Татарстан Республикасы Төзелеш, архитектура һәм торак-коммуналь хуҗалык министрлыгы

ТР Төзелеш, архитектура һәм ТКХ министры Ирек Фәйзуллин Россия Минрегионы башлыгы Игорь Слюняевның Татарстан Республикасы Президенты Рөстәм Миңнеханов белән очрашуында катнашты

2012 елның 1 ноябре, пәнҗешәмбе

Россия Минрегионы башлыгы Игорь Слюняев Татарстан Республикасы Президенты Рөстәм Миңнеханов белән очрашты. Очрашуда, шулай ук, Татарстан Республикасы Төзелеш, архитектура һәм ТКХ министры Ирек Фәйзулллин һәм Татарстан Республикасы мәгълүмат һәм элемтә Министры Роман Шәйхетдинов катнашты.

Очрашуда республиканың РФ региональ үсеш Министрлыгы тарафыннан координацияләнә торган федераль программаларда катнашу соравы тикшерелде. Аерым алганда, сүз 2011-2015 еллар өчен “Россия Федерациясе субъектларында торак төзүне үстерү программаларын стимуллаштыру” “Торак” ФЦП программасы турында бара.

2011 елда республикада 2,396 млн. кв. метр торак файдалануга тапшырылган, әлеге сан 2010 ел белән чагыштырганда 18,2% күбрәк. 2009-2011 еллар өчен торак төзү күләме 7,7 % үсте, ә бу вакытта Россия буенча 2,7% ка кимү күзәтелгән. 2011 елда, бер кешегә тапшырылган торак буенча Татарстан, Россиянең уртача саныннан 1,5 тапкыр күбрәк иде (бер кешегә 0,631 кв. метр, уртача: Россия буенча – 0,436 кв. метр). Татарстандагы яңа төзелешләрнең темпларын саклап калу өчен торак төзүне стимуллаштыруның төрле чараларын кулланырга ниятлиләр, Республика Президентының РФ региональ үсеш Министры белән очрашуында да әлеге сорау буенча фикер алыштылар.

Россия Федерациясе субъектларының башкарма хакимият органнары эшчәнлеге эффективлыгын комплекслы бәяләү нәтиҗәләре буенча РФ субъектлары арасында 2011 ел өчен Татарстан Республикасы 1 нче урында тора. Республикада ТКХ өлкәсендә һәм дәүләт һәм муниципаль идарә өлкәседә эффектив булмаган чыгымнар юк.

ТКХ өлкәседәге ситуация очрашуда аерым бер тема буларак каралды.

РФ региональ үсеш Министры Игорь Слюняев үсеш дәрәҗәсе һәм динамикасы буенча рейтигның беренче урыннарында торган РФ субъектлары башлыкларын алдынгы региональ тәҗрибәне тарату буенча бердәм рәвештә актив эшләргә чакырырга уйлый.

- Һәр федераль округта регион-лидерларга аерым бурыч куела – үсеш локомотивы булу, тепмлар билгеләү. Мондый лидерның потенциалы бөтен макрорегионның мәнфәгатьләрен кайгыртып эшләргә тиеш, дип Россия Минрегионы башлыгы үз фикерен әйтте.

www.minregion.ru материаллары буенча

БАРЛЫК ЯҢАЛЫКЛАРНЫ УКУ