Үзбәкстан Республикасы һәм Татарстан тәҗрибә белән уртаклашалар
ТР төзелеш, архитектура һәм торак-коммуналь хуҗалык министры Ирек Фәйзуллин Үзбәкстан Республикасы делегациясе вәкилләре белән очрашу үткәрде, аның кысаларында хезмәттәшлекнең мөмкин булган юнәлешләре турында фикер алыштылар. Чарада төзелеш, архитектура һәм торак-коммуналь хезмәт күрсәтү министры Мозаффар Солиев, Коканд шәһәре башлыгы Рахматилла Жалилов, Бекабад шәһәре башлыгы Зафар Файзуллаев һәм башкалар катнашты. Очрашуның төп мәсьәләләре Татарстанда күп фатирлы йортларын идарә һәм асрау, энергияне сак тоту программаларын гамәлгә кертү, шулай ук төзелеш һәм архитектура өлкәсендә дәүләт программаларын тормышка ашыру турында иде. Делегация вәкилләре Казанда иң эре идарәче компаниясенең эшен күрсәтергә сорадылар. Чара тәмамланганнан соң делегация башлыгы Татарстаннан коллегаларына кунакчыллыгы өчен рәхмәт белдерде һәм арытаба да хезмәттәшлеккә өмет белдерде.