ЯҢАЛЫКЛАР

Рәссәй Президенты Владимир Путин ил алдына торак төзелеше темпларын арттыру бурычын куйды. Татарстанда агымдагы елда 2,979 млн.кв. метр торак төзү планлаштырыла, 2024 елга күрсәткечне 3,648 млн. кв. метрга кадәр арттыру планлаштырыла. Соңгы 10 елда республикада ел саен 2,4 млн.кв. метр торак файдалануга тапшырылган. Узган ел торак төзелешенең яңа дәрәҗәсенә чыгарга һәм 2 млн. 675 мең кв. м. торак файдалануга тапшырырга мөмкин булды. Шулай итеп, бер ел эчендә 37 мең гаилә торак шартларын яхшырткан. ТР Төзелеш, архитектура һәм торак-коммуналь хуҗалык министры Фәрит Хәнифов ведомствоның йомгаклау коллегиясе барышында: «Без «Торак һәм шәһәр мохите» милли проектын тормышка ашыру буенча башка төбәкләр өчен үрнәк булырга тиеш»,- дип ассызыклады. Безгә мәсьәләләрне комплекслы хәл итәргә, инженерлык, юл-транспорт инфраструктурасы төзелешенә, ипотека ставкасына игътибар итәргә кирәк. Ел нәтиҗәләре буенча республикада ипотека ставкасы 9,12% ка кадәр кимүгә карамастан, ул шактый югары кала. Иң мөһим бурычларның берсе - аны киметү, гражданнарның ипотека кредитларына үтемлелеген киңәйтергә кирәк».

Бүгенге көндә республиканың төзелеш продукциясен җитештерүче 410 предприятиесе республиканың төзелеш комплексын тәэмин итә. 2019 елда төзелеш материаллары сәнәгате предприятиеләре тарафыннан төяп җибәрелгән продукция күләме 40,5 млрд. сум тәшкил иткән (2018 ел дәрәҗәсенә карата 101,7%). Бүген бу хакта Татарстан Республикасы төзелеш, архитектура һәм ТКХ министры Ирек Фәйзуллин ведомствоның коллегия утырышында хәбәр итте. Чарада Татарстан Республикасы Президенты Рөстәм Миңнеханов, Рәссәй Федерациясе Төзелеш һәм ТКХ министры урынбасары Максим Егоров катнашты.

ТР Төзелеш, архитектура һәм торак-коммуналь хуҗалык министрлыгының йомгаклау коллегиясендә ТКХ тармагы эшенә йомгак ясап, ведомство җитәкчесе Фәрит Хәнифов 2020 елның 1 гыйнварына коммуналь өлкәдә 20 муниципаль берәмлектә 151 концессион килешү төзелүен, алар буенча коммуналь инфраструктура объектларының 106сы тапшырылуын, бу коммуналь инфраструктураның теркәлгән объектларының 8,7% ын тәшкил итүен билгеләп үтте. «Әлеге концессион килешүләр буенча 1 млрд 208,35 млн.сум шәхси инвестицияләр җәлеп итү планлаштырыла», - диде Фәрит Хәнифов.

Торак төзү программалары буенча 31 гыйнвар көненә республикада 207,2 мең кв. метр торак сафка кертелгән, ягъни планнан 7 %. Бу хакта бүген ТР Хөкүмәте Йортында ТР төзелеш, архитектура һәм ТКХ министры Фәрит Хәнифов хәбәр итте. 

Киңәшмәне бөтен муниципаль районнар белән виеоконференцэлемтә режимында Татарстан Республикасы Президенты Рөстәм Миңнеханов үткәрде. Киңәшмә эшендә Татарстан Премьер-министры вазифаларын башкаручы Рөстәм Нигъмәтуллин катнашты. 

