Түбән Камада 110 фатирлы торак йортка күчү башланды

Түбән Каманың 35 нче микрорайонында Химиклар проспектында 15а номерлы 110 фатирлы торак йортка кешеләрне күчерә башладылар.

Социаль ипотека программасы кысаларында ТР Президенты каршындагы Дәүләт торак фонды инвестицияләре хисабына төзелгән яңа төзелештә бюджет өлкәсе хезмәткәрләре, яшь гаиләләр, медицина хезмәткәрләре-грантлар алучылар, шулай ук ятим балалар яшәячәк.

5-6 катлы йортта, 6 подъездда, фатирларның гомуми мәйданы (шулардан: 27 – бер бүлмәле, 18 –ике бүлмәле һәм 65 – өч бүлмәле) 6,5 мең кв.метр тәшкил итә. Барлык фатирлар да чиста ремонт ясалган халәттә  тапшырыла, сантехника, газ плитәләре, төтен сенсорлары, су, газ һәм электр счетчиклары, җылылык көйләүләр белән җиһазландырылган.