Казанда «ВолгаСтройЭкспо»төзелеш һәм бизәү материалларының 26нчы махсуслаштырылган күргәзмәсе ачылды
Күргәзмә 16 апрельгә кадәр барачак. Татарстанның Төзелеш министрлыгы башлыгы урынбасары Илшат Гимаев Казанда «Казан ярминкәсе» Күргәзмә Үзәге территориясендә узган «ВолгаСтройЭкспо» төзелеш һәм бизәү материалларының 26нчы махсуслаштырылган күргәзмәсен ачу тантанасында катнашты. Быел күргәзмә кысаларында семинарлар һәм түгәрәк өстәлләр каралган, җыелучылар төзелештә цифрлы стандартлар кертүнең актуаль мәсьәләләре, торак-коммуналь хуҗалык системасында инновацион чишелешләр, хезмәтне саклау өлкәсендәге соңгы үзгәрешләр турында фикер алышачаклар. Илшат Гыймаев «ВолгаСтройЭкспо» 26нчы махсуслаштырылган күргәзмәдә катнашучыларны, оештыручыларны һәм кунакларны сәламләп, чара төзелеш комплексы эшенең нәтиҗәлелеген арттыруга, үзебезнең төзелеш һәм бизәү материаллары базарын үстерүгә ярдәм итәр, тармак профессионаллары өчен бердәм коммуникацион киңлек булдырырга ярдәм итәр, дигән ышаныч белдерде. Ул шулай ук искәртеп үткәнчә, агымдагы елда төзелеш һәм капиталь ремонт буенча 44 республика программасын гамәлгә ашырырга кирәк булачак. 2 млн. 670 мең квадрат метр торак төзергә һәм файдалануга тапшырырга. Шул ук вакытта, министр урынбасары ассызыклаганча, 2030 елга кадәр перспективада күләмнәрне 3,5 миллион квадрат метрга кадәр арттыру өчен эшләр булдыруны да исәпкә алырга кирәк. Шул ук көнне Төзелеш министрлыгы вәкиле форум экспозициясе белән танышты, күргәзмә стендларын карап чыкты, анда яңа эшләнмәләрне һәм тәкъдимнәрне өйрәнде. Визит ахырында Илшат Гыймаев «Төзелештә актуаль мәсьәләләр» темасына түгәрәк өстәл эшендә катнашты. Катнашучылар бик мөһим темаларны, аерым алганда, төзелеш өлкәсендә җитештерү травматизмы дәрәҗәсенең кимүенә кагылышлы темаларны кузгаттылар.