ТР Төзелеш министрлыгы башлыгы ведомствоның 2022 елдагы эшенә йомгак ясады

Бүген ТР төзелеш, архитектура һәм ТКХ министры Марат Айзатуллин ведомствоның йомгаклау коллегиясендә торак төзелешендә, шулай ук 2022 елда мөһим дәүләт һәм республика программаларын тормышка ашыруда төп нәтиҗәләрне ясады.

ЧараБ. Рамиев исемендәне IT-паркта узды.  Анда Татарстан Республикасы Президенты Рөстәм Миңнеханов, Россия Федерациясе Төзелеш һәм торак-коммуналь хуҗалык министры урынбасары Стасишин катнашты.

Марат Айзатуллин хәбәр иткәнчә, 2022 елда «төзелеш» эшчәнлеге төре буенча эш күләме 513 млрд.сумнан артып киткән – узган елга карата үсеш 108,3% тәшкил иткән, торак-коммуналь комплекс оешмалары тарафыннан гамәлгә ашырылган хезмәтләр күләме 51 млрд. сумга якын бәяләнә. 2021 ел белән чагыштырганда, бу 107,7%. Төзелештә хезмәт хакы 30% ка, торак-коммуналь хуҗалыкта 8% ка арткан.

Марат Айзатуллин шулай ук тармак предприятиеләреннән салым керемнәренең җитди үсешен билгеләп үтте - барлык дәрәҗәдәге бюджетларга түләүләр күләме 47 млрд 612 млн сум тәшкил итте. Бу узган елның шул ук чорыннан 28% ка югарырак.