Алексей Фролов җәмәгать урыннары белән эшләү буенча белем бирү семинарын ачуда катнашты

Бүген Казанда Татарстан районнары һәм шәһәр округлары җитәкчеләре һәм хезмәткәрләре өчен җәмәгать урыннары белән эшләү буенча укыту программасы башланды. Катнашучыларны Татарстан Республикасы Рәисе Рөстәм Миңнеханов сәламләде. Чарада ТР Төзелеш, архитектура һәм ТКХ министрының беренче урынбасары Алексей Фролов катнашты.

Республикада 2015 елдан гамәлгә ашырыла торган җәмәгать урыннары булдыру программалары җәмгыятьнең ихтыяҗына җавап булды. 8 ел эчендә Татарстанда 367 җәмәгать урыны һәм 3 мең 379 күп фатирлы йорт ишегалды төзекләндерелгән. Өч көнлек укыту программасы парклар һәм скверлар белән идарә итү буенча заманча инструментларны карарга, Россиянең башка төбәкләреннән әйдәп баручы экспертлар тәҗрибәсе белән танышырга мөмкинлек бирәчәк.

Алексей Фролов катнашучыларга адресланган мөрәҗәгатендә ведомствоның уңайлы шәһәр мохитен формалаштыру буенча проектларны гамәлгә ашыруы турында сөйләде. «2016 елдан башлап шәһәрләрне үстерү институты командасы белән тыгыз хезмәттәшлектә без уңайлы шәһәр мохитен формалаштыру буенча проектларны гамәлгә ашыру өстендә эшлибез. Шунысын да билгеләп үтәргә телим, җәмәгать урыннарын үстерү буенча җиде еллык эшчәнлек республикада күләмле үзгәрешләргә китергән. Ел саен республикадагы территорияләр яңартыла. Татарстанның хәтта иң ерак торак пунктларында да 50-70 яңа төзекләндерелгән парк, сквер, яр буе, мәйдан һәм урам төзелә», - диде ул.

Министр урынбасары төп бурычны билгеләде: 38 торак пунктта 68 җәмәгать урыны төзү эшен координацияләү. Бу эштә катнашучы проектлау принципларына басым ясала. Укыту программасының бурычы: җирле фикер алышуларда туган идеяләрне, җәмгыять киңлегенең төренә карамастан, бертигез яхшы кулланырга өйрәнү.