ЯҢАЛЫКЛАР
Бүген, 25 декабрьдә, Татарстан Республикасының Дәүләт төзелешен күзәтү инспекциясе (ТР Дәүләт төзелешен күзәтү инспекциясе) Казанның «Салават Күпере» торак комплексында урнашкан 255-фатирлы 4-5-нче номерлы яңа торак йортка проект документларының туры килүе турында бәяләмә бирде. Йорт социаль ипотека республика программасы һәм «Торак һәм шәһәр мохите» милли проекты буенча төзелгән. Объектка ЯТБ бирелде. Бу аны файдалануга тапшырырга һәм 255 гаиләне күптән көтелгән фатирларга күчерергә мөмкинлек бирәчәк. 18 катлы бинаның гомуми мәйданы 27,2 мең кв. метр тәшкил итте. Йорт территориясе төзекләндерелгән - балалар мәйданчыклары, тротуарлар каралган, эскәмияләр урнаштырылган, яшелләндерү чаралары башкарылган.
Республиканың бер кешесенә уртача 27,4 квадрат метр торак туры килә. Татарстан Рәссәй төбәкләре арасында файдалануга тапшырыла торган торак күләме буенча дүртенче урында тора. Бу хакта «Татар-информ» мәгълүмат агентлыгында узган матбугат конференциясендә ТР Төзелеш, архитектура һәм торак-коммуналь хуҗалык министры урынбасары Илдус Насыров сөйләде. «Бүгенге көндә Татарстан Республикасы файдалануга тапшырыла торган торак күләме буенча илдә дүртенче урында тора. Бездә, Татарстанстат мәгълүматларына караганда, бер кешегә уртача 27,4 квадрат метр торак туры килә, ә Рәссәй буенча — 26,3. Нигездә, бу күрсәткеч иң зур түгел, әмма без торак төзелүгә омтылабыз. Планнарыбыз бик зур», - дип белдерде Насыйров. 2020 елның 11 ае нәтиҗәләре буенча республика Идел буе федераль округында әлеге күрсәткеч буенча беренче урынны алды.
Кукмара районының Иске Юмья авылында төзелгән яңа мәдәният йорты Татарстан Республикасы Дәүләт төзелешен күзәтү инспекциясенең Проект документларына туры килүе турында уңай бәяләмә алды. Объект «Мәдәният» милли проекты ярдәмендә төзелгән. Проект нигезендә бер катлы бинада концертлар үткәрү өчен 200 кешегә исәпләнгән тамаша залы, китапханә, уен бүлмәсе һәм административ бүлмәләр бар. Авыл мәдәният йортының гомуми мәйданы 412,7 кв. метр тәшкил итте. Бинада мөмкинлекләре чикләнгән кешеләр өчен пандуслар каралган.
«Салават Күпере» торак районында Бөек Ватан сугышы ветераннарының тол хатыннары, ятим балалар һәм бюджет оешмалары хезмәткәрләре өчен 255 фатирлы соципотека йорты файдалануга тапшырылды. Бүген тапшырылган йорт районда калганнардан аерылып тора. Аңа өч Бөек Ватан сугышы ветеранының тол хатыны — Разия Габдрахманова, Зәлфирә Шәйхлисламова, Зинаида Яманова һәм 35 ятим бала күчергәннәр. Алар бер бүлмәле фатирлардан ачкычлар алдылар. Моннан тыш, алданрак йортка соципотека программасы буенча яшәүчеләрне күчерәләр. Хәзер 2021-2023 елларда чиратта торучыларга ачкычлар бирелә башлый. 17 катлы йортта өч подъезд бар. Бинаның гомуми мәйданы 15,3 мең кв. метр тәшкил итә. Барлык фатирлар да чиста бизәкләү ясалган сыйфатта тапшырыла һәм сантехника, электр плитәләре, извещатель, суны, электр энергиясен исәпкә алу счетчиклары, җылылык регуляторлары һәм мәгълүматларны ерактан торып санауның автоматик системасы белән җиһазландырылган. Исегезгә төшерәбез, йорт Рәссәй Президенты Владимир Путин инициативасы белән «Торак һәм шәһәр мохите» милли проекты буенча төзелгән.
Балык Бистәсе муниципаль районында төзелгән 50 урынлы яңа балалар бакчасы бүген Татарстан Республикасы Дәүләт төзелеш күзәтчелеге инспекциясеннән проект документларының таләпләргә туры килүе турында ярашлылык бәяләмәсе алды. Мәктәпкәчә учреждение республика бюджеты хисабына төзелгән.
Бина мәгариф учреждениеләренең барлык яңа таләпләренә дә туры килә. Биредә уен, йокы бүлмәләре, буфет һәм бәдрәф, шулай ук музыка һәм физкультура заллары бар. Бу хакта ТР Дәүләт төзелеш күзәтчелеге инспекциясе җитәкчесе Василий Кудряшов хәбәр итте.
Бинаның гомуми мәйданы 890,2 кв. метр тәшкил итә. Балалар бакчасы Биектау авылында Сафиуллин урамы буенча урнашкан.
Бүген 2020 елда төзелеш өлкәсендә программаларны гамәлгә ашыруның якынча нәтиҗәләре турында Татарстан Республикасы Хөкүмәте Йортында узган республика киңәшмәсендә Татарстан Республикасы төзелеш, архитектура һәм ТКХ министрының беренче урынбасары Алексей Фролов хәбәр итте.