Социаль ипотека программасы буенча 2020 елда 4 мең 970 фатирлык 273,6 мең кв. метр күләмендә 130 йортны сафка кертү планлаштырыла. 31 гыйнвар көненә статистику органнарына 5,2 мең кв. метрлы 108 фатирлык 10 йорт буенча мәгълүмат тапшырылган. Калган 120 объекттан 12 объект әзерлеге югары дәрәҗәдә, 61 объектта - уртача әзерлек, 47 объектта эшләр башланган гына. 

Күп фатирлы инвестицион торак программасы буенча быел 177 күп фатирлы йортны сафка кертү көтелә. Гомуми мәйданнары - 1 млн. 317,2 мең кв. метр. 131,8 мең вк. метрлык 22 торак сафка кертелгән. Калган объектларның 69 якын арада сафка кертелә, 63 йортта төзелеш эшләре уртача дәрәҗәдә, 23 объектта түбән дәрәҗәдә. 

Шәхси торак төзелеше өлкәсендә 2020 елда 1 млн. 388,2 мең кв. метрлык 10 мең 680 йортны сафка кертү планлаштырыла. 31 гыйнварга 540 йорт сафка кертелгән. 

Гражданнарны торак белән тәэмин итүдә ярдәм программалары буенча 728 гаиләгә ярдәм каралган. Шуларның 600 - ятим балалар, алар саны 2019 елдагыдан икеләтә артык. Шулай ук 46 күп балалалы гаилә һәм башкаларны торак белән тәэмин итү көтелә. 

Рөстәм Миңнеханов билгеләгәнчә, РФ Президенты билгеләгән бурычларны үтәү өчен бөтен резервларны кулланырга кирәк. Беренче чиратта комплекслы төзелешне үстерергә кирәк. ТР Президенты ассызыклаганча, бу юнәлештә юл төзелеше һәм әлеге территорияләрне кирәкле социаль инфраструктура белән тәэмин итү мәсьәләләрен дә алдан уйларга кирәк. 

"Шәхси төзелеш өлкәсенең потенциалы зур, бу өлкәдә ничек күләмнәрне арттырып булуны уйларга кирәк. Моннан тыш, республикада тиешенчә теркәлмәгән шәхси торак йортлар бар. Хуҗаларына теркәү эшендә ярдәм итәргә кирәк һәм гомумән процедураны гадиләштерергә кирәк", - диде ТР Президенты. 

Фәрит Хәнифов сүзләренчә, бу максаттан республикада ведомствоара эш төркемен оештыру карала. 

Шулай ук 2020 елда 4,5 млн. кв. метрлык 788 күп фатирлы йортны капиталь ремонтлау планлаштырыла. Программада 40 муниципаль берәмлек катнаша. 

Рәссәй Төзелеш министры урынбасары Максим Егоров ТКХ бердәм түләү системасын Татарстанның барлык регионнарына кертү темпларын югары бәяләде. «Татарстан бердәм түләү документын кертү өлешендә лидерларның берсе булып тора. Гомумән алганда, законнарга үзгәрешләр кертмичә эшләде, республика дәрәҗәсендә карар кабул ителде», — дип билгеләп үтте Егоров. Егоров Казанда «Татэнергосбыт» клиент офисының эше белән танышты, анда аңа Татарстанда ТКХ буенча бердәм түләүләрне гамәлгә кертүне тәкъдим иттеләр. «Без 1 мартта бөтен республика буенча ТКХ буенча бердәм түләү куячакбыз. Гыйнвар аенда без Саба районында, февраль аенда — Алабуга һәм Менделеевскида, март аенда — бөтен Татарстан буенча чыгарачакбыз», — дип белдерде компания директоры. Ул билгеләп үткәнчә, ТКХ өчен барлык түләүләр бер квитанция белән киләчәк, бу клиентларның вакытын да, кәгазьне дә янга калдырырга мөмкинлек бирәчәк.

