Ике тарифлы электросчётчик хуҗалары өчен тарифлар үзгәрде
Энергоресурсларны рациональ рәвештә куллану һәм Татарстан Республикасы энергия системасының ышанычлылыгын тәэмин итү максатыннан, Татарстан Республикасы тарифлар буенча Дәүләт комитеты 28.09.2012 елдан 3-10/э номерлы карары нигезендә, халык һәм аларга тиңләштерелгән кулланучылар категориясе өчен гамәлдәге тарифларга үзгәрешләр кертелде. Әлеге документ тәүлекнең ике зонасы (көн-төн) буенча дифференцияләшкән тарифларга гына үзгәрешләр кертә.
Шул вакытта бер кВт-ч 2 сум 57 тиенлек бер составлы тариф ( көн-төнгә бүленмәгән гади тариф) үзгәрмәде һәм халык һәм аларга тиңләштерелгән кулланучылар категориясе өчен гамәлдә булуын дәвам итә. Ике тарифлы ( көндезге һәм төнге куллануны саный торган) электр счетчикларына ия булган Татарстан гражданнары агымдагы елның беренче июленнән көндез, электр өчен, башкалар кебек 2 сум 57 тиен түләделәр, ә төнлә ( 23.00 дән 7.00га кадәр) - 1 сум 29 тиен.
2012 елның ноябреннән, ике тарифлы счетчик хуҗаларына тарифлар үзгәрә. Әлеге үзгәрешләр дифференцияләшкән тарифларны ( көндезге һәм кичке тариф) законнар җыелмасы таләпләренә туры китереп төзелгән. Яңа тарифларның бурычы – электр энергиясенең көндезге вакыттан төнгә күчүен стимуллаштыру, ә бу бурыч электр энергиясен тагын да рациональ файдаланырга ярдәм итәчәк. Төнлә элект энергиясен 30% тан артык куланган очракта, кулланучы өчен дифференцияләшкән тариф отышлы булачак.
Яңа карар нигезендә ( “2011 елның 25 ноябреннән 3-8/э номерлы Татарстан Республикасы Дәүләт комитеты карарына үзгәрешләр кертү “ Татарстан Республикасы буенча халык һәм аларга тиңләштерелгән гражданнар категориясе өчен электр энергиясенә бәя ( тариф) урнаштыру турында”) элект энергиясен хисаплауның ике тарифлы приборлары булган гражданнар өчен көндезге тариф ( пик зонасы) бер кВт-ч 2 сум 81 тиен, төнгесе бер кВт-ч 1 сум 89 тиен.
Авыл җирлегендә яшәүче, ике тарифлы счетчик хуҗалары көндез элект энергиясен кулланган өчен бер кВт-чга 1,97 сум һәм төнлә кулланган өчен бер кВт-чга 1,32 сум түләячәкләр.
Шәһәр җирлегендәге электр плитәләре һәм электр белән җылыту җиһазлары булган йортларда яшәүче гражданнар өчен тариф шулай ук пик зонасында ( көндез) бер кВт-ч 1,97 сум һәм төнлә бер кВт-ч 1 сум 32 тиен.