2018 елда балалар бакчалары һәм мәктәпләр капиталь ремонтына Татарстанда 2,5 млрд. сум бүлеп бирергә планлаштыралар

"Мәгариф объектларының (мәктәпләр, балалар бакчалары) капиталь ремонты" республика программасының финанслау күләмнәрен саклап калу планлаштырыла. Бу хакта "Татар-информ" мәгълүмат агентлыгы хәбәрчесенә Татарстан Республикасы төзелеш, архитектура һәм торак-коммуналь хуҗалыгының ТКХ программаларын эксплуатация һәм гамәлгә ашыру идарәсе начальнигы, Илдус Насыйров 17-нче номерлы гимназиясенә пресс-тур вакытында сөйләде. "Киләсе елга программа күләме якынча шундый ук дәрәҗәгә, 2,5 миллиард сум, планлаштырыла. Аның сүзләренә караганда, 2017 елда Татарстанда капиталь ремонт 110 балалар бакчаларында, 36 гомуми белем бирү учреждениеләрендә узды, алар арасында җиде коррекцион, – барлыгы 146 объект, аларга 2 млрд. 576 млн. сум сарыф ителгән. " Казандагы өч объектта өстәмә эшләр алып барыла – бу 28 номерлы гимназия, 40 номерлы гимназия, 97 номерлы гимназия. Капремонт үткәргәндә өстәмә эшләр ачыкланды, алар октябрь аенда тәмамланачак", – дип билгеләп үтте министрлык вәкиле.