Бүген Татарстан Республикасы Президенты Рөстәм Миңнеханов Татарстан Республикасы Төзелеш, архитектура һәм ТКХ министрлыгының йомгаклау коллегиясендә катнашты. Анда шулай ук Россия Федерациясе Төзелеш һәм ТКХ министры урынбасары Максим Егоров, Татарстан Республикасы төзелеш, архитектура һәм ТКХ министры Фәрит Хәнифов һәм башкалар да катнашты. 

Рөстәм Миңнеханов чыгышында билгеләп үткәнчә, быел Татарстаннан берьюлы ике кеше Россия Федерациясе Хөкүмәтенең яңа составына керде - Марат Хөснуллин һәм Ирек Фәйзуллин. «Бу ил күләмендә таләп ителгән югары профессиональ дәрәҗә һәм тәҗрибә турында сөйли», - диде Татарстан Президенты.  

Ул ассызыклаганча, төзелеш комплексына бәйле мәсьәләләр атна саен республика киңәшмәсендә карала. «Әгәр барлык илкүләм проектларны һәм Россия Федерациясе Президентаының Федераль Собраниегә юлламасын алсак, министрлыклар эшенең иң катлаулы өлеше – объектлар төзү. Шуңа күрә Төзелеш министрлыгы – бу бурычларны хәл итүдә үзәк ведомство», - диде ТР Президенты. 

Рөстәм Миңнеханов белдергәнчә, Татарстанда тормыш сыйфатын яхшыртуга юнәлгән республика программаларын гамәлгә ашыру дәвам итә. Быел программалар саны 50гә җитте. Бу максатларга 48 млрд сум җибәрү планлаштырыла.

Яңа зур программалар арасында Татарстан Республикасы Президенты «Безнең ишегалды» республика программасын атады, аның кысаларында 3 ел эчендә 7 меңләп ишегалды территориясе ремонтланачак. «Без бүген бу темага бөтенләй башкача карый башладык. Без яңа компетенцияләр үзләштерәбез, бу эшкә яңа алымнар кертерлек яшь талантларга таяначакбыз. Әлбәттә, шул йортларда яшәүче кешеләр фикерен дә исәпкә алырга кирәк. «Безнең ишегалды» республика программасы гражданнарыбызның тормыш сыйфатын яхшыртуга юнәлүне аңларга кирәк. Һәм барлык бу бурычлар республикада формалаштырылган куәтле төзелеш комплексы өстенә төшә», - диде Рөстәм Миңнеханов. 

Ул билгеләп үткәнчә, республикада проект институтларын, тармак өчен белгечләрен әзерләүче югары мәктәпне саклап калып булды, юнәлешле мәгариф учреждениеләренең матди-техник базасын ныгыту да мөмкин булды.    

Торак-коммуналь өлкәгә килгәндә исә, Рөстәм Миңнеханов белдергәнчә, монда челтәрләрнең тузуына, җылылык белән тәэмин итү һәм чистарту корылмаларын яңартуга бәйле проблемалар бар. «Безнең структураларның бердәм эше һәм федераль үзәкенең ярдәме белән без төзелеш һәм ТКХ тармагындагы мәсьәләләрне хәл итә алырбыз, дип уйлыйм», - диде ул. 

Рөстәм Миңнеханов каты көнкүреш калдыкларын ликвидацияләү һәм калдыкларны термик зарарсызландыру заводы проекты мәсьәләләренә аерым тукталды. «Безнең Казан чүплеге түбәсеннән тулган. Бүген кайбер экоактивистлар яңа комплекс төзүгә каршы чыгалар, бу мәсьәләне конструктив яктан карарга кирәк. Әлбәттә, сортировка эшен үстерергә кирәк, әмма бу барлык проблемаларны да хәл итмәячәк. Шуңа күрә бу мәсьәлә буенча халык белән очрашып сөйләшергә һәм аларга проект турында төгәл мәгълүмат бирергә кирәк», - диде ТР Президенты.