Киңәшмәне республиканың барлык муниципалитетлары белән видеоконференцэлемтә режимында Татарстан Республикасы Президенты Рөстәм Миңнеханов уздырды. Киңәшмәдә Татарстан Республикасы Премьер-министры Алексей Песошин да катнашты.
Алексей Фролов хәбәр иткәнчә, «Сәламәтлек саклау» программасына 51 объект кергән. 43 фельдшер-акушерлык пункты (ФАП) һәм 7 табиб амбулаториясе төзелгән. Биектау муниципаль районында гомуми практика табибы офисы объекты төзелеше тәмамланып килә.
2020 елга «Уңайлы шәһәр тирәлеген формалаштыру» программасы белән каралган 61 объектның 56сы файдалануга тапшырылган. Калган 5 объект тәмамлану стадиясендә (кече архитектура формалары эшләнә).
«Авыл хуҗалыгы» тармагында әлегә эшләр дәвам итә. Сыер абзарлары һәм сарык фермалары төзү программасы буенча 6 объект тәмамланган. Хәзерге вакытта эшләр соңгы объектта тәмамланып бара.
"Халыкка комплекслы хезмәт күрсәтүнең блок-модульле пунктларын төзү" программасы буенча пландагы 21 объектның 17се төгәлләнгән. Калган 4 объектта җиһазлар белән тәэмин итү бара, эшләр 25 декабрьгә тәмамланачак.
Алексей Фролов искәрткәнчә, иң зур республика программасы – балалар бакчалары төзелеше программасы. Аны финанслау күләме 5 млрд 200 млн сумнан артып китә. Бу – элеккечә үк Россиядәге иң эре программаларның берсе. Агымдагы 2020 елда 22 мәктәпкәчә белем бирү учреждениесе төзелгән. Хәзерге вакытта төзелеп бетмәгән бер объект – «Көнбатыш Заречье» балалар бакчасы кала. Бу объектта эшләр 95 процент тәшкил итә.
ТР Төзелеш, архитектура һәм торак-коммуналь хуҗалык министрының беренче урынбасары шулай ук 2021 елга төзелеш өлкәсендә дәүләт программаларын әзерләү турында да сөйләде. Тормышка ашыру өчен 44 программа планлаштырылган. Хәзерге вакытта алар тиешле ведомстволарда килешү уза.
Бүген Татарстан Республикасы Президенты Рөстәм Миңнеханов Лаешта эш сәфәрендә булды. Визиты барышында ТР Президенты «Лаеш Арена» ябык түбәле боз шугалагын ачуда катнашты. Рөстәм Миңнехановны Лаеш районы Башлыгы Илдус Зарипов озата йөрде.
Боз шугалагын төзүгә республика бюджетыннан акча бүлеп бирелгән. Бинада ясалма боз шугалагы бар, ул хоккей, фигуралы шуу, шулай ук кешеләр күпләп йөри торган урын. Боз сарае территориясендә тренажер залы, киенү-чишенү бүлмәләре, төрле административ бүлмәләр урнашкан. Шугалакка берьюля 300 кеше йөри алачак.
Шулай ук бүген видеоэлемтә аша Балык Бистәсендә Боз сарае һәм Мамадыш, Сарман һәм Осиновода 3 универсаль спорт залы ачылды. Шулай итеп, республика территориясендә ябык түбәле боз сарайлары саны 49га җитте.
"Барыгызны да әлеге истәлекле вакыйга белән котлыйсым килә. Без берьюлы 5 эре спорт объекты ачабыз. Болар барысы да республика, гражданнарыбызның тормыш сыйфатын яхшырту һәм массакүләм спортны үстерү өчен кирәкле шартлар булдырга юнәлгән", - дип билгеләп үтте Рөстәм Миңнеханов.
Видеоэлемтә буенча тантанада катнашучыларга Россия Хоккей федерациясе президенты Владислав Третьяк та мөрәҗәгать итте. Ул татарстанлыларны яңа спорт объектлары ачылу белән котлады, һәм республика җитәкчелегенең төбәктә хоккейны популярлаштыру буенча системалы эшен билгеләп үтте.
Аннары «Лаеш Арена» бозында беренче хоккей турниры башланды. Рөстәм Миңнеханов символик рәвештә алка ташлады.
Бүген Татарстан Республикасы Президенты Рөстәм Миңнеханов Лаеш муниципаль районына эш сәфәре кысаларында «Акыллы балалар» балалар бакчасында булды.
Объектны РФ Президенты Владимир Путин инициативасы белән «Торак һәм шәһәр мохите» милли проекты буенча төзеделәр. Бүген Саба районының Шәмәрдән авылында Мәктәп урамы, 2А адресы буенча урнашкан 12 фатирлы торак йортка күчү булды. Яңа фатирларда социаль ипотека һәм арендалы торак программаларында катнашучылар яшәячәк. Бер подъездлы йорт гомуми мәйданы 815,5 кв. метр булган өч торак каттан тора. Барлык фатирларда да ремонт ясалган-алар тулысынча яшәү өчен әзер, сантехника, газ плитәләре, янгын сигнализациясе датчиклары, су, газ, электр энергиясе счетчиклары, шулай ук шәхси җылыту казаннары белән җиһазландырылган.
Татарстан Президенты Рөстәм Миңнеханов Чаллыда яңа онкология үзәген карады. Аны ТР сәламәтлек саклау министры Марат Садыйков, ТР төзелеш, архитектура һәм ТКХ министры Марат Айзатуллин һәм автошәһәр мэры Наил Мәһдиев озата йөрде.