 санлы күпфатирлы йортта "салкын су белән тәэмин итү" коммуналь хезмәтенең сыйфатсыз күрсәтелү очрагын ачыклады (салкын су басымы йортка керткәндә һәм су алу нокталарында норматив параметрларга җавап бирми иде)."Салкын су белән тәэмин итү" коммуналь хезмәтен сыйфатсыз күрсәткән өчен ресурслар белән тәэмин итүче оешма – "Бөреле коммуналь челтәрләре" ҖЧҖ торак инспекциясе тарафыннан РФ КоАП 7.23 ст. буенча 5000 сум күләмендә штраф салынып, административ җаваплылыкка тартылды.Моннан тыш, инспекция тарафыннан "Бөреле коммуналь челтәрләре" ҖЧҖ карата йортка кергән өлешендә салкын суның норматив басымын тәэмин итү күрсәтмәсе бирелде. Күрсәтмәнең үтәлеше инспекция контроленә алынды.

Төзелеш – җитештерүдәге иң куркыныч тармакларның берсе булып тора, шуңа бәйле рәвештә хезмәтне саклау таләпләренең бозылу проблемасы актуаль булып санала һәм хәл итүне таләп итә. Шуңа күрә дә ТР Дәүләт төзелешен күзәтү инспекциясе үз эшчәнлегендә төзелеш тармагында хезмәтне саклау һәм куркынычсызлык техникасы таләпләре бозылуны кисәтү, ачыклау һәм чикләү эшенә зур игътибар бирә.

16 июнь көнне Буа шәһәрендә күп функцияле универсаль спорт мәйданчыгы ачу тантанасы узды. Бәйрәм чарасы башкарма комитеты җитәкчесе вазифаларын башкаручы Марат Җаббаров, башкарма комитет җитәкчесе урынбасары Лилия Садеретдинова һәм шәһәр халкы катнашында узды. " Республика программасын тормышка ашыру ярдәмендә егетләрнең спорт белән шөгыльләнү өчен яхшы шартлар барлыкка чыкты. Безнең районда 2013 елдан 2016 елларга 14 спорт мәйданчыклары төзелгән. Агымдагы елда шәһәрнең яшьләр паркында тагын бер күп функцияле универсаль спорт мәйданчыгын ачу планлаштырыла. Шулай итеп, без яңа буннарны сәламәт итә алачакбыз ", - дип ассызыклады Марат Җаббаров һәм балаларга яңа спорт казанышларында уңышлар теләде. "Төзелеш технологияләре" ҖЧҖ подряд оешмасы төзегән спорт объекты үзенә мини-футбол, волейбол, баскетбол уеннары өчен мәйданчыклар кертә.

Тукай районы, Бәтке бистәсе, Новая урамы буенча 4 йортта яшәүченең мөрәҗәгатен карап тикшерү барышында торак йортларны карап тоту кагыйдәләренең бозылуы ачыкланды: подъездларны ремонтлау ешлыгы сакланмаган, түбәдән су үтә. Тикшерү нәтиҗәсендә "Доверие" ИК ҖЧҖ идарәче оешмасына карата РФ КоАП 7.22 ст. буенча административ беркетмә төзелде, аны карап тикшерү нәтиҗәсендә 40 000 (кырык мең) сум күләмендә административ штраф салынды. Җитешсезлекләрне бетерү турында күрсәтмә бирелде. Хәзерге вакытта штраф идарәче компания тарафыннан түләнде, җитешсезлекне бетерү эше инспекция тарафыннан контрольгә алынды.

2017 елның 1 июленнән башлап Россиядә ике илкүләм белгечләр реестры (НРС) гамәлгә кертелә – төзелеш өлкәсендә, шулай ук инженерлык эзләнүләре һәм архитектура-төзелешне проектлау өлкәсендә, аларда югары квалификацияле штатлы хезмәткәрләр турындагы белешмәләр урын алачак. Реестрның һәркайсысы компанияләр эшендә төп фигурага әйләнәчәк, чөнки башкарылган эшләрнең сыйфаты өчен шәхсән җавап тотачак һәм документларга имза салачак. НРС рәсми рәвештә гамәлгә кертеп җибәрү өчен бик аз вакыт калды, һәм “Строительная газета” РФ Төзелеш һәм ТКХ министрлыгының Хокук департаменты директоры Олег СПЕРАНСКИЙдан эшчәнлекнең проектлау, эзләнү һәм төзелеш өлкәләрендә эшнең сыйфаты өчен җаваплы булган яңа институтның ничек формалаштырылуы һәм ничек корылачагы турында аңлатмалар бирүен үтенде.