Бүген Казанның «Сәйдәш» мәдәният сараенда «Безнең ишегалды» республика программасын гамәлгә ашыру кысаларында мәгариф воркшопына йомгак ясадылар. Чарада Татарстан Республикасы Президенты Рөстәм Миңнеханов, Татарстан Республикасы Президенты ярдәмчесе Наталия Фишман-Бекмамбетова, Казан мэры Илсур Метшин, Чаллы мэры Наил Мәһдиев, республика министрлыклары һәм ведомстволары вәкилләре катнашты. 

Искәртәбез, мәгариф воркшопы 27 гыйнварда башланып китте. Чараның төп максаты ишегаллары территорияләрен комплекслы үстерү тәкъдимнәрен әзерләү, аларны хәл итү юлларын ачыклау, шулай ук программаны гамәлгә ашыруга карата системалы алымнар табу иде.

Бүген йомгаклау тәкъдир итүе барышында Казан, Чаллы, Әлмәт һәм Арча (авыл ишегаллары) ишегаллары территорияләрен төзекләндерү проектлары тәкъдим ителде.

Рөстәм Миңнеханов билгеләп үткәнчә, һәр муниципаль берәмлекнең үз характерлы үзенчәлеге бар. Шуңа күрә ишегалларын төзекләндерү проектлары шулар нигезендә эшләнә. «Без төрле җирдә төрле алымнар күрәбез. Бу Казанга да, Чаллыга да, башка шәһәрләргә дә кагыла. Без, барлык үзенчәлекләрне исәпкә алып, һәр территория өчен үз „рецепт“ын әзерләргә тиеш», - диде ул. 

Татарстан Президенты ассызыклаганча, «Безнең ишегалды» республика программасын гамәлгә ашыру кешеләр белән берлектә алып барылырга тиеш, аларның теләкләрен һәм мәнфәгатьләрен исәпкә алырга кирәк. Рөстәм Миңнеханов тагын билгеләп үткәнчә, халыкка барысын да аңлатып бирергә кирәк булачак. «Воркшоп барышында белгечләр сөйләгән нәрсәләр безнең өчен яңалык. Безнең гражданнар да бу нечкәлекләрне белмиләр. Шуңа күрә сабыр гына эшнең ничек оештырылуын аңлатып бирергә кирәк», - диде Рөстәм Миңнеханов. 

Татарстан Президенты ассызыклаганча, халык белән эшләү – иң катлаулысы да булырга мөмкин. «Әлбәттә, бу яңалыклар барысына да ошамаячак. Шуңа да карамастан, кешеләр белән сөйләшергә, барлык сорауларына да җавап бирергә кирәк. Универсиадага әзерлек вкытын искә төшерегез. Ул чакта күпләр ремонт эшләре аркасында юлларда машиналар тыгылып ятуын өнәмәделәр. Ә нәтиҗәдә казанлыларга яңа төзелгән юллар аерылышлары күп проблемларны хәл итәргә мөмкинлек бирде», - диде Рөстәм Миңнеханов. 

Ул билгеләп үткәнчә, Татарстан асылда ишегаллары киңлекләрен төзекләндерүнең зур масштаблы программасын гамәлгә ашыру буенча сынау мәйданчыгына әверелә. Киләчәктә республика тәҗрибәсе бөтен ил буйлап таралырга мөмкин. «Беренче елны катлаулы булачак, күбесен кулдан эшләргә туры киләчәк. Ахыр чиктә без кешеләр, республика һәм ил өчен файдалы эш эшлибез икән – димәк, эшебез бушка китмәячәк», - диде Рөстәм Миңнеханов.

Бүген Татарстан Республикасы Президенты Рөстәм Миңнеханов КТАТУның  «ДАШКА» балалар архитектура-дизайнер мәктәбендә булды.

Чарада ТР Президенты Аппараты җитәкчесе урынбасары - ТР Президентының Эксперт департаменты җитәкчесе И.Л. Савельев, ТР Төзелеш, архитектура һәм ТКХ министры урынбасары, ТР Архитекторлар берлеге рәисе В. Н. Кудряшев, Казан мэры И.Р. Метшин, Казанның баш архитекторы И.М. Төхвәтуллин, ММЧ вәкилләре һ. б. катнашты.

