«Казэнерго» территориясендә мобиль котельныйларны сынау үткәрелде
Бүген «Казэнерго» АҖ җитештерү мәйданчыгында җылылык белән тәэмин итү системасындагы авария хәлләренә оператив җавап бирү өчен кирәкле ике күчмә котельный җайланмасын сынау үткәрелде.
ТР Төзелеш министрлыгы ТР Президенты Рөстәм Миңнеханов карары буенча республика буенча оператив рәвештә йөри һәм җылылык челтәрләренә тоташа ала торган мобиль котельныйларны сатып алды.
«Татлизинг» ДУП генераль директоры урынбасары Илдус Насыйров искәртеп узганча, мондый карар 2018 елның язында Казанда «Казэнерго» котельнясында булган авариядән соң кабул ителгән.
Бер транспорт котельнясының куәте якынча 250 мең кв.метр торак, икенчесе - 350 мең кв. метр яки социаль әһәмияткә ия объект-мәктәп, балалар бакчасы, поликлиника, театр белән тәэмин итәргә сәләтле. Модульле корпус эчендә дизель ягулыгында эшләүче гадәти су җылыткычлары урнаштырылган.
“Тәгәрмәчле” котельный зур мәйданны да, торба үткәргечләрне дә көчле салкыннарда саклый ала.
Татарстан Төзелеш министрлыгының ТКХ идарәсе башлыгы Айрат Галләмов котельныйларның әле бер тапкыр да кулланылмавын, чөнки кирәк булмавын искәртте. «Штаттан тыш хәлләр килеп чыкканда – җылылык челтәрләрендә яки җылылык чыганакларында җитди аварияләр килеп чыкканда, аларда җылылык китерүне тулысынча бирү туктатыла – без әлеге котельный җайланмаларын тиешле урынга тиз китереп, аларны гамәлдәге челтәрләргә тоташтыра алабыз һәм объектларны «эретмәү» өчен тиз җылылык бирә алабыз, - дип сөйләде ул.
Мобиль котельныйлар - ел саен «Татлизинг» ДУП балансында формалаша торган авария-техник запасның иң зур өлеше. Аңа шулай ук электр белән тәэмин итү өчен кирәкле дизель электр генераторлары, шулай ук башка җиһазлар – торбалар, задвижкалар, насослар һ.б. керә.