Тулырак итеп: "Строительная газета" http://www.stroygaz.ru/publication/item/tolko-dlya-professionalov/

Казандагы дүрт стадион да Конфедерацияләр Кубогы вакытында яхшы эш күрсәтә. Бу хакта турнирга аккредитация узмаган журналистлар өчен уздырылган матбугат конференциясе вакытында Татарстан Республикасының төзелеш, архитектура һәм торак-коммуналь хуҗалык министры урынбасары Владимир Кудряшев җиткерде.

2016 елның ноябрендә Нурлат шәһәрендә Чистай ЗТИ тарафыннан күпфатирлы торак йортларда идарәче оешмаларның йорт эчендәге газ җайланмасын тиешенчә карап тоту буенча таләпләрне үтәве предметына карата инспекция тикшеренүләре уздырылды.

Чара ТР төзелеш, архитектура һәм ТКХ министры урынбасары Ильшат Гимаев, Татарстан Президенты карамагында Госжилфондның вәкилләре, шулай ук микрорайонда торучылар катнашуы белән узды. Беренче сырхауханәнең ачылуы 2017 елның сентябренә билгеләнде. Моның өчен Татарстан Президенты карамагында Госжилфонд йортларның (900 кв. м. артык) арендалау килешүен «Спасение» медицина берләшмәсе белән төзеде.

Бөгелмә шәһәренең Вахитов урамы буенча 4 номерлы күпфатирлы торак йортны тикшерү нәтиҗәләре буенча Бөгелмә ЗТИ инспекторы идарәче оешма тарафыннан торак фондын техник эксплуатацияләү кагыйдәләре һәм нормалары бозылу очракларын ачыклады, ә атап әйткәндә: түбәне аның аша су үтәрлек итеп карап тоту. Ачыкланган җитешсезлекләрне юкка чыгару өчен идарәче оешма җитәкчесенә күрсәтмәләр бирелде.Күрсәтмәнең үтәлешен тикшерү нәтиҗәләре буенча ачыкланганча, күрсәтмә "Вахитова 4" торак күчемсез милеге милекчеләре ширкәте тарафыннан үтәлмәгән, шуңа бәйле рәвештә идарәче компаниягә карата РФ КоАП 19.5 ст. 1 өлеше буенча беркетмә төзелде һәм административ эш, карап тикшерү өчен, кайсы ведомствога каравына карап, Бөгелмә районы җәмәгать судына җибәрелде. Җәмәгать суды карары белән "Вахитова 4" торак күчемсез милеге милекчеләре ширкәте административ хокук бозуда гаепле дип танылды, моның өчен РФ КоАП 19.5 ст. 1 өлеше буенча җаваплылык каралган һәм идарәче оешма 10 000 сум күләмендәге административ штраф рәвешендә административ җәзага тартылды.Шуңа бәйле рәвештә, җитешсезлек бетерелмәү аркасында, "Вахитов 4" торак күчемсез милеге милекчеләре ширкәте рәисенә яңа күрсәтмә бирелде, аның үтәлеше Бөгелмә ЗТИ контролендә кала.

Бүген "Чиста ил" калдыклар белән эш итү өлкәсендә оешмалар, операторлар һәм белгечләр Ассоциациясе, "Экотехпром" ДУП белән берлектә, Мәскәү ГХФ, Мәскәү өлкәсе һәм Татарстан Республикасы төбәк бүлекләре активистлары һәм экспертлары өчен №3 чүп яндыру заводы буенча экскурсияне оештырган, анда Татарстанның Төзелеш министрлыгы вәкиле, калдыклар белән эш итү бүлеге башлыгы Рөстәм Богданов катнашты. Исегезгә төшерәбез, элегрәк чәршәмбе көнендә "Турыдан-Туры линия " барышында Рәсәй президенты Владимир Путин билгеләп үткәнчә, чүплекләр һәм калдыкларны утильләштерү проблемасы Мәскәү һәм Тула өлкәләрендә, шулай ук Татарстанда аеруча кискен тора. Шулай ук Турыдан-Туры линия вакытында Владимир Путин төзелә торган чүп яндыру заводлары технологиясен югары бәяләде, шуларның берсе Татарстанда булачак, төзүне 2017 ел азагына кадәр башларга планлаштырыла.