Президентны «ДАШКА» мәктәбе директоры Мария Латыпова, КДАСТУ ректоры Рәшит Низамов озата йөрде, алар уку сыйныфларын, башка урыннарны карап чыктылар, шулай ук ишегаллары территорияләрен төзекләндерү буенча тәкъдимнәр әзерләгән балалар белән сөйләшеп тордылар.  

Укучылар белән аралашканда Рөстәм Миңнеханов билгеләп үткәнчә, республикада «Безнең ишегалды» республика программасы гамәлгә ашырыла. Ул балалардан: Сез ишегалларыгызны ничек күз алдына китерәсез? – дип сорады. Балалар үз фикерләре белән уртаклаштылар.

Мәктәптә Татарстан Республикасы Президенты балалар дәресләре белән бергә, архитектура буенча ата-аналар өчен оештырылган лекциядә дә булды.

«Бу сынау проекты, без нәтиҗәне күрәсебез килә. Ата-аналарның да рәсем ясыйсылары килә. Күбесенең таланты бар», – диде КДАТУ ректоры Рәшит Низамов.

«Шәһәрдә мондый мәктәп булганга бик шатмын. Балаларга үсәргә кирәк. Бәлки, гаилә конкурслары оештырырсыз», – диде Рөстәм Миңнеханов.

Рөстәм Миңнехановка шулай ук «ДАШКА» мәктәбендә укучы һәм аны тәмамлаганннарның иң яхшы эшләрен күрсәттеләр.  

31 гыйнварда «Татэнергосбыт» АҖендә РФ Төзелеш министры урынбасары Максим Егоров, ТР Төзелеш, архитектура һәм ТКХ министрының беренче урынбасары Алексей Фролов һәм ТР Дәүләт торак инспекциясе башлыгы – ТР баш дәүләт торак инспекторы Сергей Крайнов составындагы делегация булды. Дәрәҗәле кунаклар визитының төп максаты-Татэнергосбытның Татарстан Республикасы территориясендә электр энергиясен гарантияле төстә җибәрүче һәм бердәм исәп-хисап үзәге эшчәнлеге белән танышу. «Татэнергосбыт» АҖ директоры Рифнур Сөләйманов кунакларга бердәм корпоратив стильдә ясалган клиентларга хезмәт күрсәтү офисын күрсәтте. "Мондый офислар бөтен Татарстан Республикасы буенча 99», - дип билгеләп үтте ул. Рифнур Хәйдәрович үз чыгышында 2019 елда компаниянең төп эш күрсәткечләренә дә тукталды. Бүгенге көндә Татэнергосбыт 1, 7 млн.физик һәм 40485 юридик затларга хезмәт күрсәтә. Электр энергиясенә бәяләрне формалаштыруга килгәндә, Татэнергосбыт Идел буе федераль округында минималь сату өстәмәсенә һәм 2020 елга «башка кулланучылар» төркеме буенча Рәссәй буенча иң түбән бәягә ия.

Февральдән Алабуга һәм Менделеевск районнарында яшәүчеләргә «Татэнергосбыт» АҖнән электр энергиясе өчен аерым квитанция алынмаячак. Әлеге хезмәт өчен түләү бердәм түләү документы составында чагылыш табачак. Бу 2019 елның 3 декабрендә «ЕРЦ – «Татэнергосбыт» ҖЧҖне «Татэнергосбыт»АҖнә тоташтыру процедурасы тәмамлануы белән бәйле. Хәзер гарантияле тәэмин итүче, электр энергиясен җибәрүдән тыш, торак-коммуналь хезмәтләрнең барлык төрләре өчен түләүләрне исәпләү функцияләрен башкара. Республиканың башка районнарында түләү документларын берләштерү 2020 елның март аена планлаштырылган.